కదులుతున్న మహామూలాలు
మహారాష్ట్రలో బీఆర్‌ఎస్‌ ప్రభంజనానికి రాజకీయ ‘మూలాలు’ కదులుతున్నాయి. గులాబీ కండువాలు కప్పుకొనేందుకు అక్కడి నేతలు క్యూ కడుతుండడంతో అన్ని పార్టీల్లోనూ ఆందోళన మొదలైంది. రాజకీయ అధికార సోపానంలో స్థానిక సంస్థలే మూలమని తెలిసిందే. సోమవారం మహారాష్ట్రకు చెందిన ఏకంగా 76 మంది సర్పంచులు బీఆర్‌ఎస్‌ పార్టీలో చేరడం అక్కడి అన్ని పార్టీలను కలవరానికి గురిచేసింది.
- బీఆర్‌ఎస్‌లోకి 76 మంది మహా సర్పంచ్‌లు
- గులాబీ కండువాలు కప్పి ఆహ్వానించిన సీఎం కేసీఆర్‌
- బీఆర్‌ఎస్‌లో చేరేందుకు మహారాష్ట్ర నేతల క్యూ
హైదరాబాద్‌, జూలై 24 (నమస్తే తెలంగాణ): మహారాష్ట్రలో బీఆర్‌ఎస్‌ ప్రభంజనానికి రాజకీయ ‘మూలాలు’ కదులుతున్నాయి. గులాబీ కండువాలు కప్పుకొనేందుకు అక్కడి నేతలు క్యూ కడుతుండడంతో అన్ని పార్టీల్లోనూ ఆందోళన మొదలైంది. రాజకీయ అధికార సోపానంలో స్థానిక సంస్థలే మూలమని తెలిసిందే. సోమవారం మహారాష్ట్రకు చెందిన ఏకంగా 76 మంది సర్పంచులు బీఆర్‌ఎస్‌ పార్టీలో చేరడం అక్కడి అన్ని పార్టీలను కలవరానికి గురిచేసింది. బీఆర్‌ఎస్‌ విధానాలు, పార్టీ అధినేత సీఎం కేసీఆర్‌ దార్శనికత ఇప్పటికే దేశవ్యాప్తంగా ప్రజలను ఆకర్షిస్తున్నది. ఈ క్రమంలోనే మహారాష్ట్ర నుంచి కొన్నిరోజులుగా చేరికల వరద కొనసాగుతున్నది.
సీనియర్‌ రాజకీయ నాయకులు, విద్యావేత్తలు, వ్యాపారవేత్తలు, మేధావులు పలు రంగాలకు చెందిన ప్రముఖులు బీఆర్‌ఎస్‌లో చేరుతున్నారు. తాజాగా తెలంగాణ పల్లెలు సాధించిన ప్రగతి.. తమ పల్లెల్లోనూ కావాలనే నినాదంతో మహారాష్ట్రలోని అమరావతి డివిజన్‌కు చెందిన 76 మంది వివిధ పార్టీలకు చెందిన సర్పంచులు బీఆర్‌ఎస్‌ కండువా కప్పుకున్నారు. సీఎం కేసీఆర్‌ వారిని పార్టీలోకి ఆహ్వానించారు. ఇందులో బీజేపీ, శివసేన, కాంగ్రెస్‌, ఎన్సీపీతోపాటు రాయత్‌ సంఘటన, వంచిత్‌ బహుజన్‌ అఘాడీ, షెటారీ సంఘటనతోపాటు వివిధ పార్టీలకు చెందినవారు ఉన్నారు. సర్పంచులు, ఉప సర్పంచులు, మహారాష్ట్ర మీడియా యూనియన్‌కు చెందిన పలువురు గులాబీ కండువాలు కప్పుకొన్నారు. ఇది మహారాష్ట్ర రాజకీయాల్లో తీవ్ర చర్చనీయాంశంగా మారింది. ఒకప్పుడు ప్రత్యేక తెలంగాణ కోసం ఉద్యమం ప్రారంభించినప్పుడు సీఎం కేసీఆర్‌పై విశ్వాసంతో తెలంగాణ పల్లెలు ఎలా కదిలాయో.. ఇప్పుడు అదే విశ్వాసంతో తెలంగాణ మాడల్‌ అభివృద్ధికోసం మహారాష్ట్ర పల్లెలు బీఆర్‌ఎస్‌కు జై కొడుతున్నాయని విశ్లేషకులు చెప్తున్నారు.
