ఘన వ్యర్థాల నిర్వహణ 100 శాతం

దేశంలో ఘన వ్యర్థాల నిర్వహణ, ఇంటింటి నుంచి చెత్తను సేకరించడానికి అవసరమైన వాహనాలున్న గ్రామాల్లో తెలంగాణ రాష్ట్రం దేశంలో అగ్ర భాగాన నిలిచింది.

• దేశంలోనే తెలంగాణకు మొదటి స్థానం
• 99.9 శాతం గ్రామాల్లో చెత్త సేకరణ
• కేంద్ర స్వచ్ఛ సర్వేక్షణ్‌ సర్వేలో వెల్లడి

హైదరాబాద్‌, నవంబర్‌ 5 (నమస్తే తెలంగాణ): దేశంలో ఘన వ్యర్థాల నిర్వహణ, ఇంటింటి నుంచి చెత్తను సేకరించడానికి అవసరమైన వాహనాలున్న గ్రామాల్లో తెలంగాణ రాష్ట్రం దేశంలో అగ్ర భాగాన నిలిచింది. జాతీయ స్థాయిలో 33 శాతం మాత్రమే ప్రతి నుంచి చెత్త సేకరించడానికి, తరలించడానికి వాహనాలు ఉండగా.. తెలంగాణలో 99.9 శాతం వాహన సౌకర్యం ఉన్నట్టుగా తేలింది. ఘన వ్యర్థాల నిర్వహణ దేశవ్యాప్త సగటు 70 శాతం ఉండగా, తెలంగాణలో వందకు వందశాతం జరుగుతున్నట్టు కేంద్ర ప్రభుత్వం నిర్వహించిన స్వచ్ఛ సర్వేక్షణ్‌ సర్వేలో వెల్లడైంది.

స్వచ్ఛ సర్వేక్షణ్‌ సర్వే వివరాలు

• తెలంగాణలో ప్రతి గ్రామంలో ఇంటింటి నుంచి తడి,పొడి చెత్తను సేకరిస్తున్నారు.
• రాష్ట్రంలోని 12,769 గ్రామ పంచాయతీలకు సొంత ట్రాక్టర్‌ ఉన్నది.
• రాష్ట్రంలో 99.9 శాతం గ్రామాల్లో చెత్త సేకరించి, రవాణా చేయడానికి గ్రామపంచాయతీ వాహనాలు ఉన్నాయి.
• జాతీయస్థాయి ఈ సగటు 32.9శాతం మాత్రమే.
• అరుణాచల్‌ప్రదేశ్‌లో అతి తక్కువగా 0.4 శాతం గ్రామాల్లోని మాత్రమే చెత్తను తరలించే వాహనాలున్నాయి.
• తెలంగాణలో ఇంటింటి నుంచి చెత్త సేకరిస్తున్న విధానంపై 98.1 శాతం ప్రజలు సంతృప్తిగా ఉన్నారు.
• ఘన వ్యర్థాల నిర్వహణ దేశ సగటు 70 శాతం ఉండగా.. తెలంగాణలో 100 శాతం ఉన్నది.
• నాగాలాండ్‌లో అతి తక్కువగా ఘన వ్యర్థాల నిర్వహణ 16 శాతం మాత్రమే ఉన్నది.
• దేశంలో డంపింగ్‌ షెడ్లను నిర్మించి, చెత్తను వేరు చేయడానికి ప్రత్యేకంగా సౌకర్యం కల్పించిన రాష్ట్రాల్లో తెలంగాణ మొదటి స్థానంలో ఉన్నది.
• ఈ విషయంలో జాతీయ సగటు 35.2 శాతం ఉండగా, తెలంగాణలో వంద శాతం ఉన్నది. పుదుచ్చేరిలో అసలు ఇలాంటి సౌకర్యాలే లేవు.