ఆరో అంతస్తులో ఆయనదే హవా!
రాష్ట్ర సచివాలయం ఆరో అంతస్తులోని ఈశాన్య మూల ఇంకా ఆయన కబ్జాలోనే ఉన్నదా? రాజ్యసభ సభ్యుడిగా కొత్త హోదా దకినా పాత దర్జా కొనసాగుతున్నదా? సలహాదారు పదవి ఉన్నదా? లేదా! అనే మీమాంస అందుకేనా? ఈశాన్య మూల కార్యాలయం నుంచే షాడో సీఎంవోను నడిపిస్తున్నారా? అధికారులతో రహస్య మంతనాలు, వ్యాపార వ్యవహారాలు, సెటిల్మెంట్లకు 6వ అంతస్తు రహస్య వేదికగా మారిందా? అంటే సచివాలయ వర్గాలు ‘అవును’ అనే అంటున్నాయి.
- ఈశాన్య మూలను కబ్జా పెట్టిన ముఖ్యనేత నీడ
- సచివాలయంలో సీఎంవోకు సమాంతరంగా షాడో వ్యవస్థ
- సలహాదారు పదవికి రాజీనామా చేసినా వీడని అదృశ్య అధికారం
- అడ్డాగా సెటిల్మెంట్లు, వ్యాపార లావాదేవీలన్నీ ఆ గది నుంచే నడుస్తున్నాయనే తీవ్ర ఆరోపణలు
హైదరాబాద్, నవంబర్ 21 (నమస్తే తెలంగాణ) : రాష్ట్ర సచివాలయం ఆరో అంతస్తులోని ఈశాన్య మూల ఇంకా ఆయన కబ్జాలోనే ఉన్నదా? రాజ్యసభ సభ్యుడిగా కొత్త హోదా దకినా పాత దర్జా కొనసాగుతున్నదా? సలహాదారు పదవి ఉన్నదా? లేదా! అనే మీమాంస అందుకేనా? ఈశాన్య మూల కార్యాలయం నుంచే షాడో సీఎంవోను నడిపిస్తున్నారా? అధికారులతో రహస్య మంతనాలు, వ్యాపార వ్యవహారాలు, సెటిల్మెంట్లకు 6వ అంతస్తు రహస్య వేదికగా మారిందా? అంటే సచివాలయ వర్గాలు ‘అవును’ అనే అంటున్నాయి.
ప్రస్తుతం ఈ అంశం రాజకీయ వర్గాల్లో హాట్టాపిక్గా మారింది. అత్యంత కీలకమైన ఈ అంతస్తులో ముఖ్యమంత్రి, ఆయన కార్యాలయ ఉన్నతాధికారులు, ప్రభుత్వ సలహాదారులకు మాత్రమే కార్యాలయాలు కేటాయించారు. పరిపాలనా పరమైన గోప్యత, భద్రతా కారణాల దృష్ట్యా ఇతరులకు అకడ స్థానం ఉండదు. కానీ సీఎం షాడోగా గుర్తింపు ఉన్న వ్యక్తి పదవి మారినా పాత జమానే నడుస్తున్నట్టు తెలిసింది.
పదవి లేకున్నా అక్కడే పాతుకుపోయి..!
గతంలో ఆయన ముఖ్యమంత్రి సలహాదారుగా ఉన్నప్పుడు 6వ అంతస్తులోని ప్రత్యేక కార్యాలయాన్ని కేటాయించారు. ఆ తర్వాత జరిగిన రాజకీయ పరిణామాల్లో ఆయన పెద్దల సభకు వెళ్లిపోయారు. ఒక రాజ్యాంగబద్ధమైన పదవిని చేపట్టిన తర్వాత, లాభదాయక పదవి కిందికి వచ్చే సలహాదారు బాధ్యతల నుంచి ఆయన తప్పుకోవాల్సి వచ్చింది. నిబంధనల ప్రకారం సలహాదారు పదవికి రాజీనామా చేసిన వెంటనే తన కార్యాలయాన్ని ఆయన ఖాళీ చేయాలి. ఎందుకంటే, ఒక పార్లమెంట్ సభ్యుడికి సచివాలయంలో, అందులోనూ ముఖ్యమంత్రి ఉండే ఫ్లోర్లో కార్యాలయం ఉండే అవకాశం ఎకడా లేదు.
