రైతుల సుదీర్ఘ పోరాటానికి దిగివచ్చిన కేంద్రం: మంత్రి ఇంద్రకరణ్ రెడ్డి

Minister Indrakaran reddy | నూత‌న‌ సాగు చ‌ట్టాల‌కు వ్యతిరేకంగా దేశ‌వ్యాప్తంగా సాగిన ఉద్యమం ఫ‌లించిందని, ఇది అన్నదాత‌లు సాధించిన విజ‌యమని మంత్రి అల్లోల ఇంద్రక‌ర‌ణ్ రెడ్డి అన్నారు. ప్రజాస్వామ్య ప‌ద్ధతిలో రైతులు చేసిన సుదీర్ఘ పోరాటానికి కేంద్రం దిగిరాక త‌ప్పలేద‌న్నారు.

హైదరాబాద్‌: నూత‌న‌ సాగు చ‌ట్టాల‌కు వ్యతిరేకంగా దేశ‌వ్యాప్తంగా సాగిన ఉద్యమం ఫ‌లించిందని, ఇది అన్నదాత‌లు సాధించిన విజ‌యమని మంత్రి అల్లోల ఇంద్రక‌ర‌ణ్ రెడ్డి అన్నారు. ప్రజాస్వామ్య ప‌ద్ధతిలో రైతులు చేసిన సుదీర్ఘ పోరాటానికి కేంద్రం దిగిరాక త‌ప్పలేద‌న్నారు. రైతుల‌కు మ‌ద్ధతుగా.. వ్యవ‌సాయ చ‌ట్టాలకు వ్యతిరేకంగా సీఎం కేసీఆర్ చేప‌ట్టిన ఉద్యమ‌సెగ ఢిల్లీకి త‌గిలింద‌ని చెప్పారు. సీఎం కేసీఆర్ నేతృత్వంలోని టీఆర్ఎస్ ప్రభుత్వం అన్నదాత‌లకు అండ‌గా ఉంటుంద‌ని, వారికోసం నిరంత‌ర పోరాటం కొన‌సాగిస్తుంద‌ని పేర్కొన్నారు. కేంద్ర ప్రభుత్వంపై నిర్విరామంగా పోరాటం చేసి విజయం సాధించిన అన్నదాతలకు అభినందనలు తెలిపారు.