సిద్దిపేటలో సీఎం అబద్ధాల వరద
తెలంగాణ రాష్ట్ర సాధకుడిని, ప్రగతి పాలకుడిని అందించిన సిద్దిపేట గడ్డ.. సీఎం రేవంత్రెడ్డి సభతో నివ్వెరపోయింది.
- నివ్వెరపోతున్న తెలంగాణ ప్రజలు
- ఆశ్చర్యపోతున్న కాంగ్రెస్ శ్రేణులు
- కేసీఆర్, కేటీఆర్ హరీశ్పై దుర్భాష
- పథకాలపై నోరుపారేసుకున్న తీరు
- రేవంత్రెడ్డి అబద్ధాలకు అసలు నిజాలు ఏమిటో జోడించి చర్చించుకుంటున్న జనం
వరంగల్, నవంబర్ 20 (నమస్తే తెలంగాణ ప్రతినిధి): తెలంగాణ రాష్ట్ర సాధకుడిని, ప్రగతి పాలకుడిని అందించిన సిద్దిపేట గడ్డ.. సీఎం రేవంత్రెడ్డి సభతో నివ్వెరపోయింది. ఎటువంటి నేలపై ఎటువంటి నేత? అని ఆవేదనకు లోనైయింది. గురువారం సిద్దిపేటలో సీఎం రేవంత్రెడ్డి చేసిన ప్రసంగానికి ఆశ్చర్యపోయింది.
ముఖ్యమంత్రి స్థానంలో ఉన్న నాయకుడు తనకన్నా వయసులో, అనుభవంలో ఎంతో పెద్దవాడైన తెలంగాణ తొలి ముఖ్యమంత్రి కేసీఆర్పై చేసిన వ్యాఖ్యలకు యావత్తు తెలంగాణ నివ్వెరపోతుంది. సీఎం రేవంత్రెడ్డిలో అసహనం కట్టలు తెంచుకొన్నదని చెప్పేందుకు సిద్దిపేట సభే సాక్షీభూతంగా నిలుస్తుందని తెలంగాణ సమాజం అభిప్రాయపడుతున్నది. అబద్ధమే సిగ్గుపడేలా రేవంత్ తీరు ఉన్నదని, మూడేండ్లు అవుతున్నా హుందాతనం కనిపించడం లేదని స్వయానా కాంగ్రెస్ నేతలే తలలు పట్టుకుంటున్నారు.
రేవంత్ చెప్పిన అబద్ధం-1: ఉమ్మడి ఆంధ్రప్రదేశ్లోనే వైఎస్ మంత్రివర్గంలో బీఆర్ఎస్ భాగస్వామ్యంగా ఉన్నప్పుడే పోతిరెడ్డిపాడు జీవో తెచ్చారు.
ఇదీ అసలు నిజం: 2004లో తెలంగాణ ఇస్తామని పొత్తు పెట్టుకొని, రాష్ట్ర ఏర్పాటు అంశం తేల్చకపోగా తెలంగాణ ప్రయోజనాలకు విఘాతం కల్పించేలా వైఎస్ రాజశేఖర్రెడ్డి నిర్ణయాలు తీసుకుంటున్నారని.. నాడు వైఎస్ మంత్రివర్గంలో మంత్రులుగా ఉన్న విజయరామారావు, హరీశ్రావు, చంద్రశేఖర్, లక్ష్మీకాంతారావు, నాయిని నర్సింహారెడ్డి, సంతోశ్రెడ్డి తమ మంత్రి పదవులకు 2005 జులై 4న రాజీనామా చేశారు. మూడు నెలల తర్వాత జీవోనంబర్: 170 (తేదీ: 13 సెప్టెంబర్ 2005) పోతిరెడ్డిపాడుకు 11,500 టీఎంసీల నుంచి 44 వేల క్యూసెక్కుల సామర్థ్యాన్ని పెంచుతూ ఉమ్మడి ఏపీలో జీవో విడుదలైంది.
