Rain alert | మరో మూడు రోజులు వర్షాలు.. పలు జిల్లాలకు ఎల్లో అలర్ట్‌ జారీ

రాష్ట్రంలో రాబోయే మూడు రోజుల పాటు అక్కడక్కడ ఉరుములు, మెరుపులు, ఈదురు గాలులతో వర్షాలు కురిసే అవకాశముందని హైదరాబాద్‌ వాతావరణ కేంద్రం హెచ్చరించింది. గురువారం నిర్మల్‌, నిజామాబాద్‌, రాజన్న సిరిసిల్ల, భద్రాద్రి-కొత్తగూడెం, ఖమ్మం, నల్లగొండ, సూర్యాపేట, మహబూబాబాద్‌, వరంగల్‌, హనుమకొండ, జనగామ, సిద్దిపేట, కామారెడ్డి, నాగర్‌కర్నూల్‌ జిల్లాల్లో అక్కడక్కడ వర్షం కురిసింది.

• ఈదురుగాలులతో వాన

Rain alert | హైదరాబాద్‌, మే 5 (నమస్తే తెలంగాణ): రాష్ట్రంలో రాబోయే మూడు రోజుల పాటు అక్కడక్కడ ఉరుములు, మెరుపులు, ఈదురు గాలులతో వర్షాలు కురిసే అవకాశముందని హైదరాబాద్‌ వాతావరణ కేంద్రం హెచ్చరించింది. గురువారం నిర్మల్‌, నిజామాబాద్‌, రాజన్న సిరిసిల్ల, భద్రాద్రి-కొత్తగూడెం, ఖమ్మం, నల్లగొండ, సూర్యాపేట, మహబూబాబాద్‌, వరంగల్‌, హనుమకొండ, జనగామ, సిద్దిపేట, కామారెడ్డి, నాగర్‌కర్నూల్‌ జిల్లాల్లో అక్కడక్కడ వర్షం కురిసింది.

శుక్రవారం భద్రాద్రి -కొత్తగూడెం, ఖమ్మం, నల్లగొండ, సూర్యాపేట, మహబూబాబాద్‌, వరంగల్‌, యాద్రాద్రి భువనగిరి, రంగారెడ్డి, వికారాబాద్‌, మహబూబ్‌నగర్‌, నాగర్‌కర్నూల్‌, వనపర్తి జిల్లాల్లో ఉరుములు, మెరుపులతో వర్షాలు కురిసే అవకాశం ఉంది. శనివారం భద్రాద్రి-కొత్తగూడెం, ఖమ్మం, నల్లగొండ, సూర్యాపేట, మహబూబాబాద్‌, నాగర్‌కర్నూల్‌, వనపర్తి జిల్లాల్లో వర్షం పడనున్నది. దీంతో ఆయా జిల్లాలకు ఎల్లో అలర్ట్‌ జారీ చేసినట్టు హైదరాబాద్‌ వాతావరణ కేంద్రం వెల్లడించింది. ఈ నెల 8వ తేదీ నుంచి రాష్ట్రంలో పొడి వాతావరణం నెలకొనే అవకాశం ఉందని పేర్కొన్నది.