కేటీఆర్‌ మ్యానిఫెస్టో అమలు 95 శాతం

సిరిసిల్లకు మంత్రి కేటీఆర్‌ ఇచ్చిన హామీలన్నీ దాదాపుగా నెరవేర్చారు. 2018లో ఇచ్చిన 15 ముఖ్యమైన హామీల్లో 13 హామీలను నెరవేర్చి, మాటనిలుపుకొన్నారు. ఎన్నికల సందర్భంగా ప్రజలకు ఇచ్చిన వాగ్దానాలను నెరవేర్చి సిరిసిల్ల అభివృద్ధిపై తనకున్న చిత్తశుద్ధిని చాటుకొన్నారు.

• సిరిసిల్లకు ఇచ్చిన మెజార్టీ హామీలు నెరవేర్చిన మంత్రి
• 2018 సిరిసిల్ల మ్యానిఫెస్టో సోషల్‌మీడియాలో వైరల్‌

హైదరాబాద్‌, అక్టోబర్‌ 10 (నమస్తే తెలంగాణ): సిరిసిల్లకు మంత్రి కేటీఆర్‌ ఇచ్చిన హామీలన్నీ దాదాపుగా నెరవేర్చారు. 2018లో ఇచ్చిన 15 ముఖ్యమైన హామీల్లో 13 హామీలను నెరవేర్చి, మాటనిలుపుకొన్నారు. ఎన్నికల సందర్భంగా ప్రజలకు ఇచ్చిన వాగ్దానాలను నెరవేర్చి సిరిసిల్ల అభివృద్ధిపై తనకున్న చిత్తశుద్ధిని చాటుకొన్నారు. సిరిసిల్ల నియోజకవర్గ 2018 అసెంబ్లీ ఎన్నికలకు సంబంధించిన మ్యానిఫెస్టో సోషల్‌ మీడియాలో వైరల్‌ అవుతున్నది. ఓ ఔత్సాహికుడు కేటీఆర్‌ ఇచ్చిన హామీలు ఎంతమేర నెరవేరాయని విశ్లేషించి, పోస్ట్‌ పెట్టగా భారీ స్పందన వస్తున్నది. సిరిసిల్ల మీద రామన్నకున్న ప్రేమకు ఇది నిదర్శనమని స్థానిక నెటిజన్లు కామెంట్లు చేశారు. ఆ రాముడిలెక్క ఈ తారకరాముడు మాటిస్తే తప్పడని ప్రశంసలతో ముంచెత్తుతున్నారు.

2018లో కేటీఆర్‌ ఇచ్చిన హామీలు-అమలు

• రోడ్డు విస్తరణ: బైపాస్‌ రోడ్డు పూర్తయింది.
• రైల్వే లైన్‌: భూసేకరణ పూర్తయింది.
• ఆక్వాహబ్‌: మంజూరైంది.. ప్రగతిలో ఉంది.
• మిడ్‌మానేరు పర్యాటక కేంద్రం:రిసార్ట్‌లు, కాటేజీలు, బోటింగ్‌..ఇందు లో బోటింగ్‌ పూర్తయింది.
• పారిశుధ్య నివారణ చర్యలు: పూర్తయ్యాయి.
• మానేరు పరివాహక ప్రాంతంలో మినీట్యాంక్‌బండ్‌లుగా చెరువులు:పూర్తయ్యాయి.
• సిరిసిల్లకు ఇంజినీరింగ్‌ కళాశాల:ఏర్పాటయింది. అదనంగా మెడికల్‌,డిగ్రీ కళాశాల కూడా ఇచ్చారు.
• వ్యాపారాభివృద్ధికి అధునాతన షాపింగ్‌ మాల్‌ నిర్మాణం: ఇంకా కాలేదు.
• సందర్శక ప్రాంతాలుగా పట్టణంలోని చెరువుల పునరుద్ధరణ: పూర్తయింది.
• సిరిసిల్ల పట్టణంలో గ్రీనరీ, డివైడర్‌, సెంట్రల్‌ లైటింగ్‌: పూర్తయింది.
• సిరిసిల్ల జిల్లా కేంద్రంలో కలెక్టరేట్‌ భవన నిర్మాణం, జిల్లా పోలీసు కార్యాలయం, నర్సింగ్‌ కళాశాల, డబుల్‌ బెడ్రూంలు, మౌళిక వసతుల కల్పన: అన్ని పూర్తయ్యాయి. డబుల్‌ బెడ్రూంల విషయంలో రాష్ట్రంలోనే సిరిసిల్ల వందశాతం బెటర్‌.
• పట్టణ విస్తరణ దృష్ట్యా డంపింగ్‌ యార్డు: పూర్తయింది.
• మున్సిపల్‌ లేఅవుట్‌ స్థలాల అభివృద్ధి: అవుతున్నాయి.
• వైకుంఠధామాల అభివృద్ధి: పూర్తయ్యాయి.
• సిరిసిల్ల పట్టణంలో వీలీనమైన గ్రామాల అభివృద్ధి, మౌళిక వసతుల కల్పన, సామాజిక భవనాల నిర్మాణం: ఫర్వాలేదు