ప్రణాళిక, సమన్వయంతో ముందుకెళ్లాలి

భారత రాష్ట్ర సమితి రానున్న 3-4 నెలలపాటు విస్తృతంగా చేపట్టనున్న కార్యక్రమాలు చేపట్టనున్న నేపథ్యంలో పక్కా ప్రణాళికతో, సమన్వయంతో ముందుకు సాగాలని బీఆర్‌ఎస్‌ వరింగ్‌ ప్రెసిడెంట్‌, రాష్ట్ర పురపాలక, ఐటీ శాఖ మంత్రి కేటీఆర్‌ స్పష్టం చేశారు

• నాలుగు నెలల పాటు బీఆర్‌ఎస్‌ విస్తృత కార్యక్రమాలు
• జిల్లా ఇన్‌చార్జ్‌లతో వర్కింగ్‌ ప్రెసిడెంట్‌, మంత్రి కేటీఆర్‌

హైదరాబాద్‌, మార్చి 15 (నమస్తే తెలంగాణ): భారత రాష్ట్ర సమితి రానున్న 3-4 నెలలపాటు విస్తృతంగా చేపట్టనున్న కార్యక్రమాలు చేపట్టనున్న నేపథ్యంలో పక్కా ప్రణాళికతో, సమన్వయంతో ముందుకు సాగాలని బీఆర్‌ఎస్‌ వరింగ్‌ ప్రెసిడెంట్‌, రాష్ట్ర పురపాలక, ఐటీ శాఖ మంత్రి కేటీఆర్‌ స్పష్టం చేశారు. ఇటీవల జరిగిన విస్తృతస్థాయి సమావేశంలో సీఎం కేసీఆర్‌ నిర్దేశించిన కార్యక్రమాలను విజయంతం చేయాలని ఆదేశించారు. హైదరాబాద్‌లోని నందినగర్‌లో బుధవారం పార్టీ జిల్లా జిల్లా ఇన్‌చార్జ్‌లతో ఆయన సమావేశమై పార్టీ కార్యక్రమాల అమలు, శ్రేణులతో సమన్వయానికి సంబంధించి దిశానిర్దేశం చేశారు.

 

పార్టీ జిల్లా ఇన్‌చార్జీలకు కేటీఆర్‌ సూచనలు

• ఆత్మీయ సమ్మేళనాల నిర్వహణకు ఎమ్మెల్యేలు, జిల్లా అధ్యక్ష, ప్రధానకార్యదర్శులు ఇన్‌చార్జీలతో సమన్వయం చేసుకోవాలి.
• ప్రతి పది గ్రామాలను యూనిట్‌గా తీసుకొని ఎమ్మెల్యేలు పార్టీ సభ్యులతో ఆత్మీయ సమ్మేళనాలను నిర్వహించాలి. ఒకో పట్టణానికి, లేదా పట్టణాల్లోని డివిజన్లను కలిపి సమ్మేళనాలు నిర్వహించాలి.
• ఏప్రిల్‌లో పార్టీ ఆవిర్భావ దినోత్సవం నాటికి ఆత్మీయ సమ్మేళన నిర్వహణ పూర్తి కావాలి. దీని పూర్తి షెడ్యూల్‌ (క్యాలెండర్‌)ను పార్టీకి వెంటనే అందించాలి.
• శిక్షణ తరగతుల తరహాలో ఆత్మీయ సమ్మేళనాలకు ప్రత్యేక ఏర్పాట్లు చేసుకోవాలి. భోజన ఏర్పాట్లు ఉండాలి.
• ఆత్మీయ సమ్మేళనాల పరిధిలోని గ్రామాల్లో జరిగిన అభివృద్ధిపై వివరాలన్నీ సేకరించి సిద్ధంగా ఉంచుకోవాలి.
• గ్రామాల వారీగా ఒక కరపత్రాన్ని, నియోజకవర్గంలోని అభివృద్ధి, సంక్షేమ వివరాలతో మరో కరపత్రాన్ని రూపొందించాలి.
• తెలంగాణలో మారిన పరిస్థితులకు అద్దంపట్టేలా నమస్తే తెలంగాణ ‘నాడు-నేడు’ పేరుతో పుస్తకాన్ని తెచ్చింది. ఈ పుస్తకాన్ని ప్రతి ఒక్కరికి పంచేలా చూడాలి.
• ఆత్మీయ సమ్మేళన సమావేశ ప్రాంగణంలో అభివృద్ధి కార్యక్రమాలు తాలూకు ఫొటో ఎగ్జిబిషన్‌ ఏర్పాటు చేసుకోవాలి.
• నియోజకవర్గ అభివృద్ధిపై ఆడియో, వీడియో మెటీరియల్‌ సిద్ధం చేసుకోవాలి.
• పార్టీ సమ్మేళనాలను హైదరాబాద్‌ నుంచి సీనియర్‌ నేత మధుసూదనాచారి కమిటీ నిరంతరం పర్యవేక్షిస్తుంది.

పార్టీ ఆఫీసులు, అంబేద్కర్‌ జయంతిపై..