పార్టీలో చేరిన ముఖ్య ప్రజా ప్రతినిధులు
- బీజేపీ సర్పంచులు: కిషోర్‌ ఉకర్ద (మోటాలా), శివాజీ బన్‌దాస్‌ కాలే (జిగన్‌ టక్లీ), మహేశ్‌ ఏక్‌నాథ్‌బాథే (మమూల్‌ వాడీ), అంబికా దిలీప్‌భగత్‌ (లోనిగురావ్‌), సర్ల సోపన్‌ గోప్లే (ఉమాలి), నందలాల్‌ జవహర్‌లాల్‌ ఉన్హాలే (తలివేరో)
- శివ సేన సర్పంచులు: సంతోష్‌ బన్సీలాల్‌ జాదవ్‌ (రాహేరా), విఠల్‌ జ్ణానేశ్వర్‌ (వరూద్‌), సచిన్‌ ప్రభాకర్‌ మహాజన్‌ (అంత్రి), సునీల్‌ రామచంద్ర వైరాలర్‌ (పనేరా), మారోటి దికనర్‌ కొల్హే (చావర్ద్‌, దొంకెడ్‌), యువరాజ్‌ పురుషోత్తం (పింపాలి గాల్వీ)
- కాంగ్రెస్‌ సర్పంచులు: పరాగ్‌ అరుణ్‌ నఫడె (మరెడ్‌), సురేశ్‌ మధుకర్‌ ఫటె (అడ్విర్‌), భగవాన్‌ సమధాన్‌ దుమక్‌ పాటిల్‌ (లీహ), రాహుల్‌ పండారీ తెలంగ్‌ (బోరకేహేది), గజానన్‌ బలిరామ్‌ దోరణ్‌ (బోరకేహేది), షేక్‌ అలీం సలీం ఖురేషీ (దమన్‌ గాన్‌ బాదె), రవీంద్రనారాయణ్‌ దలింబర్‌ (కౌహాలా), అనీతా సంజయ్‌ మనే (బోర్గాన్‌ వసు), బాబురావు సీతారామ్‌ దేశ్‌ ముఖ్‌ (సట్‌ గాన్‌ బూసరి), సట్‌ గాన్‌ బూసరి భరత్‌ (రంగానాథ్‌ ఘాట్‌), దామోదర్‌ జల్టె (రాన్‌ అంత్రి), జితేంద్ర భగవత్‌ షిండే (మహాలుంగి)
- వంచిత్‌ బహుజన్‌ అఘాడీ నుంచి ధన్‌రాజ్‌ మాన్‌సింగ్‌ రాథోడ్‌, ఎన్సీపీకి చెందిన అనీల్‌ త్రయంబక్‌రావు పాటిల్‌, శివసేన నుంచి శివాజీ చంగో ఖాడె, రవీంద్రద్యాంబా బాదర్‌, షెటారీ సంఘటన నుంచి సమదాన్‌ సాహే బ్రావో కనర్‌, మీడియా యూనియన్‌కు చెందిన దైనిక్‌ బట్ని జగత్‌ పత్రిక చీఫ్‌ ఎడిటర్‌ కైలాశ్‌ హర్బన్‌ రౌత్‌, దైనిక్‌ నవరాష్ట్ర డిస్ట్రిక్ట్‌ రిప్రజెంటేటివ్‌ గణేశ్‌ ద్యాన్‌ దేవ్‌ నికమ్‌ తదితరులు బీఆర్‌ఎస్‌లో చేరారు.
Read Today's Latest Telangana News in Telugu and Telugu News
- Follow Us :
-
