HYDRAA | అమీన్పూర్ మున్సిపాలిటీలో హైడ్రా బుల్డోజర్లు.. పటేల్గూడలో విల్లాల కూల్చివేత
అమీన్పూర్ మున్సిపాలిటీలో హైడ్రా (HYDRAA) మరోసారి బుల్డోజర్లకు పనిచేప్పింది. మున్సిపల్ పరిధిలోని పటేల్గూడ, కిష్టారెడ్డిపేటలో కూల్చివేతలు కొనసాగుతున్నాయి. ప్రభుత్వ భూముల్లో విల్లాలు, అపార్టుమెంట్లు నిర్మించినట్లు హైడ్రా అధికారులు గుర్తించారు.
సంగారెడ్డి: జిల్లాలోని అమీన్పూర్ మున్సిపాలిటీలో హైడ్రా (HYDRAA) మరోసారి బుల్డోజర్లకు పనిచేప్పింది. మున్సిపల్ పరిధిలోని పటేల్గూడ, కిష్టారెడ్డిపేటలో కూల్చివేతలు కొనసాగుతున్నాయి. ప్రభుత్వ భూముల్లో విల్లాలు, అపార్టుమెంట్లు నిర్మించినట్లు హైడ్రా అధికారులు గుర్తించారు. దీంతో కిష్టారెడ్డిపేటలోని 164వ సర్వేనంబర్లోని ఉన్న మూడు అంతస్తుల భవనాన్ని కూల్చివేశారు. అదేవిధంగా పటేల్గూడలోని 12వ సర్వేనంబర్లో 12 విల్లాలను నేలమట్టం చేస్తున్నారు.

కాగా, కూల్చివేతల సమయంలో స్థానికులు ఆందోళనకు దిగడంతో ఉద్రిక్త పరిస్థితి ఏర్పడింది. దీంతో కూల్చివేతలు కొనసాగుతున్న ప్రదేశానికి 500 మీటర్ల దూరంలో పోలీసులు అందరినీ ఆపేశారు. కిష్టారెడ్డిపేట, పటేల్గూడలో హైడ్రా అధికారులు, పోలీసులు భారీగా మోహరించారు.

కాగా, కూకట్పల్లిలోని నల్లచెరువులో అక్రమ నిర్మాణాలను హైడ్రా సిబ్బంది కూల్చివేస్తున్నారు. భారీ పోలీసు బందోబస్తు మధ్య కూల్చివేతలు కొనసాగుతున్నాయి. నల్లచెరువు విస్తీర్ణం 27 ఎకరాలు ఉండగా.. 14 ఎకరాలు ఆక్రమణకు గురైనట్లు అధికారులు గుర్తించారు. ఇందులో ఎఫ్టీఎల్, బఫర్జోన్లో 7 ఎకరాలు ఉన్నట్లు తేలింది. బఫర్జోన్లోని 4 ఎకరాల్లో 50కిపైగా పక్కా భవనాలు, అపార్టుమెంట్లు నిర్మించారు. ఎఫ్టీఎల్లోని 3 ఎకరాల్లో 25 భవనాలు, 16 షెడ్లు ఉన్నాయి. ఈ నేపథ్యంలో నివాసం ఉన్న భవనాలను మినహాయించి 16 షెడ్లను అధికారులు కూల్చివేస్తున్నారు.

అయితే కూల్చివేతలపై స్థానికులు ఆందోళనకు దిగారు. కూల్చివేతలతో తమ బతులు రోడ్డున పడుతాయని ఆవేదన వ్యక్తం చేస్తున్నారు. కనీసం వస్తువులు తీసుకోవడానికి కూడా సమయం ఇవ్వడం లేదంటూ రోధిస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

