కాంగ్రెసోళ్లకు ఓట్లడిగే నైతిక హక్కు లేదు

హామీలను అమలు చేయకుండా అన్ని వర్గాలను మోసం చేసిన కాంగ్రెస్‌కు పట్టభద్రుల ఎమ్మెల్సీ ఎన్నికల్లో ఓట్లడిగే హక్కు లేదని మాజీ మంత్రి, సూర్యాపేట ఎమ్మెల్యే జగదీశ్‌రెడ్డి అన్నారు.

• మాజీ మంత్రి, ఎమ్మెల్యే జగదీశ్‌రెడ్డి

హుజూర్‌నగర్‌ , నవంబర్‌ 2 : హామీలను అమలు చేయకుండా అన్ని వర్గాలను మోసం చేసిన కాంగ్రెస్‌కు పట్టభద్రుల ఎమ్మెల్సీ ఎన్నికల్లో ఓట్లడిగే హక్కు లేదని మాజీ మంత్రి, సూర్యాపేట ఎమ్మెల్యే జగదీశ్‌రెడ్డి అన్నారు. సోమవారం సూర్యాపేట జిల్లా హుజూర్‌నగర్‌లో ఏర్పాటు చేసిన నల్లగొండ, వరంగల్‌, ఖమ్మం పట్టభద్రుల ఎమ్మెల్సీ ఎన్నికల కోసం ఓటరు నమోదుపై నిర్వహించిన సమీక్ష సమావేశంలో ఆయన మాట్లాడారు.

కర్ణాటకలో కాంగ్రెస్‌ పని ఖతమెందని అన్నారు. తెలంగాణలోనూ కాంగ్రెస్‌ పాలనతో ప్రజలు, రైతులు గోస పడుతున్నారని తెలిపారు.సమావేశంలో బీఆర్‌ఎస్‌ రాష్ట్ర నాయకుడు ఏనుగుల రాకేశ్‌రెడ్డి, ఎమ్మెల్సీ ఓటరు నమోదు ఇన్‌చార్జి కృష్ణారెడ్డి, బీఆర్‌ఎస్‌ నియోజకవర్గ సమన్వయకర్త ఒంటెద్దు నరసింహారెడ్డి పాల్గొన్నారు.