Kuravi | వీరన్న సన్నిధిలో బీఆర్ఎస్ మహిళా నేతల పూజలు

భద్రకాళీ సమేత శ్రీ వీరభద్రస్వామి ఆలయంలో బీఆర్ఎస్ మహిళా నేతలు బుధవారం ప్రత్యేక పూజలు నిర్వహించారు.

కురవి, అక్టోబర్ 14 : మహబూబాబాద్‌ జిల్లా కురవి మండల కేంద్రంలోని భద్రకాళీ సమేత శ్రీ వీరభద్రస్వామి ఆలయంలో బీఆర్ఎస్ మహిళా నేతలు బుధవారం ప్రత్యేక పూజలు నిర్వహించారు. మాజీ మంత్రి సత్యవతి రాథోడ్ ఆధ్వర్యంలో మాజీ డిప్యూటీ స్పీకర్ పద్మా దేవేందర్ రెడ్డి, మాజీ ఎంపీ, బీఆర్ఎస్ జిల్లా అధ్యక్షురాలు మాలోత్ కవిత, మాజీ ఎమ్మెల్యే డీఎస్ రెడ్యానాయక్, మాజీ జెడ్పీ చైర్పర్సన్లు తుల ఉమ, అంగోత్ బిందు, శ్రీదేవి తదితరులు స్వామివారిని దర్శించుకున్నారు. ఆలయ ఈవో సత్యనారాయణ వారికి స్వాగతం పలికారు. ఆలయ ప్రదక్షిణలు చేసి వీరభద్రస్వామి, భద్రకాళీ అమ్మవారితో పాటు దుర్గాదేవిని దర్శించుకుని మొక్కులు చెల్లించుకున్నారు.

అనంతరం ఆలయ ముఖమండపంలో వేదపండితులు ఆశీర్వచనాలు అందించి తీర్థప్రసాదాలు పంపిణీ చేశారు. అనంతరం కురవి యూత్ ఆధ్వర్యంలో ఏర్పాటు చేసిన దుర్గాదేవిని దర్శించుకుని పూజలు నిర్వహించారు. ఈ కార్యక్రమంలో కురవి సర్పంచ్ లక్ష్మీ నాయక్, మాజీ ఆలయ చైర్మన్ రాజునాయక్, మాజీ మండల పార్టీ అధ్యక్షుడు తోట లాలయ్య, కొణతం విజయ్, పెద్ది వెంకన్న గౌడ్, ఐలి నరహరి గౌడ్, బోడ శ్రీనునాయక్, గుగులోత్ నెహ్రూనాయక్, సంగెం భరత్, భద్రు, భోజ్య నాయక్, బాణోత్ శారద, అంగోత్ కాంతి, సర్పంచ్‌ రమేష్ పాల్గొన్నారు.