నాగార్జున సాగర్‌కు కొనసాగుతున్న వరద.. నాలుగు గేట్లు ఎత్తివేత

Nagarjuna sagar | నాగార్జున సాగర్ ప్రాజెక్టు‎కు వరద ప్రవాహం కొనసాగుతున్నది. ప్రాజెక్టు నిండు కుండలా ఉండటంతో అధికారులు నాలుగు గేట్లను ఎత్తి దిగువకు నీటిని విడుదల చేస్తున్నారు.

నల్లగొండ: నాగార్జున సాగర్ ప్రాజెక్టు‎కు వరద ప్రవాహం కొనసాగుతున్నది. ప్రాజెక్టు నిండు కుండలా ఉండటంతో అధికారులు నాలుగు గేట్లను ఎత్తి దిగువకు నీటిని విడుదల చేస్తున్నారు. సాగర్‌ జలాశయంలోకి 66,170 క్యూసెక్కులు వస్తుండగా, 78,696 క్యూసెక్కుల నీరు దిగువకు వెళ్తున్నది. ప్రాజెక్టు పూర్తిస్థాయి నీటిమట్టం 590 అడుగులు. ప్రస్తుతం 589.70 అడుగుల వద్ద నీటిమట్టం ఉన్నది. జలాశయం గరిష్ట నీటి నిల్వ సామర్థ్యం 312.0450 టీఎంసీలు కాగా ప్రస్తుతం 311.1480 టీఎంసీల నీరు నిల్వ ఉన్నది.