జూన్‌ 1 నుంచి ఇంటర్‌ ఫస్టియర్‌ తరగతులు

ఇంటర్‌ ప్రథమ సంవత్సరం ప్రవేశాల షెడ్యూల్‌ను ఇంటర్‌ బోర్డ్‌ కార్యదర్శి నవీన్‌ మిట్టల్‌ శుక్రవారం విడుదల చేశారు. ఈ నెల 15 నుంచి ప్రవేశాలు చేపట్టాలని షెడ్యూల్‌లో పేర్కొన్నారు. జూన్‌ 1 నుంచి ఫస్టియర్‌ తరగతులు ప్రారంభించాలని, జూన్‌ 30లోగా అడ్మిషన్ల ప్రక్రియను పూర్తి చేయాలని తెలిపారు.

• ఈ నెల 15 నుంచి అడ్మిషన్లు

హైదరాబాద్‌, మే 12 (నమస్తే తెలంగాణ): ఇంటర్‌ ప్రథమ సంవత్సరం ప్రవేశాల షెడ్యూల్‌ను ఇంటర్‌ బోర్డ్‌ కార్యదర్శి నవీన్‌ మిట్టల్‌ శుక్రవారం విడుదల చేశారు. ఈ నెల 15 నుంచి ప్రవేశాలు చేపట్టాలని షెడ్యూల్‌లో పేర్కొన్నారు. జూన్‌ 1 నుంచి ఫస్టియర్‌ తరగతులు ప్రారంభించాలని, జూన్‌ 30లోగా అడ్మిషన్ల ప్రక్రియను పూర్తి చేయాలని తెలిపారు. ఇంటర్‌ బోర్డ్‌ గుర్తింపు ఉన్న కాలేజీల్లోనే వి ద్యార్థులు చేరాలని, వాటి జాబితాను టీఎస్‌బీఐఈ అధికారిక వెబ్‌సైట్‌లో ఉంచుతామని పేర్కొన్నారు. సీట్లలో ఎస్సీలకు 15, ఎస్టీలకు 10, బీసీలకు 29, వికలాంగులకు 3, ఎన్‌సీ సీ, స్పోర్ట్స్‌, ఇతర అర్హతలున్న వారికి 5, మా జీ సైనికోద్యోగుల పిల్లలకు 3, ఆర్థికంగా వెనుకబడిన వారికి 10 శాతం రిజర్వేషన్‌ ఇవ్వాలని కళాశాలల యాజమాన్యాలను ఆదేశించారు. ప్రతీ కాలేజీలో బాలికలకు 33 శాతం రిజర్వేషన్‌ అమలు చేయాలని తెలిపారు.

ఇవీ మార్గదర్శకాలు..

• ప్రతీ సెక్షన్‌లోనూ 88 మంది విద్యార్థులనే చేర్చుకోవాలి. అదనపు సెక్షన్లకు బోర్డ్‌ అనుమతి తీసుకోవాలి.
• విద్యార్థుల ఆధార్‌ నెంబర్‌ నమోదు చేయాలి. అడ్మిషన్ల వివరాలను నిత్యం కాలేజీ బోర్డుపై అందరికీ అందుబాటులో ఉంచాలి.
• జోగిని, తండ్రిలేని పిల్లల విషయంలో పేరెంట్స్‌ కాలమ్‌లో తల్లి పేరు నమో దు చేయాలి. బాలికలకు అన్నిరకాల రక్షణ వ్యవస్థను కాలేజీలే కల్పించాలి.