కానీ ఇప్పటివరకు ఆయన పదవిలో ఉన్నారా? లేదా అనే విషయాన్ని గోప్యంగా ఉంచారు. అధికారులు మాత్రం ఆయన తన పదవికి రాజీనామా చేశారని, కార్యాలయం కూడా ఖాళీ చేశారని, జీఐడీ అధికారులు బోర్డు కూడా పీకేశారని చెప్తున్నారు. కానీ ఆయన రాజీనామా చేసినప్పటికీ ప్రభుత్వం ఆమోదించలేదని చెప్తున్నారు. ఆయన పదవి ఉన్నా, లేకున్నా.. నేటికీ 6వ అంతస్తులోని ఆ గది ఆయన ఆధీనంలోనే ఉన్నదని అక్కడి వర్గాలు చెప్తున్నాయి.
ఆ రూమ్ నుంచి అన్నీ ‘సెటిల్’ చేస్తూ..!
ఢిల్లీ స్థాయిలో రాష్ట్ర ప్రయోజనాల కోసం పనిచేయాల్సిన నేత, హైదరాబాద్లో ముఖ్యమంత్రి కార్యాలయం పకనే తిష్ట వేయడం వెనుక బలమైన కారణాలే ఉన్నాయని విపక్షాలు, రాజకీయ విశ్లేషకులు అనుమానిస్తున్నారు. షాడో సీఎంవోగా ఈ కార్యాలయాన్ని వాడుకోవడమే గాక ఆ గది కేంద్రంగానే కీలకమైన వ్యాపార లావాదేవీలు, భారీ సెటిల్మెంట్లు నడుస్తున్నాయనే చర్చ జరుగుతున్నది. మంత్రుల శాఖల్లో జోక్యం చేసుకోవడం నుంచి బదిలీలు, కాంట్రాక్టుల దాకా అన్నింట్లో చక్రం తిప్పుతున్నారని తెలుస్తున్నది. నిజానికి, ఆ నేతపై గతంలోనూ అనేక విమర్శలు, ఆరోపణలు, వివాదాలు ఉన్నాయి.
సీఎంకు అత్యంత ఆప్తుడిగా ముద్రపడటంతో, ప్రభుత్వ యంత్రాంగమంతా ఆయన కనుసన్నల్లోనే ఉంటుందని ప్రతిపక్షాలు పదేపదే ఆరోపిస్తున్నాయి. ఇప్పుడు రాజీనామా విషయాన్ని గోప్యంగా ఉంచి గదిని వదులుకోక పోవడం ఆ ఆరోపణలకు బలం చేకూరుస్తున్నది. 2015లో ఓటుకు నోటు వ్యవహారంలో డబ్బు ఇచ్చేందుకు ప్రయత్నించారన్న ఆరోపణలు సంచలనంగా ఉన్నాయి. తాజాగా అసైన్డ్ భూములు, గ్రానైట్ తవ్వకాల వ్యవహారం మరోసారి దుమారం రేపింది. మహబూబాబాద్ జిల్లా కేసముద్రం మండలం అర్పనపల్లిలో ఎస్సీ, ఎస్టీ లబ్ధిదారుల అసైన్డ్ భూములు అక్రమంగా బదిలీ అయ్యాయనే ఆరోపణలున్నాయి. 15 ఎకరాలు కుటుంబ సభ్యుల పేర్లకు బదిలీ అయ్యాయని, వాటిలో గ్రానైట్ తవ్వకాలు జరుగుతున్నట్టు తెలుస్తున్నది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

