Visit:
Municipal Elections | హైదరాబాద్, జనవరి 26 (నమస్తే తెలంగాణ): రాష్ట్రంలో మున్సిపల్ ఎన్నికల పోరుకు సర్వం రంగం సిద్ధమైంది. 116 మున్సిపాలిటీలు, ఏడు కార్పొరేషన్ల పరిధిలో రెండో సాధారణ ఎన్నికల నిర్వహణ కు మంగళవారం షెడ్యూల్ విడుదల చేయనున్నట్టు తెలుస్తున్నది. దీనికోసం ఎన్నికల సంఘం ప్రధాన కార్యాలయంలో అన్ని విభాగాల అధికారులతో మంగళవారం ప్రత్యేక సమావేశాన్ని ఏర్పాటు చేయనున్న ట్టు సమాచారం.
అనంతరం మధ్యాహ్నం 2గంటల తరువాత షెడ్యూల్ విడుదల చేయాలని ఎన్నికల సంఘం భావిస్తున్నట్టు తెలుస్తున్నది. ఆ మేరకు ఏర్పాట్లు చేయాల ని కూడా అధికారులను రాష్ట్ర ఎన్నికల సం ఘం ఆదేశించినట్టు సమాచారం. మొత్తం గా ఫిబ్రవరి 15లోగా ఎన్నికల ప్రక్రియను ముగించేలా షెడ్యూల్ ఖరారు చేసినట్టు తెలిసింది. కోర్టు వివాదాల్లో ఉన్న మున్సిపాల్టీలను మినహాయించి మొత్తంగా 116మున్సిపాల్టీలు, 7కార్పొరేషన్ల లో కొత్త పాలకవర్గాల ఎన్నికలను నిర్వహించాల్సి ఉంది. ఇప్పటికే మున్సిపాల్టీల వారీగా, చైర్మన్, కౌన్సిలర్ స్థానాలకు రిజర్వేషన్ల ప్రక్రియను సైతం ప్రభుత్వం పూర్తిచేసింది. ఎన్నికల సంఘం కూడా ముందస్తు ఏర్పాట్లపై ఇప్పటికే అధికార యంత్రాంగానికి దిశానిర్దేశం చేసింది.
