ఏపీలో రాములోరి భూముల కబ్జా
ఆంధ్రప్రదేశ్లో ఆక్రమణకు గురైన భద్రాద్రి దేవస్థాన భూములపై ఆలయ కార్యనిర్వహణ అధికారి నివేదిక
- ఆక్రమణదారులకు ప్రజాప్రతినిధుల అండ
- ఫిర్యాదులు పట్టించుకోని ఎటపాక తాసిల్దార్
- గోశాల నిర్మాణానికీ అడ్డంకులు
- ఏపీలో ఆక్రమణకు గురైన భద్రాద్రి దేవస్థాన భూములపై ఈవో నివేదిక
హైదరాబాద్, అక్టోబర్ 21 (నమస్తే తెలంగాణ): ఆంధ్రప్రదేశ్లో ఆక్రమణకు గురైన భద్రాద్రి దేవస్థాన భూములపై ఆలయ కార్యనిర్వహణ అధికారి నివేదిక
తయారు చేశారు. ఆ నివేదికలోని ముఖ్యాంశాలు..
- ఏపీలోని అల్లూరి సీతారామరాజు జిల్లా ఎటపాక మండలం పురుషోత్తమపట్నం గ్రామంలో 917 ఎకరాల భూమిని 1878లో సోమరాజు పురుషోత్తమరాజు రిజిస్టర్ డీడ్ ద్వారా దేవస్థానానికి బహూకరించారు.
- అప్పటినుంచి సదరు భూమిని పలువురు ఆక్రమించుకొన్నారు.
- ఈ భూముల విషయంలో దేవస్థానానికి వ్యతిరేకంగా రైతులు, గ్రామస్థులు వివిధ కోర్టుల్లో కేసులు వేయగా 100కు పైగా కేసుల్లో దేవస్థానానికి అనుకూలంగా తీర్పులు వచ్చాయి.
- ఈ భూములకు దేవస్థానం పేరుతో పట్టాదార్ పాస్పుస్తకాలు, యాజమాన్య ధ్రువీకరణ పత్రాలు వచ్చాయి. ఆన్లైన్లో కూడా వివరాలన్నీ దేవస్థానం పేరుతోనే ఉన్నాయి.
- రాష్ట్ర విభజన సమయంలో భదాద్రి దేవస్థానాన్ని తెలంగాణకు, భద్రాద్రికి కేవలం 2 కిలోమీటర్ల దూరంలో భూములు ఉన్న ఈ ప్రాంతాన్ని ఏపీకి కేటాయించారు.
- ఆక్రమణదారుల నుంచి డ్యామేజెస్ ఫర్ యూజ్ అండ్ ఆక్యుపేషన్ చార్జెస్ కింద 2005 నుంచి 2010 వరకు ఎకరాకు రూ.1,000 చొప్పున వసూలు చేయగా 2021-22 నాటికి రూ.4 వేలకు పెంచారు. సదరు రైతులు 2018 నుంచి ఈ చార్జీలు చెల్లించడం లేదు. ఈ చార్జీలు చెల్లించేదిలేదని రైతులు కరాఖండిగా చెప్తున్నారు. దీంతో దేవస్థానానికి రూ.92 లక్షల నష్టం వచ్చింది.
- రాష్ట్ర విభజన తరువాత కొందరు ఆక్రమణదారులు, స్థానిక ప్రజా ప్రతినిధుల అండదండలతో సొంత ప్రయోజనాల కోసం భూమిని ఆక్రమించుకొని పక్కా ఇండ్లు నిర్మించారు. ఈ విషయంపై పలుసార్లు ఎటపాక తాసిల్దార్, పోలీస్శాఖకు ఫిర్యాదులు చేసినా ఎలాంటి చట్టపరమైన చర్యలు తీసుకోలేదు. దీంతో ఆక్రమణలు పెరిగిపోయాయి. ఆక్రమణదారులు శాశ్వత నిర్మాణాలు చేపట్టడంతోపాటు అడ్డుకొన్న దేవస్థాన సిబ్బందిపై దుర్భాషలాడుతూ దాడులు చేస్తున్నారు. ఎటపాక స్టేషన్ హౌజ్ ఆఫీసర్కు ఫిర్యాదులు చేసినప్పటికీ ఆక్రమణదారులపై కేసులు నమోదు చేయలేదు.
