సెన్సెక్స్ హైజంప్
దేశీయ స్టాక్ మార్కెట్ల లాభాల పరంపర కొనసాగుతున్నది. ప్రపంచ మార్కెట్లు బలహీనంగా ఉన్నప్పటికీ బ్యాంకింగ్ షేర్ల కొనుగోళ్లు, విదేశీ నిధుల నిరంతర ప్రవాహం, ముడిచమురు ధరల తగ్గుదలతో శుక్రవారం సూచీలు భారీగా పెరిగాయి.
- 84 వేల పాయింట్లకు చేరువైన సూచీ
ముంబై, నవంబర్ 20: దేశీయ స్టాక్ మార్కెట్ల లాభాల పరంపర కొనసాగుతున్నది. ప్రపంచ మార్కెట్లు బలహీనంగా ఉన్నప్పటికీ బ్యాంకింగ్ షేర్ల కొనుగోళ్లు, విదేశీ నిధుల నిరంతర ప్రవాహం, ముడిచమురు ధరల తగ్గుదలతో శుక్రవారం సూచీలు భారీగా పెరిగాయి. ఇంట్రాడేలో 84 వేల పాయింట్లను అధిగమించిన సెన్సెక్స్, నిఫ్టీ 25,800 పాయింట్లను తచ్చాడింది. చివరకు వారాంతం ముగిసే సరికి 30 షేర్ల ఇండెక్స్ సూచీ సెన్సెక్స్ 897.96 పాయింట్లు లేదా 1.08 శాతం లాభపడి 83,919.71 వద్ద స్థిరపడింది. మరో సూచీ ఎన్ఎస్ఈ నిఫ్టీ 286.30 పాయింట్లు లేదా 1.12 శాతం పెరిగి 25,800.60 వద్ద ముగిసింది. ప్రస్తుత నెలలో ఇప్పటి వరకు సెన్సెక్స్ 9,460.18 పాయింట్లు లేదా 12.70 శాతం, నిఫ్టీ 2,747.5 పాయింట్లు లేదా 11.91 శాతం చొప్పున లాభపడ్డాయి.
సెన్సెక్స్ షేర్లలో కోటక్ మహీంద్రా బ్యాంక్ 3.08 శాతం పెరిగి టాప్ గెయినర్గా నిలిచింది. దీంతోపాటు హెచ్డీఎఫ్సీ బ్యాంక్ 3.02 శాతం, మారుతీ 2.88 శాతం, అల్టాట్రెక్ సిమెంట్ 2.75 శాతం, బజాజ్ ఫైనాన్స్ 2.47 శాతం, ఐసీఐసీఐ బ్యాంక్ 2.22 శాతం చొప్పున లాభపడ్డాయి. మరోవైపు, టైటాన్, టాటా స్టీల్, ఎన్టీపీసీ, హిందుస్థాన్ యూనిలీవర్ షేర్లు నష్టపోయిన వాటిలో ఉన్నాయి. ‘ఆసియా మార్కెట్లను టెక్నాలజీ షేర్ల అమ్మకాల వెల్లువలా కుదిపేసినప్పటికీ భారత ఈక్విటీలు ముందుకు సాగాయని జియోజిత్ ఇన్వెస్ట్మెంట్స్ లిమిటెడ్ రీసెర్చ్ హెడ్ వినోద్ నాయర్ తెలిపారు.
ప్రపంచవ్యాప్తంగా ఏఐ పెట్టుబడుల నుంచి వైదొలుగుతున్న విదేశీ ఇన్వెస్టర్లు, ప్రైవేట్ బ్యాంకింగ్ రంగంలో కొనుగోలు విక్రయాలకు సులువైన నగదు లభ్యత అధికం కావడంతో ప్రైవేట్ బ్యాంక్లు రికార్డు స్థాయిలో పరుగును కొనసాగించాయని తెలిపారు. రంగాలవారీగా ఆతిథ్య రంగ సూచీ అత్యధికంగా 3.59 శాతం, టాప్ 10 బ్యాంకింగ్ 2.45 శాతం, ప్రైవేట్ బ్యాంకింగ్ సూచీ 1.96 శాతం, ఫైనాన్షియల్ సర్వీసెస్ 1.66 శాతం, రియల్టీ 1.48 శాతం, మిడ్స్మాల్ ప్రైవేట్ బ్యాంకింగ్ సూచీ 1.45 శాతం, పీఎస్యూ బ్యాంక్ 1.22 శాతం చొప్పున పెరిగాయి. దీంట్లో బ్యాంకింగ్ షేర్లు జీవితకాల గరిష్ఠాలను తాకడం విశేషం.
Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

