e-Paper

Advertisement

E-Paper

Apps

Book Your Copy

Visit Telangana Today

Saturday, November 27, 2021
Home తెలంగాణ క్షతగాత్రులకు సాయపడితే ఐదువేలు

క్షతగాత్రులకు సాయపడితే ఐదువేలు

  • నగదు ప్రోత్సాహకం ప్రకటించిన కేంద్రం
  • వ్యక్తిగత వివరాలు చెప్పాల్సిన పనిలేదు
  • దేశవ్యాప్తంగా పదిమందికి లక్ష బహుమతి
  • 15 నుంచి అమల్లోకి కొత్త నిబంధనలు

హైదరాబాద్‌, అక్టోబర్‌ 6 (నమస్తే తెలంగాణ): రోడ్డు ప్రమాద బాధితులకు సాయం చేసి, దవాఖానలకు తరలించేవారికి పోలీస్‌స్టేషన్ల చుట్టూ తిరగటం, సాక్ష్యాలు చెప్పటం వంటి తలనొప్పులు లేకుండా కేంద్రప్రభుత్వం మరింత భరోసా ఇస్తున్నది. బాధితులకు సాయం చేసినవారికి రూ.5 వేలు నగదు ప్రోత్సాహకం, ప్రశంసాపత్రాన్ని అందించే కార్యక్రమాన్ని ఈ నెల 15న ప్రారంభించనున్నది. ఏడాదిలో ఇలా రోడ్డు ప్రమాద బాధితులను రక్షించడంలో మానవత్వం చూపిన పదిమంది ఉత్తమ పౌరులను ఎంపికచేసి వారికి రూ.లక్ష చొప్పున నగదు బహుమతి, ప్రశంసా పత్రాలు అందించాలని కేంద్ర రోడ్డు రవాణాశాఖ నిర్ణయించింది. ఈ మేరకు రెండురోజుల క్రితం అన్ని రాష్ర్టాల రవాణాశాఖ కార్యదర్శులు, కమిషనర్లకు ఆదేశాలు అందాయి. వారి ద్వారా పోలీస్‌, ఆరోగ్యశాఖలకు సమాచారం పంపారు.

ఇదీ విధానం

  • సాయం చేసేవారికి నగదు ప్రోత్సాహకాల కోసం కేంద్ర రవాణాశాఖ తొలుత రూ.5 లక్షల చొప్పున ప్రతి రాష్ర్టానికి ఇవ్వనున్నది. ఇందుకోసం ప్రత్యేక బ్యాంకు ఖాతా తెరవాలని రాష్ర్టాలకు సూచించింది.
  • రోడ్డు ప్రమాదం జరిగిన తర్వాత వీలైనంత త్వరగా (గోల్డెన్‌ అవర్‌లో) దవాఖానకు చేర్చి బాధితుల ప్రాణాలు కాపాడినవారు ఈ అవార్డుకు అర్హులు.
  • క్షతగాత్రులను దవాఖానకు తరలించే ముందు నేరుగా పోలీసులకు సమాచారం ఇస్త్తే, సాయం అందించిన వారి వివరాలు తీసుకొని పోలీస్‌ స్టేషన్‌ లెటర్‌హెడ్‌పై ఒక ఎక్‌నాలెడ్జ్‌మెంట్‌ను ఇవ్వటంతోపాటు అప్రైసల్‌ కమిటీకి ప్రతిపాదనలు పంపుతారు. నేరుగా దవాఖానకు తీసుకెళ్తే అక్కడి సిబ్బంది సాయం చేసినవారి వివరాలను పోలీసులకు ఇస్తారు. తన వివరాలు ఇవ్వాలా? వద్దా? అన్నది సదరు వ్యక్తి ఇష్టంపైనే ఆధారపడి ఉంటుంది. వివరాలు ఇచ్చిన వారిని మాత్రమే ఈ పురస్కారం జాబితాలో చేర్చుతారు.
  • ప్రతిపాదనలను జిల్లా మెజిస్ట్రేట్‌ నేతృత్వంలోని కమిటీ పరిశీలించి రాష్ట్రస్థాయిలో హోంశాఖ కార్యదర్శి నేతృత్వంలోని కమిటీకి పంపుతుంది. కమిటీ ఆమోదంతో ప్రతి నెలా ఉత్తమ పౌరులను గుర్తించి రూ.5 వేల చొప్పున నగదు పురస్కారాలు అందిస్తారు.
  • క్షతగాత్రులను దవాఖానకు తీసుకువెళ్లేవారిని పోలీసులు, ఇతర అధికారులు వేధించకుండా మోటార్‌ వెహికిల్‌ (సవరణ) చట్టం 2019 సెక్షన్‌ 134 (ఏ) పూర్తి రక్షణ ఇస్తున్నది. దీని ప్రకారం ఏ అధికారి కూడా క్షతగాత్రుడిని దవాఖానకు తీసుకొచ్చినవారి వ్యక్తిగత వివరాలు అడుగకూడదు.
- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement