Saleshwaram Jatara | సలేశ్వరం జాతరకు పోటెత్తిన భక్తులు.. శ్రీశైలం ఘాటు రోడ్డుపై 6 కిలోమీటర్ల మేర నిలిచిన ట్రాఫిక్‌

తెలంగాణ అమర్‌నాథ్‌ యాత్ర సలేశ్వరం జాతరకు (Saleshwaram Jatara) జనం పోటెత్తారు. దీంతో నాగర్​ కర్నూల్​ జిల్లా శ్రీశైలం ప్రధాని రహదారిపై వాహనాల రాకపోకలు స్తంభించిపోయాయి. అమ్రాబాద్​ మండలం మన్ననూర్​ చెక్​పోస్ట్​ నుంచి సిద్ధాపూర్​ వరకు భారీగా ట్రాఫిక్‌ జామ్‌ అయింది.

అమ్రాబాద్‌: తెలంగాణ అమర్‌నాథ్‌ యాత్ర సలేశ్వరం జాతరకు (Saleshwaram Jatara) జనం పోటెత్తారు. దీంతో నాగర్​ కర్నూల్​ జిల్లా శ్రీశైలం ప్రధాని రహదారిపై వాహనాల రాకపోకలు స్తంభించిపోయాయి. అమ్రాబాద్​ మండలం మన్ననూర్​ చెక్​పోస్ట్​ నుంచి సిద్ధాపూర్​ వరకు భారీగా ట్రాఫిక్‌ జామ్‌ అయింది. వరుస సెలవుల నేపథ్యంలో భక్తులు పెద్దసంఖ్యలో సలేశ్వరం, శ్రీశైలానికి వెళుతున్నారు. మన్ననూరు చెక్‌పోస్టు వద్ద సలేశ్వరం వెళ్లే వాహనాదారుల నుంచి అటవీశాఖ టోల్​ వసూలు చేస్తున్నది. టోల్​ రుసుముల చెల్లించే క్రమంలో ఆలస్యం అవుతున్నది. దీంతో చెక్‌పోస్టు నుంచి సుమారు 6 కిలోమీటర్ల మేర వాహనాలు నిలిచిపోయాయి. వాహనాలు నిలిచిపోవడంతో ప్రయాణికులు తీవ్ర ఇబ్బందులు పడుతున్నారు. ట్రాఫిక్‌ను క్రమబద్ధీకరించేందుకు వాలంటీర్లు, అటవీ శాఖ సిబ్బంది కృషిచేస్తున్నారు.

ఏటా చైత్రపౌర్ణమి సందర్భంగా మూడు రోజులపాటు సలేశ్వరం జాతర నిర్వహిస్తుంటారు. ఈ నేల 11న ప్రారంభమైన జాతర ఆదివారంతో ముగినుంచిది. ఈ నేపథ్యంలో పెద్ద సంఖ్యలో భక్తులు తరలివెళ్తున్నారు. చుట్టూ అడవి.. కొండలు.. కోనలు.. జలపాతాలు.. ప్రకృతి రమణీయతకు అద్దంపట్టే నల్లమల అటవీ ప్రాంతంలో దట్టమైన లోయ గుహలో వెలసిన లింగమయ్య దర్శనం పూర్వజన్మసుకృతంగా భావిస్తారు. ఈ జాతరను సాహసోపేత తెలంగాణ అమరనాథ్ యాత్రగా పిలుస్తారు.