‘ఉపాధి’ని వ్యవసాయానికి అనుసంధానం చేయండి

ఉపాధి హామీ పథకాన్ని వ్యవసాయానికి అనుసంధానం చేయాలని ఎమ్మెల్సీ పోచంపల్లి శ్రీనివాస్‌రెడ్డి కేంద్ర ప్రభుత్వాన్ని కోరారు. నర్సంపేట ఎమ్మెల్యే పెద్ది సుదర్శన్‌రెడ్డి ప్రారంభించిన పోస్ట్‌ కార్డు ఉద్యమానికి మద్దతుగా ఎమ్మెల్సీ పోచంపల్లి బుధవారం కేంద్ర గ్రామీణాభివృద్ధి శాఖ మంత్రి గిరిరాజ్‌సింగ్‌కు ఈ విషయమై లేఖ రాశారు. ఉపాధి హామీ పథకాన్ని వ్యవసాయానికి అనుసంధానం చేయాలని కోరుతూ సీఎం కేసీఆర్‌ అసెంబ్లీ తీర్మానం చేసిన విషయాన్ని గుర్తు చేశారు.

• కేంద్రాన్ని కోరుతూ ఎమ్మెల్సీ పోచంపల్లి పోస్టు కార్డు

హైదరాబాద్‌, ఏప్రిల్‌ 19 (నమస్తే తెలంగాణ): ఉపాధి హామీ పథకాన్ని వ్యవసాయానికి అనుసంధానం చేయాలని ఎమ్మెల్సీ పోచంపల్లి శ్రీనివాస్‌రెడ్డి కేంద్ర ప్రభుత్వాన్ని కోరారు. నర్సంపేట ఎమ్మెల్యే పెద్ది సుదర్శన్‌రెడ్డి ప్రారంభించిన పోస్ట్‌ కార్డు ఉద్యమానికి మద్దతుగా ఎమ్మెల్సీ పోచంపల్లి బుధవారం కేంద్ర గ్రామీణాభివృద్ధి శాఖ మంత్రి గిరిరాజ్‌సింగ్‌కు ఈ విషయమై లేఖ రాశారు.

ఉపాధి హామీ పథకాన్ని వ్యవసాయానికి అనుసంధానం చేయాలని కోరుతూ సీఎం కేసీఆర్‌ అసెంబ్లీ తీర్మానం చేసిన విషయాన్ని గుర్తు చేశారు. ఈ పథకాన్ని కేంద్ర ప్రభుత్వం నిర్వీర్యం చేసేందుకే రూ.30 వేల కోట్ల నిధులను తగ్గించిందని, దీంతో ఉపాధి కూలి పనిదినాలూ తగ్గాయని పేర్కొన్నారు. వ్యవసాయ కూలీకి రోజుకు రూ.257 ఇవ్వాలని చట్టం ఉన్నప్పటికీ ఏ ఒక కూలీకి రూ.100కు మించడం లేదని, పని ప్రదేశాల్లో కనీస మౌలిక సదుపాయాలు కల్పించడం లేదని తెలిపారు. పథకంలో పనిచేసే సిబ్బందికి ఉద్యోగ భద్రత కల్పించాలని కోరారు.