నిమ్స్‌లో పైసా ఖర్చులేకుండా గుండెమార్పిడి

గుండె వ్యాధితో బాధపడుతున్న ఓ యువకుడికి నిమ్స్‌ వైద్యులు విజయవంతంగా గుండెమార్పిడి చేశారు. వివరాల్లోకి వెళితే.. అనిల్‌కుమార్‌ (19) ‘డైలేటడ్‌ కార్డియో మయోపతి’ అరుదైన గుండెజబ్బుతో బాధపడుతున్నాడు. అమెరికా వైద్యాధికారుల సహకారంతో ఈనెల 7న గుండె మార్పిడి శస్త్రచికిత్సను విజయవంతంగా పూర్తిచేసి.. బుధవారం డిశ్చార్జ్‌ చేశారు.

హైదరాబాద్‌ సిటీబ్యూరో, మార్చి 26 (నమస్తే తెలంగాణ): గుండె వ్యాధితో బాధపడుతున్న ఓ యువకుడికి నిమ్స్‌ వైద్యులు విజయవంతంగా గుండెమార్పిడి చేశారు. వివరాల్లోకి వెళితే.. అనిల్‌కుమార్‌ (19) ‘డైలేటడ్‌ కార్డియో మయోపతి’ అరుదైన గుండెజబ్బుతో బాధపడుతున్నాడు. అమెరికా వైద్యాధికారుల సహకారంతో ఈనెల 7న గుండె మార్పిడి శస్త్రచికిత్సను విజయవంతంగా పూర్తిచేసి.. బుధవారం డిశ్చార్జ్‌ చేశారు.

ఈ సందర్భంగా డాక్టర్‌ అమరేశ్వర్‌రావు మాట్లాడుతూ అరుదైన డీసీఎం వ్యాధిగ్రస్తుల్లో గుండె పనితీరు రోజురోజుకూ క్షీణిస్తుందని, అలాంటి రోగులకు గుండె మార్పిడి తప్ప మరో మార్గం లేదని తెలిపారు. కార్పొరేట్‌లో ఈ శస్త్రచికిత్సకు రూ.50లక్షల వరకు ఖర్చవుతుందని, నిమ్స్‌లోని ఆరోగ్యశ్రీ కింద ఉచితంగా శస్త్రచికిత్స చేసినట్టు పేర్కొన్నారు. ఈ సందర్భంగా డాక్టర్లు అమరేశ్వర్‌రావు, గోపాల్‌, కళాధర్‌ బృందాన్ని నిమ్స్‌ డైరెక్టర్‌ డాక్టర్‌ బీరప్ప అభినందించారు.