TG Rains | ఉపరితల ద్రోణి ప్రభావం.. మరో మూడురోజులు వానలే..!

TG Rains | తెలంగాణవ్యాప్తంగా పలుచోట్ల గురువారం మోస్తరు వర్షాపాతం నమోదైంది. ఉత్తర తెలంగాణలోని పలు జిల్లాలతో పాటు నల్గొండ, సూర్యాపేట, వికారాబాద్‌, నాగర్‌ కర్నూల్‌ తదితర జిల్లాల్లో వర్షాలు కురిశాయి. మరో వైపు రాగల మూడురోజులు సైతం వర్షాలు కురిసే అవకాశం ఉందని హైదరాబాద్‌ వాతావరణ కేంద్రం హెచ్చరించింది.

TG Rains | తెలంగాణవ్యాప్తంగా పలుచోట్ల గురువారం మోస్తరు వర్షాపాతం నమోదైంది. ఉత్తర తెలంగాణలోని పలు జిల్లాలతో పాటు నల్గొండ, సూర్యాపేట, వికారాబాద్‌, నాగర్‌ కర్నూల్‌ తదితర జిల్లాల్లో వర్షాలు కురిశాయి. మరో వైపు రాగల మూడురోజులు సైతం వర్షాలు కురిసే అవకాశం ఉందని హైదరాబాద్‌ వాతావరణ కేంద్రం హెచ్చరించింది. శుక్రవారం పలుచోట్ల ఉరుములు, మెరుపులు, ఈదురుగాలులతో కూడిన వర్షాలు కురిసేందుకు అవకాశం ఉందని పేర్కొంది.

శనివారం ఆదిలాబాద్‌, ఆసిఫాబాద్‌, మంచిర్యాల, నిర్మల్‌, భూపాలపల్లి, ములుగు, కొత్తగూడెం, ఖమ్మం, నల్గొండ, సూర్యాపేట, మహబూబాబాద్‌, వరంగల్‌, హన్మకొండ, మహబూబ్‌నగర్‌, నాగర్‌ కర్నూల్‌, వనపర్తి జిల్లాల్లో వానలు పడుతాయని హెచ్చరించింది. ఆదివారం ఆదిలాబాద్‌, ఆసిఫాబాద్‌, మంచిర్యాల, నిర్మల్‌, నల్గొండ, సూర్యాపేట, మహబూబ్‌నగర్‌, నాగర్‌ కర్నూల్‌, వనపర్తి, నారాయణపేట, జోగులాంబ గద్వాల జిల్లాల్లో వర్షాలు పడుతాయని చెప్పింది.

ఆయా జిల్లాలకు వాతావరణశాఖ ఎల్లో అలెర్ట్‌ను జారీ చేసింది. బంగాళాఖాతంలో అల్పపీడన ద్రోణి ప్రభావంతో వర్షాలు కురుస్తున్నాయని వాతావరణ శాఖ పేర్కొంది. ద్రోణి ప్రభావంతో వర్షాలు కొనసాగుతాయని.. ఈ నెలలో అరేబియా సముద్రంలో ఒకటి, బంగాళాఖాతంలో రెండు తుఫాన్లు ఏర్పడే అవకాశాలున్నాయని భారత వాతావరణ కేంద్రం అంచనా వేసింది.