- దేవస్థాన భూముల రక్షణ కోసం ఏపీ హైకోర్టులో కేసు దాఖలు చేసి 4 నెలలు గడిచినప్పటికీ సంబంధిత 14 శాఖలు రక్షణ చర్యలు చేపట్టలేదు.
- దేవస్థానం ఆధీనంలో ఉన్న 110 ఎకరాల భూమిలో దాతల సహకారంతో గోశాల నిర్మాణం చేపట్టారు. ఈ నిర్మాణం పూర్తి స్థాయిలో జరగకుండా రైతులు, గ్రామస్థులు కోర్టులో కేసులు వేశారు.
- అల్లూరి సీతారామరాజు జిల్లా కలెక్టర్ దేవస్థాన భూముల దురాక్రమణను అడ్డుకోవడానికి కఠిన చర్యలు తీసుకోవాలని ఆదేశించారు. అయినప్పటికీ అధికారుల నుంచి స్పందన లేదు. దీంతో ఆక్రమణదారులు దేవస్థాన సిబ్బందిపై దాడులు చేస్తున్నారు. దేవాలయం ఈవో చేసే ఫిర్యాదులను కూడా స్థానిక పోలీస్ అధికారులు తిరస్కరిస్తున్నారు.
- ఇటీవల స్థానిక తాసీల్దార్ పురుషోత్తమపట్నం గ్రామంలోని సర్వే నంబర్ 1 నుంచి 101 వరకు గల భూమి మొత్తం దేవస్థానానికి చెందినదని నిర్థారించి లేఖ ఇచ్చారు. ఈ లేఖ తీసుకొని ఆక్రమణదారులపై చర్యలు తీసుకోవాలని కోరితే పోలీస్శాఖ అధికారులు తిరస్కరించారు. దీంతో ఈ భూములపై స్టేటస్కో ఉన్నప్పటికీ ఆక్రమణదారులు భూమిని దున్ని జామాయిల్ తోట వేశారు. అడ్డుకొన్న సిబ్బందిపై దౌర్జన్యం చేస్తున్నారు. దీంతో కంటెంప్ట్ట్ ఆఫ్ కోర్టు దాఖలు చేయడానికి చర్యలు తీసుకొంటున్నాం.
- ఆక్రమణదారులందరూ స్థానికంగా పలుకుబడిన కలిగిన వ్యక్తుల అండదండలతో రోజు రోజుకూ అక్రమణలు పెంచుతున్నారు. రక్షణ చర్యలు తీసుకోవాలని కోరుతూ ఏపీ ప్రభుత్వానికి నివేదిక సమర్పించాం.
Read Today's Latest Telangana News in Telugu and Telugu News
RELATED ARTICLES
తాజా వార్తలు
KTR | ఒకాయన అమిత్ షా ఎప్పుడు చెప్పులు విప్పుతాడా అని ఎదురు చేస్తాడు..! ఇంకొకాయన బాడీ గార్డులా మారిపోతాడు
KTR | రేవంత్ రెడ్డి ఫ్యూచర్ సిటీ అంటే అది కాదు..! ఫ్యూచర్ ఉన్న సిటీ మన వరంగల్
Boyfriend Stabs Girl | ఇతర అబ్బాయిలతో మాట్లాడుతున్నదని.. యువతిని చంపిన ప్రియుడు
Bomb Threat | హైదరాబాద్లో బాంబులు పేలుస్తాం.. పోలీసులకు బెదిరింపు మెయిల్
KTR | రేవంత్ రెడ్డి , మంత్రి పొంగులేటి శ్రీనివాస్ రెడ్డి బిడ్డల కోసం ఇంటర్మీడియట్ విద్యా వ్యవస్థను రద్దు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

