Visit:
హైదరాబాద్ ఆగస్టు 23 (నమస్తే తెలంగాణ): ప్రభుత్వ పాఠశాలల్లోని పేద విద్యార్థులకు నాణ్యమైన యూనిఫామ్ అందించలేదని దుస్థితిలో కాంగ్రెస్ సర్కార్ ఉన్నదా? అని మాజీ మంత్రి, బీఆర్ఎస్ డిప్యూటీ ఫ్లోర్లీడర్ హరీశ్రావు ఎక్స్ వేదికగా ప్రశ్నించారు. నాసిరకం స్కూల్ యూనిఫామ్ల పంపిణీపై ఒక పత్రికలో ఆదివారం ప్రచురితమైన కథనాన్ని తన పోస్టుకు ట్యాగ్ చేసి సర్కార్ డొల్లతనాన్ని ఎండగట్టారు. సీఎం రేవంత్ చెప్పిన ప్రపంచస్థాయి విద్యావ్యవస్థ ఇదేనా? అంటూ నిలదీశారు.
స్కూళ్లు తెరిచి రెండున్నర నెలలు దాటుతున్నా ఒక్క జత కూడా పూర్తిగా అందించలేకపోయారని విమర్శించారు. గుజరాత్ దళారులపై ఉన్న ప్రేమ.. తెలంగాణ చేనేత కార్మికులపై ఎందుకు లేదని నిలదీశారు. మఫత్లాల్ ముద్దు..మన చేనేత వద్దా? అని ప్రశ్నించారు. నాణ్యతలేని దుస్తులపై విచారణ జరిపించాలని కోరారు.
