Revanth Reddy | మహిళా సంక్షేమంపై రేవంత్‌ అడ్డగోలు వ్యాఖ్యలు.. కేసీఆర్‌ ప్రభుత్వం ఏమీ చేయలేదంటూ విమర్శలు

Revanth Reddy | మహిళా దినోత్సవం సందర్భంగా సీఎం రేవంత్‌రెడ్డి చేసిన వ్యాఖ్యలు, ప్రకటనలపై తీవ్రస్థాయిలో విమర్శలు వెల్లువెత్తుతున్నాయి. సీఎం హోదాలో ఉండి అడ్డగోలుగా అబద్ధాలు చెప్పారంటూ మహిళా స్వయం సహాయక సంఘాల సభ్యులు మండిపడుతున్నారు.

• కేసీఆర్‌ పాలనలోనే మహిళలకు మేలు జరిగిందని గుర్తుచేసుకుంటున్న స్వయం సహాయక సంఘాలు
• కాంగ్రెస్‌ మభ్యపెడుతున్నదని విమర్శలు
• సీఎం రేవంత్‌రెడ్డి అబద్ధాలు వల్లించారు

Revanth Reddy | హైదరాబాద్‌, మార్చి 8 (నమస్తే తెలంగాణ): మహిళా దినోత్సవం సందర్భంగా సీఎం రేవంత్‌రెడ్డి చేసిన వ్యాఖ్యలు, ప్రకటనలపై తీవ్రస్థాయిలో విమర్శలు వెల్లువెత్తుతున్నాయి. సీఎం హోదాలో ఉండి అడ్డగోలుగా అబద్ధాలు చెప్పారంటూ మహిళా స్వయం సహాయక సంఘాల సభ్యులు మండిపడుతున్నారు. ఎన్నికల్లో మహాలక్ష్మి పేరుతో గ్యారెంటీలు ఇచ్చిన రేవంత్‌రెడ్డి అధికారంలోకి వచ్చిన తర్వాత హామీలను అటకెక్కించారని నిప్పులు చెరుగుతున్నారు. సీఎం చెప్పిన మాటల్లో తప్పులను ఒక్కొక్కటిగా వివరిస్తూ మహిళా సంఘాల నేతలు దుమ్మెత్తిపోస్తున్నారు. కేసీఆర్‌ హయాంలో మహిళా సంఘాలకు మూడు విడుతలకు వడ్డీ లేని రుణాలు ఇచ్చి ఆదుకున్నారని తెలంగాణ మహిళా సంఘాల ప్రతినిధి సునీత స్పష్టంచేశారు.

మహిళలకు కేసీఆర్‌ ఇచ్చిన వరాలు

• 70 వేల ఎస్‌హెచ్‌జీల ద్వారా 7 లక్షల మందికి వడ్డీ లేనిరుణాలు
• పదేండ్లలో మూడు విడుతల్లో రూ.30 వేల కోట్ల వరకు వడ్డీలేని రుణాలు
• సెర్ప్‌, మెప్మా కలిపి 7 లక్షల మంది మహిళలకు లబ్ధికలిగించిన కేసీఆర్‌
• తనఖా లేకుండానే ఒక్కో గ్రూపునకు రూ.20 లక్షల వరకు రుణాలు మంజూరు
• మహిళా సాధికారత… సమగ్రాభివృద్ధి
• మెప్మా ఆర్‌పీలకు రూ.6000 వరకు,వీవోఏలకు రూ.5000 వరకు జీతాల పెంపు
• మహిళలను పారిశ్రామికవేత్తలుగా తీర్చిదిద్దిన బీఆర్‌ఎస్‌ సర్కారు
• మధ్యాహ్న భోజన కార్మికులకు రూ.3000 వేతన విధానం, 54,000 మంది కార్మికులకు లబ్ధి
• స్కూల్‌ యూనిఫారాలు కుట్టే బాధ్యతలు పద్మశాలీ మహిళలకే అప్పగింత
• బీఆర్‌ఎస్‌ పదేండ్ల కాలంలోప్రతీగ్రామంలో మహిళా భవనాల ఏర్పాటు
• ఆర్‌పీలకు రూ.6000, వీవోలకురూ.5000 వరకు వేతనాల పెంపు
• అదనంగా వీవోఏలకు రూ.900 వరకు పీఆర్సీ ఇచ్చిన కేసీఆర్‌ సర్కారు
• అంగన్‌వాడీల్లో రెండు సార్లు నియామకాలు
• ఎస్‌బీఐ, యూబీఐ ద్వారా మహిళలకు రూ.5,900 కోట్ల లావాదేవీలు
• 964 గ్రామాల్లో మహిళలు గరిష్ఠంగా రూ.60 వేలు సంపాదించుకునే వెసులుబాటు కేసీఆర్‌ పాలనలో మహిళా సంక్షేమ పథకాలు
• బాలికల కోసం ప్రత్యేక గురుకులాలు
• యువతులకు ఓవర్సీస్‌ స్కాలర్‌షిప్‌లు
• మహిళల ఆరోగ్య పరీక్షల కోసం ‘ఉమెన్‌ క్లినిక్‌’లు
• ఆడబిడ్డల పెండ్లికి కళ్యాణలక్ష్మి/షాదీముబారక్‌
• గర్భిణులకు అమ్మఒడి వాహనం ద్వారా దవాఖానలకు ఉచిత రవాణా సదుపాయం
• గర్భిణులకు న్యూట్రిషన్‌ కిట్‌, ఆరోగ్యలక్ష్మి
• బాలింతలకు కేసీఆర్‌ కిట్‌
• బీడీ కార్మికులకు పింఛన్‌
• ఒంటరి మహిళలు, వితంతువులకు పింఛన్‌

కాంగ్రెస్‌ వచ్చింది.. పథకాలు ఆపింది
కేసీఆర్‌ ప్రభుత్వం మహిళల కోసం అమలు చేసిన పథకాలను కాంగ్రెస్‌ అధికారంలోకి వచ్చిన తర్వాత నిలిపివేసిందని మహిళా సంఘాల నేతలు మండిపడుతున్నారు. ఎన్నికల సమయంలో హామీలులిచ్చి అధికారంలోకి వచ్చాక మరిచిందని ఆగ్రహం వ్యక్తం చేస్తున్నారు. కల్యాణలక్ష్మి కింద అదనంగా తులం బంగారం ఇస్తారన్నారని, ఇంతవరకు అతీగతీ లేదని విమర్శిస్తున్నారు. పింఛన్ల పెంపు ఊసేలేదని, రూ.2,500 పథకం, సూటీల పంపిణీ ఏమయ్యాయని ప్రశ్నిస్తున్నారు.

రేవంత్‌రెడ్డి ప్రకటన

• జిల్లా కేంద్రాల్లో రూ.25 కోట్లతో మహిళా శక్తి భవనాలు
• ఏడాదిలోనే రూ.21 వేల కోట్ల రుణాల మంజూరు
• మహిళా యూనివర్సిటీకి చాకలి అయిలమ్మ పేరు

మహిళల ప్రతిఘటన

• కేసీఆర్‌ హయాంలోనే 40 భవనాల నిర్మాణం
• బ్యాంకుల ద్వారా పొందిన రుణాలు మాత్రమే
• మహిళా యూనివర్సిటీని ఏర్పాటు చేసిందే కేసీఆర్‌