దేవాదుల నీళ్లు పల్లమెరుగు!
‘తలాపునే పారుతుంది గోదారి.. మాచేను మా చెలుకా ఎడారి’ అని ఉద్యమకాలంలో పాడుకొన్న పాటే 13 ఏండ్ల అనంతరం స్వరాష్ట్రం తెలంగాణ తిరిగి మళ్లీ ఆలపించుకునే దుస్థితి దాపురించిందా? అంటే ఎల్ నినో విపత్కర పరిస్థితుల్లోనూ తెలంగాణను ఒరుసుకొని గోదావరి దిగువకే తరలి పోతున్నది.
- యథేచ్ఛగా దిగువకు గోదావరి వరద నీరు.. మేడిగడ్డ, సమ్మక్క బరాజ్ దాటి ఏపీకి పరవళ్లు
- పేరూరు సీడబ్ల్యూసీ లెక్కలే సాక్ష్యం
- ఒక్కరోజు గేట్లు బంద్ చేస్తేనే సమ్మక్క బరాజ్లో 78 మీటర్ల మేర పెరిగిన నీటిమట్టం
వరంగల్, నవంబర్ 21 (నమస్తే తెలంగాణ ప్రతినిధి): ‘తలాపునే పారుతుంది గోదారి.. మాచేను మా చెలుకా ఎడారి’ అని ఉద్యమకాలంలో పాడుకొన్న పాటే 13 ఏండ్ల అనంతరం స్వరాష్ట్రం తెలంగాణ తిరిగి మళ్లీ ఆలపించుకునే దుస్థితి దాపురించిందా? అంటే ఎల్ నినో విపత్కర పరిస్థితుల్లోనూ తెలంగాణను ఒరుసుకొని గోదావరి దిగువకే తరలి పోతున్నది. ఈ కరువుకాలంలోనూ రోజుకు వేలాది క్యూసెక్కుల నీరు దిగువకు పరుగులు పెడుతున్నది.
కానీ, కాంగ్రెస్ సర్కార్ నిర్వాకంతో తెలంగాణ ప్రజల సాగుకు అటుంచి.. కనీసం గొంతు తడవడానికీ చుక్కనీరు దక్కడం లేదు. మేడిగడ్డ, సమ్మక్కబరాజ్ దాటి ఆంధ్రాకు పరవళ్లు తొక్కుతూ గోదావరిలో ప్రవాహం కొనసాగుతున్నది. గోదావరి పైనున్న సమ్మక్క బరాజ్కు దిగున దాదాపు మూడు, నాలుగు కిలోమీటర్ల దూరంలో కేంద్ర జలసంఘం (సీడబ్ల్యూసీ) పర్యవేక్షణలో పేరూరు కేంద్రం నిత్యం గణించి అంచనా వేసే గోదావరి నీటి ప్రవాహ లెక్కలు మాత్రం దిగువకు నీరు వెళ్తున్నట్టు స్పష్టంచేస్తున్నాయి. ఈ వానకాలంలో పేరూరు కేంద్రంలో నమోదైన గోదావరి నది నీటి ప్రవాహ లెక్కలు, దిగువ (ఆంధ్రప్రదేశ్)కు ప్రవహించిన తీరుకు అద్దంపడుతున్నాయి.
కన్నెపల్లి, మేడిగడ్డ, సమ్మక్క బరాజ్ను దాటుకొని దిగువకు పరవళ్లు తొక్కే గోదావరి గుట్టు అటు ఆంధ్రప్రదేశ్ సీఎం చంద్రబాబుకు, ఇటు రాష్ట్ర ముఖ్యమంత్రి రేవంత్రెడ్డికి మాత్రమే తెలుసు అనే వాదనకు గోదావరి ప్రవాహ లెక్కలే బలం చేకూరుస్తున్నాయి. మరమ్మతుల పేరుతో మేడిగడ్డ బరాజ్ పడావు పెట్టిన సర్కార్.. సిద్ధంగా ఉన్న దేవాదుల పంపులను ఎందుకు ఆన్చేయలేదు? అని బ్రీఆర్ఎస్ వానకాలం నుంచీ ప్రశ్నిస్తూనే ఉన్నది.
