KTR | కేసీఆర్ అంటే ఒక వ్య‌క్తి కాదు.. బీఆర్ఎస్ అంటే ఒక సామాన్య శ‌క్తి కాదు : కేటీఆర్

KTR | కేసీఆర్ అంటే ఒక వ్య‌క్తి కాదు.. బీఆర్ఎస్ అంటే ఒక సామాన్య శ‌క్తి కాదు అని బీఆర్ఎస్ వ‌ర్కింగ్ ప్రెసిడెంట్ కేటీఆర్ పేర్కొన్నారు. ఇవాళ బీఆర్ఎస్ పార్టీకి ప‌ల్లెల్లో, ప‌ట్ట‌ణాల్లో ల‌క్ష‌లాది మంది కార్య‌క‌ర్త‌లు ఉన్నార‌ని కేటీఆర్ తెలిపారు.

KTR | హైద‌రాబాద్ : కేసీఆర్ అంటే ఒక వ్య‌క్తి కాదు.. బీఆర్ఎస్ అంటే ఒక సామాన్య శ‌క్తి కాదు అని బీఆర్ఎస్ వ‌ర్కింగ్ ప్రెసిడెంట్ కేటీఆర్ పేర్కొన్నారు. ఇవాళ బీఆర్ఎస్ పార్టీకి ప‌ల్లెల్లో, ప‌ట్ట‌ణాల్లో ల‌క్ష‌లాది మంది కార్య‌క‌ర్త‌లు ఉన్నార‌ని కేటీఆర్ తెలిపారు. రాజేంద్ర‌న‌గ‌ర్ నియోజ‌క‌వ‌ర్గంలోని ప‌లువురు కాంగ్రెస్ నేత‌లు బీఆర్ఎస్ పార్టీలో చేరిన సంద‌ర్భంగా కేటీఆర్ మాట్లాడారు.

మీ అంద‌రికీ రాష్ట్రంలో జ‌రుగుతున్న‌ ప‌రిణామాలు తెలుసు. ఏ జ‌రుగుతోందో మీకు తెలుసు. మీకు ఒక్క విష‌యం ప్ర‌త్యేకంగా గుర్తు చేస్తున్నాను. రాష్ట్ర ఏర్ప‌డిన స‌మ‌యంలో హైద‌రాబాద్‌లో ముఖ్యంగా రాజేంద్ర న‌గ‌ర్‌తో పాటు ప‌లు నియోజ‌క‌వ‌ర్గాల్లో అనుమానాలు ఉండేది. హైద‌రాబాద్‌కు పెట్టుబ‌డులు రావు.. ఉన్న పెట్టుబ‌డులు త‌ర‌లిపోతాయి.. అభివృద్ధి కుంటుప‌డ‌త‌ది.. హైద‌రాబాద్ బ్రాండ్ ఇమేజ్ దెబ్బ‌తింట‌ది. హిందూ – ముస్లింల మ‌ధ్య గొడ‌వ‌లు జ‌రుగుతాయ‌ని ప్ర‌చారాలు జ‌రుగుతుండేవి. కానీ కేసీఆర్ నాయ‌క‌త్వంలో అభివృద్ధి మ‌న కులంగా, సంక్షేమ‌మే మ‌న మతంగా అంద‌ర్నీ క‌లుపుకొని పోయి స‌మ‌పాల‌ల్లో అభివృద్ధి, సంక్షేమ ప‌థ‌కాలు అందించారు. ఆ విధంగా ప‌దేండ్లు నాటి సీఎం కేసీఆర్ రాష్ట్రాన్ని ప‌రిపాలించారు. దీంతో అన్ని రంగాల్లో తెలంగాణ దేశానికి రోల్‌మోడ‌ల్‌గా నిలిచిందని కేటీఆర్ గుర్తు చేశారు.

ఎమ్మెల్యేలు పార్టీని వ‌దిలిపెట్టిపోయినా.. ప‌ద‌వుల కోసం పోయినా మేం మాత్రం మీతో ఉంటామ‌ని పార్టీని వ‌దిలిపెట్ట‌కుండా ఉన్న గులాబీ సైనికుల‌కు శిర‌సు వంచి న‌మ‌స్క‌రిస్తున్నాను. క‌ష్టాలు అంద‌రికి వ‌స్తాయి. గెలుపోట‌ములు కొత్త‌కాదు. 2001లో కేసీఆర్ పార్టీ పెట్టిన‌ప్పుడు ఆయ‌న వెంట పిడికెడు మంది ఉండే. ఇవాళ ల‌క్ష‌లాది కార్య‌క‌ర్త‌లు ఉన్నారు. ప‌ల్లె ప‌ట్ట‌ణాల్లో బీఆర్ఎస్ పార్టీ విస్త‌రించింది. కేసీఆర్ అంటే ఒక వ్య‌క్తి కాదు.. బీఆర్ఎస్ అంటే ఒక సామాన్య శ‌క్తి కాదు. కొంద‌రు పిచ్చి క‌ల‌లు కంటున్నారు. కేసీఆర్‌, బీఆర్ఎస్‌ను ఫినిష్ చేస్తా అని రేవంత్ రెడ్డి అంటున్నారు. నీలాగా ఈ 24 ఏండ్ల‌లో చాలా మంది ప్ర‌గ్భ‌లాలు ప‌లికారు.. పిచ్చి ప్రేలాప‌న‌లు చేశారు. కేసీఆర్‌ను ఫినిష్ చేస్తా అన్న‌వారే ఫినిష్ అయ్యారు. చరిత్ర‌లోకి తొంగి చూడాల‌ని రేవంత్‌ను కోరారు. తెలంగాణ రాష్ట్ర ఏర్పాటుకు కేసీఆర్ న‌డుం బిగించ‌క‌పోతే ఇవాళ సీఎంగా రేవంత్ ఉంటుండేనా అని ఆలోచించాలి. అధికారం, ప‌ద‌వులు తాత్కాలికం. కానీ ప్ర‌జ‌ల గుండెల్లో స్థానం శాశ్వ‌తంగా ఉంటుంది. అది కేసీఆర్‌కు మాత్ర‌మే సొంత‌మ‌నే మాట విజ్ఞ‌ప్తి చేస్తున్నాను అని కేటీఆర్ పేర్కొన్నారు.

ఇవి కూడా చ‌ద‌వండి..

BRS Party | రాజేంద్ర‌న‌గ‌ర్‌లో కాంగ్రెస్ పార్టీకి షాక్‌.. బీఆర్ఎస్‌లో చేరిన మాల్యాద్రి

Lagacharla | లగచర్ల దాడి.. మరో ఎనిమిది మంది అరెస్టు

KTR | జాగో తెలంగాణ.. అబద్దపు హామీలు నమ్మి ఓట్లేస్తే భస్మాసుర హస్తం కాటేస్తుంది: కేటీఆర్‌