రేవంత్ చెప్పిన అబద్ధం-2: 2005లో కడప జిల్లా ఇన్చార్జి మంత్రిగా ఉన్న నాయిని పోతిరెడ్డిపాడుకు అనుకూలంగా లేడా?
ఇదీ అసలు నిజం: కడప జిల్లా ఇన్చార్జి మంత్రిగా ఉన్నా, మంత్రిగా ఉన్నా తెలంగాణ ప్రయోజనాలే లక్ష్యంగా నాయిని నర్సింహారెడ్డి వ్యవహరించారు. వైఎస్ ప్రభుత్వం తెలంగాణ ప్రయోజనాలకు వ్యతిరేకంగా నిర్ణయాలు తీసుకుంటుందని మంత్రివర్గం నుంచి బయటకు రావాలని పార్టీ అధినేత కేసీఆర్ నిర్ణయం తీసుకుంటే అమెరికా నుంచే రాజీనామా లేఖను పంపిన నికార్సైన తెలంగాణ బిడ్డ నాయిని.
రేవంత్ చెప్పిన అబద్ధం-4: తెలంగాణ కోసం ఎల్బీనగర్ చౌరస్తాలో శ్రీకాంతాచారి ఆత్మబలిదానం చేసుకుంటే కేసీఆర్ పట్టించుకోలేదు. మేమే పిలిచి శ్రీకాంతాచారి తల్లి శంకరమ్మకు మహిళా కమిషన్ సభ్యురాలిని చేసినం.
ఇదీ అసలు నిజం: అమరుడు శ్రీకాంతాచారి కుటుంబానికి కేసీఆర్ నాడు రాష్ట్ర ఆవిర్భావానికి ముందే పార్టీపరంగా ఆర్థికంగా అండగా నిలిచారు. రాష్ట్ర ఆవిర్భావం అనంతరం శ్రీకాంతాచారి సోదరుడు రవికి ఉద్యోగం, తెలంగాణ రాష్ట్ర ప్రభుత్వం నుంచి రూ.10 లక్షల ఆర్థికసాయం. డబుల్ బెడ్ రూమ్ ఇల్లు. 2014 ఎన్నికల్లో హుజూర్నగర్ అసెంబ్లీ స్థానం నుంచి శ్రీకాంతాచారి తల్లి శంకరమ్మకు బీఆర్ఎస్ పార్టీ టికెట్.
ఆ ఎన్నికల్లో ఓడిపోయినా అప్పుడున్న పరిస్థితుల్లో తనకు నియోజకవర్గ ఇన్చార్జి పదవి వద్దన్నా సరే అన్ని నియోజకవర్గాల్లో లాగే శంకరమ్మే ఇన్చార్జిగా ఉండాలని 2014 నుంచి 2018 దాకా ఆమెనే ఇన్చార్జిగా కొనసాగించిన పార్టీ అధినేత, నాటి సీఎం కేసీఆర్. ఆ సమయంలో ఆమెకు వాహ నం, గన్మెన్ల సదుపాయాన్ని కల్పించారు. 2014 నుంచి 2023లో తెలంగాణ అధికారికంగా దాదాపు అన్ని కార్యక్రమాల్లోనూ శ్రీకాంతాచారి కుటుంబానికి, ప్రత్యేకించి శంకరమ్మకు కేసీఆర్ ప్రభుత్వం గౌరవించింది.
రేవంత్ చెప్పిన అబద్ధం-5: రాయలసీమకు నీళ్లు ఎత్తుకపోయేందుకు వచ్చిన వైఎస్ జగన్మోహన్రెడ్డిని ప్రజల సొమ్ముతో కట్టిన ప్రజాభవన్కు పిలిచి నీళ్ల మీద ఒప్పందాలు కుదుర్చుకున్నరు.
