Visit:
TG Weather | తెలంగాణ‌లో రాగ‌ల నాలుగు రోజులు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం వెల్ల‌డించింది. ఈ మేర‌కు ఆయా జిల్లాల‌కు ఎల్లో అలెర్ట్‌ను జారీ చేసింది. ఉరుములు, మెరుపులు, ఈదురుగాలుల‌తో కూడిన వాన‌లు ప‌డే అవ‌కాశం ఉంద‌ని పేర్కొంది. ద‌క్షిణ అండ‌మాన్‌ని అనుకొని ఆగ్నేయ బంగాళాఖాతంలో ఉప‌రిత‌ల ఆవ‌ర్త‌నం స‌గ‌టు స‌ముద్ర‌మ‌ట్టానికి 5.8 కిలోమీట‌ర్ల ఎత్తు వ‌ర‌కు విస్త‌రించి ఉంద‌ని తెలిపింది. దీని ప్ర‌భావంతో రాగ‌ల 24గంట‌ల్లో ఆగ్నేయ బంగాళాఖాతంలో అల్ప‌పీడ‌నం ఏర్ప‌డే అవ‌కాశం ఉంద‌ని.. ప‌శ్చిమ-వాయువ్య దిశ‌గా క‌దులుతూ 48 గంట‌ల్లో ద‌క్షిణ బంగాళాఖాతం మ‌ధ్య ప్రాంతాల‌ను ఆనుకొని ఉన్న ప‌శ్చిమ-మ‌ధ్య బంగాళాఖాతంలో వాయుగుండంగా మ‌రింత బ‌ల‌ప‌డే అవ‌కాశం ఉంద‌ని తెలిపింది.
ఇక తెలంగాణ‌లో సోమ‌వారం నుంచి బుధ‌వారం వ‌ర‌కు రాష్ట్ర‌వ్యాప్తంగా ప‌లు ప్రాంతాల్లో ఉరుములు, మెరుపులు, గంట‌కు 30-40 కిలోమీట‌ర్ల వేగంతో ఈదురుగాలులు వీస్తూ అక్క‌డ‌క్క‌డ తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని అంచ‌నా వేసింది. గురువారం ఖ‌మ్మం, న‌ల్గొండ, సూర్యాపేట, మ‌హ‌బూబ్‌న‌గ‌ర్‌, నాగ‌ర్ కర్నూల్, వ‌న‌ప‌ర్తి, నారాయ‌ణ‌పేట, జోగులాంబ గ‌ద్వాల జిల్లాల్లో అక్క‌డ‌క్క‌డ భారీ వ‌ర్షాలు కురిసే ఛాన్స్ ఉంద‌ని చెప్పింది. అలాగే, శుక్ర‌వారం ఖ‌మ్మం, న‌ల్గొండ, సూర్యాపేట, మ‌హ‌బూబ్‌న‌గ‌ర్‌, నాగ‌ర్ కర్నూల్ త‌దిత‌ర జిల్లాల్లో భారీ వ‌ర్షాలు ప‌డే సూచ‌న‌లున్నాయ‌ని చెప్పింది. గ‌డిచిన 24గంట‌ల్లో ప‌లు జిల్లాల్లో మోస్త‌రు వ‌ర్షాలు కురిశాయి. జ‌గిత్యాల, రాజ‌న్న సిరిసిల్ల, సిద్దిపేట, ములుగు, హ‌న్మ‌కొండ, వ‌రంగ‌ల్‌, మ‌హ‌బూబాబాద్‌, భ‌ద్రాద్రి కొత్త‌గూడెం జిల్లాల్లో తేలిక‌పాటి నుంచి మోస్త‌రు వ‌ర్షాలు కురిసిన‌ట్లుగా టీజీడీపీఎస్ వివ‌రించింది.
Diwali Zodiac Signs | ఈ మూడురాశుల‌వారిపై కుబేరుడి ప్ర‌త్యేక దృష్టి.. ఇక సంప‌ద‌కు లోటే ఉండ‌దు..!
