ముక్కలుగా నరికి మురికి కాల్వల్లో పడేసి.. పిన్నిని హత్యచేసిన అక్కకొడుకు

తన భార్య పుట్టింటికి వెళ్లడానికి పిన్ని కారణమని అనుమానంతో ఆమెను అతిదారుణంగా హత్యచేసిన సంఘటన విజయవాడలో ఆదివారం ఆలస్యంగా వెలుగులోకి వచ్చింది. స్థానికులు, పోలీసుల వివరాల ప్రకారం.. విజయవాడలోని భవానీపురం ఉర్మిళనగర్‌లో ఓ వృద్ధురాలు నివాసం ఉంటుంది.

• విజయవాడలో ఆలస్యంగా వెలుగులోకి..

హైదరాబాద్‌, అక్టోబర్‌ 5 (నమస్తే తెలంగాణ): తన భార్య పుట్టింటికి వెళ్లడానికి పిన్ని కారణమని అనుమానంతో ఆమెను అతిదారుణంగా హత్యచేసిన సంఘటన విజయవాడలో ఆదివారం ఆలస్యంగా వెలుగులోకి వచ్చింది. స్థానికులు, పోలీసుల వివరాల ప్రకారం.. విజయవాడలోని భవానీపురం ఉర్మిళనగర్‌లో ఓ వృద్ధురాలు నివాసం ఉంటుంది. తన నివాసానికి సమీపంలో ఆమె అక్క కొడుకు కుటుంబ సభ్యులతో కలిసి ఉంటున్నాడు.

కొన్ని రోజులుగా భార్యాభర్తల మధ్య గొడవలు జరుగుతున్నాయి. ఈ క్రమంలో అతడి భార్య పుట్టింటికి వెళ్లింది. దీనికి తన పిన్ని కారణమని అనుమానంతో ఆమెపై పగ పెంచుకున్నాడు. దీంతో ఆమెను ఎలాగైనా చంపాలని నిర్ణయించుకున్న నిందితుడు . ఈనెల 1న బండిపై ఎక్కించుకుని పదునైన ఆయుధంతో నరికి చంపాడు. అనంతరం ఆమె శరీర భాగాలను ముక్కలు ముక్కలుగా చేసి వేర్వేరు ప్రాంతాల్లోని మురుగు కాల్వల్లో పడేసి.. అక్కడ నుంచి పారిపోయాడు. ఈ మేరకు సమాచారం అందుకున్న పోలీసులు కేసు నమోదు చేసి దర్యాప్తు చేస్తున్నారు.