• నిర్మాణం పూర్తై ప్రారంభం కాని జిల్లా పార్టీ కార్యాలయాలను ప్రారంభించుకోవాలి. ఈ కార్యక్రమం పార్టీ ఆవిర్భావ దినోత్సవం నాటికి పూర్తి కావాలి. ఈ విషయంలో పార్టీతో సమన్వయం చేసుకొని ప్రారంభోత్సవ తేదీలను నిర్ణయించాలి.
• రాజ్యాంగ నిర్మాత డాక్టర్‌ బీఆర్‌ అంబేదర్‌ జయంతి ఉత్సవాలను ఘనంగా నిర్వహించాలని ప్రభుత్వం, పార్టీ నిర్ణయించింది. ఈ దిశగా జయంతి ఉత్సవాల కార్యక్రమాలను రూపొందించుకోవాలి. దేశంలోనే అతిపెద్ద డాక్టర్‌ అంబేదర్‌ విగ్రహం ఏర్పాటు చేయబోతుండటం, పరిపాలన ఆత్మగౌరవ చిహ్నమైన నూతన సచివాలయానికి బాబాసాహెబ్‌ పేరు పెట్టిన నేపథ్యం ప్రభుత్వం, పార్టీ కార్యక్రమాలను ప్రజల్లోకి విస్తృతంగా తీసుకెళ్లేలా అంబేద్కర్‌ జయంతి ఉత్సవాలను నిర్వహించాలి. అంబేదర్‌ జయంతి రోజున దళిత సంఘాల ఆధ్వర్యంలో పెద్దఎత్తున ర్యాలీలు నిర్వహించాలి.
• జూన్‌ 1న అమరుల స్థూపం ఆవిషరణ నేపథ్యంలో కార్యక్రమాలు చేపట్టాలి.
• బీఆర్‌ఎస్‌ ఆవిర్భావం నేపథ్యంలో ఏప్రిల్‌ 25న నియోజకవర్గాల వారీగా జనరల్‌ బాడీ సమావేశాలను నిర్వహించుకోవాలి.
• ఏప్రిల్‌ 25న పార్టీ జెండాల ఆవిషరణ అనంతరం నియోజకవర్గ కేంద్రాల్లో ప్రజాప్రతినిధుల సభ జిల్లా పార్టీ ఆఫీసులో నిర్వహించాలి. కొత్త విద్యా సంవత్సరం జూన్‌ నుంచి ప్రారంభమవుతున్నందున విద్యార్థి విభాగం ఆధ్వర్యంలో కార్యక్రమాలు చేపట్టాలి. కొత్త కమిటీలు వేసుకొని సభ్యత్వ నమోదు చేపట్టాలి.
• ఇంటర్‌, డిగ్రీ, ఇంజనీరింగ్‌ కాలేజీల్లో కొత్త విద్యార్థులకు స్వాగత కార్యక్రమాలను ఏర్పాటు చేయాలి.

మీడియాలో చర్చలకు నేతల జాబితా

ప్రకటించిన బీఆర్‌ఎస్‌ పార్టీ

పలు వార్తా చానళ్ల చర్చ కార్యక్రమాల్లో పాల్గొనే వారి జాబితాను బీఆర్‌ఎస్‌ పార్టీ విడుదల చేసింది. జాబితాలోని నేతలే చర్చల్లో పాల్గొనాల్సి ఉంటుంది.

ఎంపీలు: కే సురేశ్‌రెడ్డి, బడుగుల లింగయ్య యాదవ్‌, రంజిత్‌రెడ్డి, వెంకటేశ్‌ నేత, మాలోతు కవిత

ఎమ్మెల్యేలు : బాల్కసుమన్‌, కేపీ వివేకానంద్‌గౌడ్‌, ఆశన్నగారి జీవన్‌రెడ్డి, గాదరి కిశోర్‌ కుమార్‌, పద్మా దేవేందర్‌రెడ్డి, గొంగడి సునీత, రసమయి బాలకిషన్‌, గువ్వల బాలరాజు, పెద్ది సుదర్శన్‌రెడ్డి, గండ్ర వెంకటరమణారెడ్డి, సండ్ర వెంకట వీరయ్య, ఆరూరి రమేశ్‌, క్రాంతి కిరణ్‌, మెతుకు ఆనంద్‌, సుంకె రవిశంకర్‌, సైదిరెడ్డి, రేగా కాంతారావు

ఎమ్మెల్సీలు: కడియం శ్రీహరి, పల్లా రాజేశ్వర్‌రెడ్డి, ఎల్‌ రమణ, భాను ప్రసాదరావు, ఎంఎస్‌ ప్రభాకర్‌రావు, తక్కళ్లపల్లి రవీందర్‌రావు నేషనల్‌ మీడియాలో చర్చకు కొండూరు రవీందర్‌రావు, మన్నె క్రిశాంక్‌, రావుల శ్రీధర్‌రెడ్డి, దాసోజు శ్రావణ్‌, పటోళ్ల కార్తీక్‌రెడ్డి, దినేశ్‌ చౌదరి, పుట్ట విష్ణువర్ధన్‌రెడ్డి పార్టీ ఇతర నేతలు, చైర్మన్లు మందా జగన్నాథం, సీతారాం నాయక్‌, బోడకుంటి వెంకటేశ్వర్లు, కర్నె ప్రభాకర్‌, ఓ నర్సింహారెడ్డి, రాంబాబు యాదవ్‌, దేవీప్రసాద్‌రావు, ఎర్రోళ్ల శ్రీనివాస్‌, వై సతీశ్‌రెడ్డి, పీ జగన్మోహన్‌రావు, కేతిరెడ్డి వాసుదేవరెడ్డి, దూదిమెట్ల బాలరాజు యాదవ్‌, అనిల్‌ కూర్మాచలం, మెట్టు శ్రీనివాస్‌, బొంతు రామ్మోహన్‌, బాబా ఫసియుద్దీన్‌, రాకేశ్‌ చిరుమిళ్ల ఉన్నారు.