‘ఉత్త’ కోతలే.. ఎత్తిపోతలేవి?
దేవాదుల మూడు ఫేజ్లలోని అన్ని పంపులు సంవత్సరంలో 170 రోజులపాటు ఏకధాటిగా నడిస్తే నిర్దేశిత 38.16 టీఎంసీల నీటిని ఎత్తిపోసేందుకు వీలవుతుంది. కానీ, దేవాదుల ప్రాజెక్టు పురుడుపోసుకొని పంపు లు మొదలు పెట్టినప్పటి నుంచి ఇప్పటిదాకా గరిష్ఠంగా కేసీఆర్ హయాంలో తొమ్మిదిన్నరేండ్ల పాటు ఏటా 110 రోజులు పంపులు నడిచిన దాఖలాలున్నాయి. అదే రేవంత్రెడ్డి, మంత్రి ఉత్తంకుమార్రెడ్డి దేవాదుల ప్రాజెక్టు విషయంలో ఇప్పటి దాకా చెప్పినవన్నీ ఉత్తకోతలేని తేలిపోయింది. అందుకు జూన్ 2025 నుంచి మే 2026 వరకు ఏడాదంతా గోదావరి నుంచి దేవాదుల ద్వారా ఎత్తిపోసినవి కేవలం 18.203 టీఎంసీలేనని అధికారులు పేర్కొన్నారు. అయితే, గత రికార్డులనే వెల్లడించారని తెలిసింది. ఈ సీజన్లో ఇప్పటివరకు దేవాదుల నుంచి ఎత్తిపోసిన నీళ్లు ఎన్ని? అనేందుకు స్పష్టమైన ప్రకటన విడుదల చేయకపోవడం గమనార్హం.
మేడిగడ్డ వద్ద 12 వేల క్యూసెక్కుల ఫ్లో
కన్నెపల్లి వద్ద గోదావరి నీటి ప్రవాహం శనివారం 11,500 నుంచి 12,000 వేల కూసెక్కుల దాకా ఉంటుందని అనధికారిక లెక్కలు. అక్కడి నుంచి దాదాపు 55 కి.మీ. దూరంలోని సమ్మక్క బరాజ్ (ములుగు జిల్లా కన్నాయిగూడెం మండలం తుపాకులగూడెం వద్ద)కు వచ్చేసరికి ఆ ప్రవాహం కాస్త 15,000 క్యూసెక్కులు ఉంటుంది. మేడిగడ్డ నుంచి దిగువన దాదాపు 15 కి.మీ. దూరంలో ఇటు దమ్మూరు (భూపాలపల్లి జిల్లా పలిమెల మండలం) అటు సోమునూర్ (మహారాష్ట్రలోని గడ్చిరోలి జిల్లా సిరోంచ తాలూకా) వద్ద ఇంద్రావతి నది గోదావరిలో కలుస్తుంది. ఛత్తీస్గఢ్ నుంచి ఇంద్రావతి ప్రవాహం వల్ల అది దాదాపు 18,000 క్యూసెక్కులు ఉంటుందని అంచనా.
ఇలా మొత్తం మేడిగడ్డ, సమ్మక్క బరాజ్ దాటుకొని పేరూరు కేంద్రం వద్ద సీడబ్ల్యూసీ లెక్కలోకి గోదావరి ఒదిగిపోయి ఆ తర్వాత దిగువకు పరుగులు పెడుతున్నది. అలా పరుగులు పెడుతూ పేరూరుకు దాదాపు 15 కి.మీ. దూరంలో ఉన్న ముళ్లకట్ట వంతెన నుంచి దిగువకు గోదావరి ప్రవహిస్తున్నది. అయితే గోదావరి నీటి ప్రవాహం, బరాజ్ల వద్ద ఇన్ఫ్లో, అవుట్ ఫ్లో లెక్కలు బయటకు పొక్కడానికి వీల్లేదని తెలంగాణ సర్కార్ స్పష్టమైన ఆదేశాలు జారీ చేయడంతో లెక్కలు చెప్పేందుకు అధికారులు జంకుతున్నారు.

Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

