RTC Conductors | డ్రైవర్లు రాలేదు.. మీరు సెలవు పెట్టి వెళ్లండి.. కండక్టర్లు విధుల్లోకి రాకుండా అడ్డుకున్న కుషాయిగూడ ఆర్టీసీ అధికారులు!
RTC Conductors | హైదరాబాద్ కుషాయిగూడ ఆర్టీసీ డిపో వద్ద బుధవారం స్వల్ప ఉద్రిక్తత నెలకొంది. ఆర్టీసీ డ్రైవర్లు రాలేదు.. మీరు సెలవు పెట్టి వెళ్లండి అంటూ మహిళా కండక్టర్లను ఆర్టీసీ అధికారులు అడ్డుకున్నారు.
RTC Conductors | హైదరాబాద్ పరిధిలోని కుషాయిగూడ ఆర్టీసీ డిపో వద్ద బుధవారం స్వల్ప ఉద్రిక్తత నెలకొంది. డిపో వద్దకు వచ్చిన మహిళా కండక్టర్లను ఆర్టీసీ అధికారులు విధుల్లోకి అనుమతించలేదు. ఆర్టీసీ డ్రైవర్లు రాలేదు.. మీరు సెలవు పెట్టి వెళ్లండి అంటూ వారిని అటెండెన్స్ రిజిస్టర్లో సంతకాలు చేయనివ్వకుండా అడ్డుకున్నారు. ఈ ఘటనపై మహిళా కండక్టర్లు ఆవేదన వ్యక్తం చేశారు. బస్సులకు కేటాయించిన డ్రైవర్లు విధులకు రాకపోతే తాము సెలవు పెట్టి వెళ్లాలని అధికారులు చెబుతున్నారని ఆరోపించారు. ఈ మేరకు విధుల్లోకి అనుమతించాలని డిపో ఎదుటే ఎదురుచూస్తున్నారు.
ఉదయం నుంచే డిపోకు చేరుకున్నప్పటికీ అటెండెన్స్ రిజిస్టర్లో సంతకాలు చేయనివ్వకుండా అధికారులు అడ్డుకుంటున్నారని మహిళా కండక్టర్లు తెలిపారు. డ్రైవర్లు విధులకు హాజరుకాని సందర్భాల్లో తమను సెలవు పెట్టాలని ఒత్తిడి చేస్తున్నారని పేర్కొన్నారు. తాము విధులకు సిద్ధంగా ఉన్నప్పటికీ అనవసరంగా సెలవు తీసుకుంటే జీతంపై ప్రభావం పడుతుందేమోనని ఆందోళన వ్యక్తం చేశారు.
డ్రైవర్లు రాకపోతే అందుకు కండక్టర్లు ఎందుకు సెలవు పెట్టాలని వారు ప్రశ్నించారు. ఉదయం నుంచి డిపోలోనే వేచి ఉన్నా తమకు విధుల కేటాయింపుపై స్పష్టత ఇవ్వడం లేదని వాపోయారు. విధులకు హాజరైన ఉద్యోగులను అటెండెన్స్ రిజిస్టర్లో సంతకాలు చేయనివ్వకపోవడంపై అసంతృప్తి వ్యక్తం చేశారు.
అయితే, డిపో అధికారుల వివరణ మరోలా ఉంది. డ్రైవర్ విధులకు గైర్హాజరైనంత మాత్రాన అదే బస్సుకు కేటాయించిన కండక్టర్కు సెలవు వేస్తారనడం అవాస్తవమని వారు స్పష్టం చేశారు. కండక్టర్లకు పూర్తి జీతాలు అందుతాయని, సెలవుగా నమోదు చేయడం వల్ల జీతంలో కోత ఉండదని తెలిపారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
‘కుటుంబాలకు ఆర్థిక భరోసా కల్పించడమే ఇందిరమ్మ బీమా లక్ష్యం’
‘బాలల హక్కుల పరిరక్షణతోనే బంగారు భవిష్యత్కు పునాది’
‘అర్హులు ఇందిరమ్మ కుటుంబ జీవిత బీమాకు దరఖాస్తు చేసుకోవాలి’
భూ భారతి చట్టంపై న్యాయ విద్యార్థులకు ప్రత్యేక అవగాహన
Siraj | ఆ పేరు కారణంగానే సిరాజ్ను సెలెక్ట్ చేయలేదు..! దుమారం రేపుతున్న రాజకీయ విమర్శలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

