సర్కారోళ్లు దేవుడోలే అచ్చిన్రు. అమ్మా నీకు కండ్లు మంచిగ కనపడుతున్నాయా? అని ఇంటికి వచ్చి అడిగిన్రు. ఎందుకో అనుకున్న. సక్కగా కనిపిస్తలేవని చెప్పంగనే పేరు రాసుకున్నరు. ఇయ్యాళ్ల కండ్ల శిబిరం పెట్టినం.. రమ్మని చెప్పిన్రు. ఈడికి అచ్చినంక అన్ని పరీచ్చలు జేసిండ్రు. అద్దాలు కూడా ఇచ్చిన్రు.
ఇప్పుడు కండ్లు మంచిగా కనవడ్తున్నయ్. చాన సంబురమైతుంది. ప్రైవేట్ల సూపెట్టుకుందమంటే మస్తు పైసలయితుండె. అందుకే దావ్ఖాన్లకు వోలే. మా అసొంటోళ్లు ఎంతోమందికి కేసీఆర్ సార్ మంచి పని జేత్తుండు. గాయన సల్లగుండలె. పేదల్ని గిట్లనే మంచిగ సూస్కోవాలె.
– జాదవ్ శోభాబాయి, చేతన్నగర్ గ్రామం, మం:కోటగిరి, జిల్లా: నిజామాబాద్