వేరుశనగ దిగుబడుల పెంపుపై ఇక్రిశాట్‌ దృష్టి

వేరుశనగ సాగులో ఫంగల్‌ సమస్యలకు చెక్‌ పెట్టి దిగుబడులను పెంచేందుకు ఇక్రిశాట్‌ కృషి చేస్తున్నది. దేశంలోని వివిధ శీతోష్ణ, భూసార పరిస్థితులను ఆధారంగా చేసుకుని అఫ్లోటాక్సిన్‌ (ఆస్పిరిజెల్లా)ను నియంత్రించేందుకు ప్రయత్నిస్తున్నది.

హైదరాబాద్‌ సిటీబ్యూరో, మార్చి 10 (నమస్తే తెలంగాణ): వేరుశనగ సాగులో ఫంగల్‌ సమస్యలకు చెక్‌ పెట్టి దిగుబడులను పెంచేందుకు ఇక్రిశాట్‌ కృషి చేస్తున్నది. దేశంలోని వివిధ శీతోష్ణ, భూసార పరిస్థితులను ఆధారంగా చేసుకుని అఫ్లోటాక్సిన్‌ (ఆస్పిరిజెల్లా)ను నియంత్రించేందుకు ప్రయత్నిస్తున్నది. అఫ్లోటాక్సిన్‌ క్యాన్సర్‌కు దారితీస్తుందని పరిశోధనలు స్పష్టం చేస్తుండటంతో ఆ ఫంగస్‌ సోకిన వేరుశనగ వినియోగాన్ని ఇప్పటికే కొన్ని దేశాలు పూర్తిగా నిషేధించగా, మరికొన్ని దేశాలు కఠిన నిబంధనలను అమలు చేస్తున్నాయి. ఈ నేపథ్యంలో ఆస్పిరిజెల్లాను నియంత్రించగలిగితే వేరుశనగ దిగుబడితోపాటు రైతుల ఆదాయం కూడా పెరుగుతుందని, అందుకే ఆ సమస్యలపై దృష్టి సారించామని ఇక్రిశాట్‌ పరిశోధకులు వెల్లడించారు.