Jagadish Reddy | రుణమాఫీపై మోసం చేస్తున్న ప్రభుత్వం.. మాజీ మంత్రి జగదీశ్‌రెడ్డి విమర్శలు

Jagadish Reddy | హామీ అమలు చేస్తున్నామని డబ్బా కొట్టుకుంటున్న కాంగ్రెస్‌ ఏ ఒక్క హామీని అమలు చేయడం లేదని మాజీ మంత్రి, సూర్యాపేట ఎమ్మెల్యే జగదీశ్‌రెడ్డి విమర్శించారు. సూర్యాపేటలో ఆయన మీడియాతో మాట్లాడారు. గోదావరి నీటిని ప్రభుత్వం ఎత్తిపోయకపోవడంపై ఆగ్రహం వ్యక్తంచేశారు.

Jagadish Reddy | హామీ అమలు చేస్తున్నామని డబ్బా కొట్టుకుంటున్న కాంగ్రెస్‌ ఏ ఒక్క హామీని అమలు చేయడం లేదని మాజీ మంత్రి, సూర్యాపేట ఎమ్మెల్యే జగదీశ్‌రెడ్డి విమర్శించారు. సూర్యాపేటలో ఆయన మీడియాతో మాట్లాడారు. గోదావరి నీటిని ప్రభుత్వం ఎత్తిపోయకపోవడంపై ఆగ్రహం వ్యక్తంచేశారు. ఈ సందర్భంగా ఆయన మాట్లాడుతూ ఉచిత బస్సుల సంఖ్యను కుదించారని మహిళలు శాపనార్థాలు పెడుతున్నారన్నారు. విద్యుత్‌ అధికారులపై నెపం పెట్టి కరెంటు కోతల నుంచి తప్పించుకోవాలని చిల్లర ప్రయత్నాలు కాంగ్రెస్‌ నేతలు చేస్తున్నారని మండిపడ్డారు. రుణమాఫీ ఓ జోక్‌లా కనిపిస్తుందని.. మాఫీ వివరాలపై స్పష్టత లేదన్నారు. అన్నదాతలు ఆందోళన పడుతున్నారని.. రుణమాఫీపై వివరాలు అడిగితే అధికారులు గందరగోళానికి గురవుతున్నారన్నారు.

రుణమాఫీపై మసిబూసి మారేడుకాయ చేసి ప్రజలను మోసం చేస్తున్నారన్నారు. కాంగ్రెస్ నాయకులు దోచుకోవడం తప్ప ప్రజలను పట్టించుకువడం లేదని మండిపడ్డారు. వ్యవసాయం, సాగునీరుపై సీఎం సహా ఎవ్వరికీ అవగాహన లేదని.. మేడిగడ్డ వద్ద లక్షల క్యూసెక్కుల నీరు సముద్రం పాలవుతున్నా ఎందుకు ఎత్తి పోయడంలేదని నిలదీశారు. కాళేశ్వరం కాల్వలకు నీటిని ఇవ్వకుండా రైతులను ఇబ్బందులు పెడుతున్నారని.. కాళేశ్వరం కొట్టుకుపోతది అని దుష్ప్రచారం చేశారని.. సాగుకు సిద్ధమైన రైతులకు సాగునీరు అందించాలని డిమాండ్‌ చేశారు. యాసంగిలా ఈ సారి కూడా పంటలను ఎండబెడితే తీవ్ర పరిణామాలు తప్పవని హెచ్చరించారు. గోదావరి ఆయకట్టుకు నీళ్లందించేందుకు అవకాశం ఉన్నా రైతులపై కక్ష్యపూరితంగా ప్రభుత్వం వ్యవహరిస్తోందని.. గోదావరి నీరు వృథౠగా పోనీయకుండా తక్షణమే సాగు, తాగు నీరు అందించాలని సర్కారును డిమాండ్‌ చేశారు.