ఏపీకి బదలాయించిన సీఎస్ఎస్ నిధులు ఇప్పించండి.. కేంద్ర ఆర్థిక మంత్రికి హరీశ్‌ రావు లేఖ

Minister Harish Rao | ఆంధ్రప్రదేశ్‌కు బలయించిన సెంటర్లీ స్పాన్సర్డ్‌ స్కీం (సీఎస్‌ఎస్‌) రూ.495 కోట్లు తిరిగి ఇప్పించాలని మంత్రి హరీశ్‌ రావు డిమాండ్‌ చేశారు. 2014-15లో సీఎస్‌ఎస్‌ కింద తెలంగాణకు హక్కుగా

హైదరాబాద్‌: ఆంధ్రప్రదేశ్‌కు బలయించిన సెంటర్లీ స్పాన్సర్డ్‌ స్కీం (సీఎస్‌ఎస్‌) రూ.495 కోట్లు తిరిగి ఇప్పించాలని మంత్రి హరీశ్‌ రావు డిమాండ్‌ చేశారు. 2014-15లో సీఎస్‌ఎస్‌ కింద తెలంగాణకు హక్కుగా రావాల్సిన నగదును పొరపాటున ఆంధ్రప్రదేశ్‌లో ఖాతాలో జమచేశారని, వాటిని తిరిగి తెలంగాణకు ఇప్పించాలని కేంద్ర ఆర్థిక మంత్రి నిర్మలా సీతారామన్‌కు లేఖ రేశారు. ఈ విషయమై ఇప్పటికే పలుమార్లు విజ్ఞప్తి చేసినా ఫలితం లేకుండా పోయిందన్నారు.

రాష్ట్ర విభజన జరిగిన తర్వాత మొదటి సంవత్సరంలో (2014-15) కేంద్రం నుంచి వచ్చే నిధులను ఆంధ్రప్రదేశ్, తెలంగాణ మధ్య జనాభా ప్రాతిపదికన విభజించారని, అయినా, పొరపాటున మొత్తం సీఎస్ఎస్ నిధులను ఆంధ్రప్రదేశ్‌కు విడుదల చేశారని గుర్తుచేశారు. దీంతో తెలంగాణ నష్ట పోయిందని లేఖలో పేర్కొన్నారు. ఈ విషయాన్ని తాము ఇప్పటికే కేంద్ర, ఆంధ్రప్రదేశ్ ప్రభుత్వాలతోపాటు అకౌంటెంట్ జనరల్ దృష్టికి తీసుకువెళ్లామన్నారు. ఎనిమిదేండ్లు గడుస్తున్నా రూ.495 కోట్లను తెలంగాణకు ఇంకా సర్దుబాటు చేయలేదని పేర్కొన్నారు. ఇప్పటికైనా ఆ మొత్తాన్ని తిరిగి తెలంగాణకు విడుదల చేసేలా కృషి చేయాలని నిర్మలా సీతారామన్‌ను కోరారు. వ్యక్తిగతంగా శ్రద్ధ తీసుకొని తెలంగాణకు జరిగిన అన్యాయాన్ని సరిదిద్దాలని లేఖలో విన్నవించారు.