ఆన్‌లైన్‌ వేధింపులపై మౌనం వద్దు!

• పెద్దల దృష్టికి తేవాలని సూచిస్తున్న పోలీసులు

హైదరాబాద్‌, సెప్టెంబర్‌ 29 (నమస్తే తెలంగాణ): ఆన్‌లైన్‌లో వేధించే పోకిరీల విషయంలో మౌనంగా ఉండవద్దని పోలీసులు సూచిస్తున్నారు. విషయం చేయి దాటకముందే ఇంట్లోవారికి తెలియజేస్తే తగిన ఫలితం ఉంటుందని చెప్తున్నారు. పోలీసుల పలు సూచనలు..

ఇలా చేయండి

• మిమ్మల్ని ఎవరైనా ఆన్‌లైన్‌లో లైంగికంగా వేధిస్తుంటే వెంటనే విషయాన్ని మీ ఇంట్లో పెద్దలు, మీకు సన్నిహితంగా ఉండేవారితో పంచుకోండి. ఎలాంటి ఆందోళన వద్దు.
• మీకు పంపే మెసేజ్‌లు, ఇతర అసభ్యకరమైన సందేశాలు, ఫొటోలను స్క్రీన్‌షాట్‌ తీసుకుని భద్రపరచండి. ఇవి తర్వాత ఆధారాలుగా పనికొస్తాయి.
• మీకు అసభ్యకరమైన మెసేజ్‌లు పంపేవారిని అన్‌ఫ్రెండ్‌ లేదా బ్లాక్‌ చేయాలి.
• మీ స్నేహితులకు సంబంధించి కూడా ఇలాంటి విషయాలు మీకు తెలిస్తే వెంటనే వారి పెద్దల దృష్టికి తీసుకెళ్లండి. మౌనంగా ఉండవద్దు.
• ఇలా చేయొద్దు
• అడ్డగోలు మెసేజ్‌లు, అసభ్యకరమైన ఫొటోలు, వీడియోలు పెట్టేవారికి ఎట్టి పరిస్థితుల్లోనూ రిైప్లె ఇవ్వవద్దు. వాటిని పట్టించుకోకపోవడమే ఎదుటివారికి అతి శక్తిమంతమైన సమాధానం అవుతుంది.
• అవతలివాడికి సమాధానం ఇస్తూ వెళితే వాళ్లు మరింత రెచ్చిపోతారు.
• మెసేజ్‌లు, ఫోన్‌కాల్‌తో బెదిరించినా సమాధానం ఇవ్వవద్దు.
• ఇతరులు వేధించడాన్ని మీ తప్పుగా భావించి మిమ్మల్ని మీరు నిందించుకోవద్దు.