Miss World | మిస్‌వరల్డ్‌ పోటీలకు ముస్తాబు.. 116 దేశాల నుంచి అందాల తారలు

మిస్‌వరల్డ్‌-2025 పోటీలకు తెలంగాణ ముస్తాబైంది. ఈ నెల 10న సాయంత్రం 5 గంటలకు హైదరాబాద్‌ గచ్చిబౌలిలోని ఇండోర్‌ స్టేడియంలో ఈ పోటీలు ప్రారంభంకానున్నాయి.

• 10న గచ్చిబౌలి స్టేడియంలో ప్రారంభం
• వివిధ చారిత్రక ప్రాంతాల్లో పర్యటించనున్న కంటెస్టెంట్లు

Miss World | హైదరాబాద్‌, మే 5 (నమస్తే తెలంగాణ): మిస్‌వరల్డ్‌-2025 పోటీలకు తెలంగాణ ముస్తాబైంది. ఈ నెల 10న సాయంత్రం 5 గంటలకు హైదరాబాద్‌ గచ్చిబౌలిలోని ఇండోర్‌ స్టేడియంలో ఈ పోటీలు ప్రారంభంకానున్నాయి. తెలంగాణ సంస్కృతి, వారసత్వం ప్రతిబింబించాలనే ఉద్దేశంతో నిర్వహించనున్న ఈ పోటీల్లో 116 దేశాల నుంచి అందాల తారలు పాల్గొననున్నారు. అమెరికా, ఆఫ్రికా, యూరప్‌, ఆసియా తదితర ఖండాల్లోని వివిధ దేశాలతోపాటు కరీబియన్‌ దీవులకు చెందిన పలువురు అందగత్తెలు తెలంగాణ ఆతిథ్యాన్ని స్వీకరించనున్నారు.

అందాల పోటీల షెడ్యూల్‌ వివరాలు (మే నెల)

• 10న సాయంత్రం 5 గంటలకు గచ్చిబౌలి ఇండోర్‌ స్టేడియంలో ప్రారంభం
• 12న ఆసియాకు చెందిన 28 మంది కంటెస్టెంట్లు నాగర్జునసాగర్‌,బుద్ధవనంలోని బౌద్ధ థీమ్‌ పార్క్‌ సందర్శన
• 13న: చార్మినార్‌, లాడ్‌బజార్‌లోని చారిత్రక వారసత్వ కట్టడాల సందర్శన అదేరోజు సాయంత్రం 6 గంటలకు చౌమహల్లా ప్యాలెస్‌లో విందు స్వీకరిస్తారు.
• 14న: సాయంత్రం ఐదు గంటలకు అమెరికాకు చెందిన 22 మంది వేయిస్తంభాల గుడి, వరంగల్‌ కోట సందర్శన.. యూరప్‌కు చెందిన 35 మంది పోటీదారులు అదేరోజు సాయంత్రం 4:30 గంటలకు రామప్ప ఆలయ సందర్శనకు వెళ్తారు.
• 15న: సాయంత్రం 5 గంటలకు కరీబియన్‌ దేశాలకు చెందిన 10 మంది యాదగిరిగుట్ట సందర్శనకు వెళ్తారు. అదేరోజు సాయంత్రం ఆఫ్రికా దేశాలకు చెందిన 25 మంది పోచంపల్లిలో హ్యాండ్ల్యూమ్‌ టెక్స్‌టైల్‌ ఎక్స్‌పోలో పాల్గొంటారు.
• 16న: మిస్‌వరల్డ్‌ పోటీదారులు హైదరాబాద్‌లోని మెడికల్‌ టూరిజం ప్రాంతాలకు వెళ్తారు. అదేరోజు అమెరికాకు చెందిన వారు మహబూబ్‌నగర్‌ జిల్లాలోని పిల్లలమర్రిని సందర్శిస్తారు.
• 17: గచ్చిబౌలి స్టేడియంలో ఫైనల్స్‌ పోటీలు.. అదేరోజు రామోజీ ఫిల్మ్‌సిటీ సందర్శన
• 18: ఇంటిగ్రేటెడ్‌ కమాండ్‌ సెంట్రల్‌ సందర్శన..సాయంత్రం: సెక్రటేరియట్‌, ట్యాంక్‌బండ్‌, తెలంగాణ తల్లి, నెక్లెస్‌రోడ్‌ వద్ద కార్నివాల్‌
• 20న: ఖండాలవారీగా పోటీదారుల ఫాస్ట్‌ ట్రాక్‌ సెలెక్షన్స్‌
• 20 లేదా 21న: ఐపీఎల్‌ సెమీఫైనల్స్‌ సందర్భంగా క్రికెట్‌ ఆడే దేశాలకు చెందిన 20 మంది ఉప్పల్‌ క్రికెట్‌ స్డేడియంలో సందడి చేస్తారు.
• 21న: 35 మంది శిల్పారామంలోని డ్వాక్రా బజార్‌కు వెళ్తారు.
• 22న: 116 మంది కంటెస్టెంట్లు శిల్పకళావేదికలో ప్రతిభను ప్రదర్శిస్తారు.
• 23న: ట్రైడెంట్‌ హోటల్‌ సందర్శన
• 24న: ట్రైడెంట్‌/హైటెక్స్‌లో ఫ్యాషన్‌, జ్యువెలరీ షోలో పాల్గొంటారు.. అదేరోజూ హైటెక్స్‌లో విందుకు హాజరవుతారు.
• 31: సాయంత్రం 5:30 గంటలకు రెడ్‌కార్పెట్‌ ఈవెంట్‌ ప్రారంభమవుతుంది. రాత్రి 10 గంటల నుంచి ఒంటి గంటవరకు ఫైనల్‌ పోటీలు నిర్వహించి, మిస్‌వరల్డ్‌ పోటీల విజేతను ప్రకటిస్తారు.
• జూన్‌ 2న: కొత్త మిస్‌వరల్డ్‌, ఆరు ఖండాల విజేతలు రాజ్‌భవన్‌లో జరిగే రాష్ట్ర అవతరణ వేడుకల్లో పాల్గొంటారు. కార్యక్రమానికి సీఎం రేవంత్‌రెడ్డి, గవర్నర్‌ జిష్ణుదేవ్‌వర్మ హాజరవుతారు.