ఆ గీతాన్ని పాడే అర్హత దళితులకు లేదా?

జయ జయహే తెలంగాణ గీతాన్ని దళితులకు పాడే అర్హత లేదని కవి, గాయకుడు అందె శ్రీ తనతో అన్నారని కేంద్ర సాహిత్య అకాడమీ యువ పురష్కార గ్రహీత డాక్టర్‌ పసూనురి రవీందర్‌ ఒక ప్రకటనలో పేర్కొన్నారు.

• అందెశ్రీ ప్రతిభ మేడిపండు.. అహంకారం రాచపుండు
• కేంద్ర సాహిత్య అకాడమీ పురష్కార గ్రహీత పసునూరి

హైదరాబాద్‌ సిటీబ్యూరో, మే 28 (నమస్తే తెలంగాణ): జయ జయహే తెలంగాణ గీతాన్ని దళితులకు పాడే అర్హత లేదని కవి, గాయకుడు అందె శ్రీ తనతో అన్నారని కేంద్ర సాహిత్య అకాడమీ యువ పురష్కార గ్రహీత డాక్టర్‌ పసూనురి రవీందర్‌ ఒక ప్రకటనలో పేర్కొన్నారు. దీన్నిబట్టి ఆయ న ప్రతిభ మేడిపండులా, అహంకా రం రాచపుండులా ఉన్నదని విమర్శంచారు. ఈ పాటను సంబండవర్గాల వారికి మాత్రమే పాడే హక్కు ఉన్నదని, దళితులకు లేదంటూ ఆయన కరాఖండిగా చెప్పారని, ఇది దళిత జాతిని అవమానించడమేనని పేర్కొన్నారు.

గత ఏప్రిల్‌లో జరిగిన సమూ హ సెక్యులర్‌ రైటర్స్‌ ఫోరం తరఫున వాగ్గేయకారులను ఆహ్వానించే బాధ్యతను తనకు అప్పగించారని, ఆ సమయంలో అందెశ్రీకి ఫోన్‌ చేసి కార్యక్రమానికి రావాలని కోరానని, ఆ సమయంలోనే ఆయన స్వయంగా తనతో ఈ గీతాన్ని పాడే హక్కు దళితులకు లేదని అన్నారని, చాలా పరుషంగా మాట్లాడారని తెలిపారు. పేరు వచ్చిందని దళితుడిగా చెప్పుకోవడానికి కూడా ఆయన ఇష్టపడటం లేదని పసునూరి రవీందర్‌ పేర్కొన్నారు.