రాష్ట్రంలో పెరుగుతున్న విద్యుత్తు డిమాండ్‌

కొత్త జిల్లాల ఏర్పాటు.. అభివృద్ధి విస్తరణ, పారిశ్రామికీకరణ వేగవంతం కావడంతో రాష్ట్రంలో ఏటా విద్యుత్తుకు డిమాండ్‌ పెరుగుతున్నది. భవిష్యత్తులోను సాలీనా ఆరు శాతం విద్యుత్తు డిమాండ్‌ పెరుగనుంది. 2032 నాటికి రాష్ట్రంలో విద్యుత్తు పీక్‌ డిమాండ్‌ 27 వేల మెగావాట్లకు చేరుతుందని సెంట్రల్‌ ఎలక్ట్రిసిటీ అథారిటీ (సీఈఏ) అంచనా వేసింది.

• 2032 నాటికి 27వేల మెగావాట్లకు పీక్‌ డిమాండ్‌
• ప్రతి ఏటా 6% పెరుగుతున్న విత్యుత్తు అవసరాలు
• రోజువారీ వినియోగం 1.20 లక్షల మిలియన్‌ యూనిట్లకు చేరవచ్చు
• సెంట్రల్‌ ఎలక్ట్రిసిటీ అథారిటీ అంచనా

హైదరాబాద్‌, ఆగస్టు 13 (నమస్తే తెలంగాణ): కొత్త జిల్లాల ఏర్పాటు.. అభివృద్ధి విస్తరణ, పారిశ్రామికీకరణ వేగవంతం కావడంతో రాష్ట్రంలో ఏటా విద్యుత్తుకు డిమాండ్‌ పెరుగుతున్నది. భవిష్యత్తులోను సాలీనా ఆరు శాతం విద్యుత్తు డిమాండ్‌ పెరుగనుంది. 2032 నాటికి రాష్ట్రంలో విద్యుత్తు పీక్‌ డిమాండ్‌ 27 వేల మెగావాట్లకు చేరుతుందని సెంట్రల్‌ ఎలక్ట్రిసిటీ అథారిటీ (సీఈఏ) అంచనా వేసింది. 2023 -24లో పీక్‌ డిమాండ్‌ 15,704 మెగావాట్లుండగా, ఈ ఏడాది అది 16,877 మెగావాట్లకు చేరుతుందని సంస్థ అంచనా వేసింది. ఈ మేరకు మంగళవారం రిపోర్ట్‌ ఆన్‌ రిసోర్స్‌ అడిక్వసీ ప్లాన్‌ ఫర్‌ తెలంగాణ-2031-32 పేరుతో ఓ నివేదికను విడుదల చేసింది. రాష్ట్రంలో విద్యుత్తు అవసరాలు రానురాను పెరుగుతాయని, ఈ మేరకు రాష్ట్రంలో విద్యుత్తు సరఫరా వ్యవస్థలను ఏర్పాటు చేయాల్సిన అవసరముందని సంస్థ సూచించింది. విద్యుత్తు డిమాండ్‌ తీవ్రంకానున్న నేపథ్యంలో కరెంట్‌ ఉత్పత్తిని రెట్టింపు చేయాల్సి ఉంది. దీనిని ముందుగా గమనించిన గత కేసీఆర్‌ ప్రభుత్వం నాలుగు వేల మోగావాట్ల సామర్థ్యం గల యాదాద్రి థర్మల్‌ పవర్‌ స్టేషన్‌ను చేపట్టింది. గతంలోనే భదాద్రి పవర్‌ప్లాంట్‌ను అత్యంత వేగంగా అందుబాటులోకి తీసుకొచ్చింది. అంతేకాకుండా సౌర విద్యుత్తు వినియోగాన్ని పెద్ద ఎత్తున ప్రోత్సహించింది.

సౌర విద్యుత్తుకు ప్రోత్సాహం

• ప్రస్తుతానికి రాష్ట్రంలో స్థాపిత విద్యుత్తు సామర్థ్యం 15,751 మెగావాట్లుగా ఉంది. దీంట్లో 7,558 మోగావాట్లు (48శాతం) థర్మల్‌ విద్యుత్తు కాగా, 2,448 మెగావాట్లు (15.5%) జల విద్యుత్తు. ఇక సోలార్‌ 5,228 మెగావాట్లు (33.2%) న్లూక్లియర్‌ 216 మెగావాట్లు (1.4%) బయోమాస్‌ 173 మెగావాట్లు (1.1%), విండ్‌ 128 (0.8%)గా ఉంది.
• రాష్ట్రంలో ప్రస్తుతం రోజువారీ వినియోగం 82 వేల మిలియన్‌ యూనిట్లు ఉండగా, ఇది రాబోయే రోజుల్లో లక్ష మిలియన్‌ యూనిట్లకు చేరనున్నది. 2031 -32కు వచ్చేసరికి ఇది. 1.20 లక్షల మిలియన్‌ యూనిట్లకు చేరనుంది.
• 2023 -24 నుంచి 2029 -30 వరకు ఏటా విద్యుత్తు డిమాండ్‌ 6 శాతం పెరగనుండగా, ఆ తర్వాత 4 శాతానికి తగ్గనుంది. ఇక పీక్‌ డిమాండ్‌ ఏటా 7శాతం పెరిగి, ఆ తర్వాత 6 శాతానికి చేరనుందని సీఈఏ అంచనావేసింది.
• రాష్ట్రంలో అత్యధిక డిమాండ్‌ డిసెంబర్‌ మాసం నుంచే మొదలవుతున్నది. 2022-23 సంవత్సరంలో ఫిబ్రవరి, మార్చి మాసాల్లో 14వేల మెగావాట్లకు తాకగా, ఏప్రిల్లో 12వేల మెగావాట్లకు చేరింది.
• రోజులో పగలు, రాత్రి విద్యుత్తు డిమాం డ్‌ సరళిని పరిశీలిస్తే రాత్రి 11 గంటల నుంచి తెల్లవారుజామున 3 గంటల వరకు నమోదుకాగా, మధ్యాహ్నం పూట దాదాపు ఎలాంటి మార్పులు లేవు.
• విద్యుత్తు డిమాండ్‌ను అధిగమించాలంటే విండ్‌, హైడల్‌ విద్యుత్తు, పునరుత్పాదక ఇంధనం ఉత్పత్తిని పెంచాలి. 2023-24లో వీటి ద్వారా 19,228 మిలియన్‌ యూనిట్లు అందగా, దీనిని 37,253 మిలియన్‌ యూనిట్లకు పెంచాలని సీఈఏ అంచనావేసింది.
•