Satchidananda Panda: అమెరికా ల్యాబ్‌లో లైంగిక వేధింపుల ఘ‌ట‌న‌.. రాజీనామా చేసిన ప్ర‌ఖ్యాత భార‌తీయ శాస్త్ర‌వేత్త

Satchidananda Panda: ప్ర‌ఖ్యాత శాస్త్ర‌వేత్త స‌చ్చిదానంద పండా.. కాలిఫోర్నియాలోని సాల్క్ ఇన్స్‌టిట్యూట్ కంపెనీకి రాజీనామా చేశారు. ఆయ‌న‌పై లైంగిక వేధింపుల ఆరోప‌ణ‌లు న‌మోదు అయ్యాయి. ఆ రీసెర్చ్ సెంట‌ర్‌లో సుమారు 22 ఏళ్లుగా ఆయ‌న వివిధ ప‌రిశోధ‌న‌లు నిర్వహించారు.

వాషింగ్ట‌న్‌: భార‌తీయ మూలాలు ఉన్న ప్ర‌ఖ్యాత శాస్త్ర‌వేత్త స‌చ్చిదానంద పండా(Satchidananda Panda) .. కాలిఫోర్నియాలోని సాల్క్ ఇన్స్‌టిట్యూట్ కంపెనీకి రాజీనామా చేశారు. ఆయ‌న‌పై లైంగిక వేధింపుల ఆరోప‌ణ‌లు న‌మోదు అయ్యాయి. ఆ రీసెర్చ్ సెంట‌ర్‌లో సుమారు 22 ఏళ్లుగా ఆయ‌న వివిధ ప‌రిశోధ‌న‌లు నిర్వహించారు. ప్ర‌ముఖ బ‌యోల‌జిస్ట్‌గా ఆయ‌న‌కు గుర్తింపు ఉన్న‌ది. ఆగ‌స్టు 13వ తేదీ నుంచి ఆయ‌న రాజీనామా అమ‌లులోకి రానున్న‌ది. ఆయ‌న ల్యాబ్‌లో ప‌నిచేస్తున్న ఓ మ‌హిళా రీస‌ర్చ్ అసిస్టెంట్ ఇచ్చిన ఫిర్యాదు ఆధారంగా సాల్క్ కంపెనీ ద‌ర్యాప్తు చేప‌ట్టింది. వ‌ర్క్‌ప్లేస్‌లో అస‌భ్య ప్ర‌వ‌ర్త‌న కార‌ణంగా ప్ర‌స్తుతం ఆయ‌న్ను అడ్మినిస్ట్రేష‌న్ లీవ్‌పై పంపారు.

అయితే స‌చ్చిదానంద‌పై ఫిర్యాదు చేసిన మ‌హిళ త‌న ఉద్యోగాన్ని వ‌దిలేసి వెళ్లిపోయింది. ఈ ఏడాది రెండో సారి స‌చ్చిదానంద‌పై వేధింపుల ఆరోప‌ణ‌ల్లో సాల్క్‌ కంపెనీ విచార‌ణ చేప‌ట్టింది. కానీ తానేమీ లైంగిక వేధింపుల‌కు పాల్ప‌డ‌లేద‌ని శాస్త్ర‌వేత్త స‌చ్చిదానంద పండా తెలిపారు. గ‌త కొన్ని వారాల నుంచి పండా ఆఫీసుకు రావ‌డం లేద‌ని సాల్క్ ఉద్యోగులు తెలిపారు. సిర్‌కాడియ‌న్ రిథ‌మ్స్ గురించి బుక్ రాయ‌నున్న‌ట్లు స‌చ్చిదానంద చెప్పారు. ఉప‌వాసాల వ‌ల్ల ప్ర‌యోగాల గురించి కూడా ఆయ‌న స్టడీ చేశారు. ప్ర‌పంచ‌వ్యాప్తంగా స‌చ్చిదానంద‌కు మంచి ప‌రిశోధ‌కుడిగా గుర్తింపు ఉన్న‌ది. ఈయ‌న వ‌ల్లే సాల్క్ కంపెనీకి మిలియ‌న్ల డాల‌ర్ల పెట్టుబ‌డులు వ‌చ్చాయి.