ఇదీ అసలు నిజం: కృష్ణా, గోదావరి జలాల వాటా తేల్చేందుకు, తెలంగాణ, ఆంధ్రప్రదేశ్ రాష్ర్టాల ప్రజల మధ్య జల వివాదాలు ఉండొద్దని, నికర జలాలే కాదు, వరద జలాలను ఇరు రాష్ర్టాల ప్రజల వినియోగానికి ఉపయోగపడాలే అనే ఉద్దేశంతో నాడు కేసీఆర్ ప్రభుత్వం ఏపీ సీఎం జగన్మోహన్రెడ్డిని ప్రజాభవన్కు ఆహ్వానించింది.
రేవంత్ చెప్పిన అబద్ధం-6: కేసీఆర్ కట్టిన కాళేశ్వరం ప్రాజెక్టు కుప్పకూలింది.
ఇదీ అసలు నిజం: కాళేశ్వరం ప్రాజెక్టు కుప్పకూలితే మల్లన్నసాగర్ ఎక్కడిది? మల్లన్నసాగర్ రిజర్వాయరే లేనప్పుడు హైదరాబాద్కు తాగునీరు తరలించేందుకు ప్రణాళికలు ఎందుకు? కాళేశ్వరం ప్రాజెక్టులో మూడు బరాజ్లలో 1.6 కి.మీ. పొడవైన మేడిగడ్డ బరాజ్ ఒకటి.
రేవంత్ చెప్పిన అబద్దం: నేను టీడీపీలో ఉన్నా తెలంగాణ కోసం ఎలా మాట్లాడానో అసెంబ్లీ రికార్డులు చూడండి
ఇదీ అసలు నిజం: తెలంగాణ కోసం ఎమ్మెల్యే పదవులకు రాజీనామా చేయాలని నాలుగు కోట్ల ప్రజలు డిమాండ్ చేస్తుంటే.. ప్రజల ఒత్తిడికి తలొగ్గిన ప్రజాప్రతినిధులు స్పీకర్ ఫార్మాట్లో రాజీనామా చేస్తుంటే ఎమ్మెల్యేగా ఉన్న రేవంత్రెడ్డి ఆనాడు తన రాజీనామా పత్రాన్ని తెలంగాణ స్పీకర్కు ఇవ్వకుండా విజయవాడకు వెళ్లి ఆ పత్రాన్ని చంద్రబాబుకు ఇచ్చిన చరిత్రను తెలంగాణ సమాజం గుర్తుచేసుకుంటున్నది.
రేవంత్ చెప్పిన అబద్ధం-8: తొలి తెలంగాణ ఉద్యమ నాయకుడు మదన్మోహన్కు కేసీఆర్ ఏం చేసిండు? కేసీఆర్ కన్నా సీనియర్ అయిన ముత్యంరెడ్డి అనారోగ్యంతో ఉంటే కేసీఆర్ ఏం చేసిండు? తెలంగాణ ఉద్యమకారుడు, జర్నలిస్టు అయిన మాజీ ఎమ్మెల్యే సోలిపేట రామలింగారెడ్డి కుటుంబానికి కేసీఆర్ ఏదైనా సాయం చేసిండా?
ఇదీ అసలు నిజం: మదన్మోహన్ను విస్మరించింది కాంగ్రెస్. తెలంగాణ బిడ్డలు ఎక్కడున్నా, ఏ పార్టీలో ఉన్నా వారిని, వారి త్యాగాలను ఆచరించిన నాయకుడు కేసీఆర్ అని సిద్దిపేట బిడ్డలకే కాదు యావత్తు తెలంగాణ గడ్డకు తెలుసు. మాజీ మంత్రి చెరుకు ముత్యంరెడ్డిని క్యాన్సర్ మహమ్మారి వెంటాడుతుంటే రూ.2 కోట్లు వెచ్చించి ఆయనకు అమెరికాలో చికిత్స అందించింది నిజం కాదా?
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

