మొబైల్ ఐసీయూ బస్సుల ప్ర‌త్యేక‌త‌లు
హైద‌రాబాద్ : మొబైల్ ఐసీయూ బస్సులను రాష్ట్ర ఐటీ, పుర‌పాల‌క‌శాఖ మంత్రి కేటీఆర్‌ గురువారం న‌గ‌రంలోని ట్యాంక్‌బండ్‌పై ప్రారంభించారు. ఈ సందర్భంగా మెడికల్ మొబైల్ బస్సులను అందించిన లార్డ్స్ చర్చికి మంత్రి కృతజ్ఞతలు తెలిపారు. కొవిడ్ లాంటి పరిస్థితుల్లో మెడికల్ యూనిట్ బస్సుల ప్రారంభం సంతోషంగా ఉందన్నారు. కాగా మొబైల్ ఐసీయూ బ‌స్సుల్లో అందే చికిత్స, ప్ర‌త్యేక‌త‌లు ఈ విధంగా ఉన్నాయి.
- ఈ బస్సుల ద్వారా ప్రతి పేషెంట్ కొవిడ్ గాని, నాన్‌-కొవిడ్ గాని లేక పోస్ట్ కొవిడ్(రక్తం గ‌డ్డ‌క‌ట్ట‌డం, ఫంగల్ ఇనఫెక్షన్, అవయవాలు పాడైపోయిన వారు, ఇత‌ర ఇబ్బందులు) ల‌క్ష‌నాలు ఉన్న‌వాళ్లకి ఉన్న‌త‌మైన విధానంలో చికిత్స అందించ‌బ‌డుతుంది
- మొత్తం తెలంగాణ‌లో 66 బస్సులు ఉంటాయి. వీటిలో కొవిడ్‌కి 33 బస్సులు, నాన్‌-కొవిడ్, పోస్ట్ కొవిడ్‌కి 33 బస్సులు ఉంటాయి.
- ఒక్కొక్క బ‌స్సులో ఒక డాక్టర్, ఇద్ద‌రు న‌ర్సులు, ఇద్ద‌రు టెక్నిషియ‌న్లు ఉంటారు. టెలిఫోన్ ద్వారా ఇద్ద‌రు డాక్ట‌ర్లు అందుబాటులో ఉంటారు
- మొత్తం 330 మెడికల్ స్టాఫ్ ఉంటారు
- 100 అడ్మినిస్ట్రేష‌న్ డిపార్ట్‌మెంట్ టీం
- 100 ఆక్సిజన్ మెయింటెనెన్స్‌, ఫార్మ‌సీ, ఇత‌ర సిబ్బంది
- 530 నుండి 600 వ‌ర‌కు తెలంగాణ రాష్ట్రంలో అందుబాటులో ఉంటారు
ఐసీయూ స‌దుపాయాలు..
- C/B- వెంటిలేట‌ర్ నాన్‌-ఇన్వాసివ్ స‌పోర్ట్ సిస్టం
- మానిట‌రింగ్ సిస్టం-ఆక్సిజన్, బీపీ, ఈసీజీ లాంటివి చూడటం
- మెడికల్ బెడ్స్ విత్ ఐవీ స్టాండ్‌
- డాక్టర్ ప్రిస్క్రిప్ష‌న్ బ‌ట్టి ప్రతి బెడ్‌లోని రోగి చికిత్స‌కు అవ‌స‌ర‌మ‌య్యే మందులు, సెలైన్లు, ఇత‌ర సామాగ్రి అందించ‌బ‌డును
- పెషెంట్‌కున్న రోగ‌మును బ‌ట్టి బ‌స్సులో ఉన్న ఫార్మ‌సీ ద్వారా రోగి పూర్తిగా కోలుకోవ‌డానికి ఉప‌యోగ‌ప‌డుతుంది
B-SOZO Motto- ఉద్దేశం
- ఈ ప్రాజెక్టు ద్వారా ప్రతి మారుమూల గ్రామాల‌కు వైద్యం అందించ‌గ‌లుగుతుంది
- చాలా త‌క్కువ ధ‌ర‌కు ఉన్న‌త‌మైన వైద్య స‌దుపాయం
- ప్రతి జిల్లాలో అవ‌స‌రాన్ని ఎప్ప‌టిక‌ప్పుడు తెలుసుకుని దానికి త‌గ్గ‌ట్లుగా రోగుల అవ‌స‌ర‌మును తీర్చ‌గ‌లుగుతుంది
- ఒక్క చోటే ఉండి రాష్ట్రం మొత్తం ఎప్ప‌టిక‌ప్పుడు ప్రతి బ‌స్సు అవ‌స‌రాలు తెలుసుకుని దానికి త‌గ్గ‌ట్టుగా క్రియాశీలంగా వ్వ‌వ‌హ‌రించ‌టం ద్వారా ఈ విధానం ఇండియాలోనే ఫ‌స్ట్ స్మార్ట్ హెల్త్ క‌మ్యూనిటీ అని పిలువ‌బ‌డుతుంది.
- వెరాస్మార్ట్ హెల్త్ కేర్ స‌హ‌కారంతో ది లార్డ్స్ చ‌ర్చ్ ఆధ్వ‌ర్యంలో మొబైల్ మెడికల్ యూనిట్ ప్రాజెక్టును తెలంగాణ రాష్ట్రంలో ప్రారంభించ‌టం జ‌రుగుతుంది. MMU( B SOZO BUS) అనేది హైటెక్ ఇంటెన్సివ్ కేర్ యూనిట్‌తో అవ‌స‌ర‌మైన వారికి సేవ చేయ‌డానికి, సంర‌క్ష‌ణ లేకుండా పోయిన రోగుల‌కు మెరుగైన వైద్య చికిత్స అందించ‌డానికి దోహ‌ద‌ప‌డుతుంది
- ప్రాథ‌మిక నివార‌ణ ఆరోగ్య సంర‌క్ష‌ణ‌తో అధిక ప్ర‌మాదం ఉన్న రోగులు ఉండే ప్ర‌దేశాల‌కు వైద్య సేవ‌లు అందించ‌డం ప్రాజెక్టు ముఖ్య ఉద్దేశ్యం. సేవ‌లు. కొవిడ్, పోస్ట్ కొవిడ్, కొవిడ్ కానీ ఇత‌ర ప‌రిస్థితుల వల్ల క‌లిగే స‌మ‌స్య‌ల‌ను నివారించ‌డానికి, వ్యాధుల‌ను గుర్తించి అవ‌స‌ర‌మైన చికిత్స అందించ‌డానికి ఎంతో ఉప‌యోగ‌క‌రంగా ఉంటుంది.
Read Today's Latest Telangana News in Telugu and Telugu News
- Follow Us :
-
