కేసీఆర్ అంటే నాలెడ్జ్, క్లెవ‌ర్, రివ‌ర్.. ఇలాంటి నాయ‌కుడిని ఇక ముందు కూడా చూడ‌లేము..

KCR | కేసీఆర్ అంటే కాలువలు.. చెరువులు.. రిజర్వాయర్లు అని నేను నా ట్విట్టర్ వేదికగా అభిప్రాయం పంచుకునే వాన్ని. కానీ ఇటీవల తాజా రాజకీయ పరిణామాలు శ్రద్ధగా గమనిస్తే.. కేసీఆర్ అంటే నాలెడ్జ్, క్లెవర్, రివర్.

KCR | కేసీఆర్ అంటే కాలువలు.. చెరువులు.. రిజర్వాయర్లు అని నేను నా ట్విట్టర్ వేదికగా అభిప్రాయం పంచుకునే వాన్ని. కానీ ఇటీవల తాజా రాజకీయ పరిణామాలు శ్రద్ధగా గమనిస్తే.. కేసీఆర్ అంటే నాలెడ్జ్, క్లెవర్, రివర్ అని ఆంగ్లంలో.. కరుణ, చేయూత, రాజకీయ చతురత అని తెలుగులో నిర్వచించేలా ఆయనను ఆసక్తిగా అధ్యయనం చేస్తే అవగతం అవుతుంది. శుక్రవారం సార్ జన్మదినోత్సవాన్ని ఎందరో ఓ ఉత్సవంలా ఉత్సాహంగా శక్తి కొద్ది జరుపుకున్నారు. ముషీరాబాద్ మెన్నొనైట్ బ్రదర్న్ ఉన్నత పాఠశాలలో నాతో పాటు టెన్త్ చదివిన దన్నారం మహేందర్ రెడ్డి ప్ర‌స్తుతం రంగారెడ్డి జిల్లా మొయినాబాద్ మండలం బీఆర్ఎస్ అధ్యక్షులుగా ఉన్నారు. కేసీఆర్ వంటి నాయకుడిని, రాజకీయ తెలివి గలిగి వున్న వ్యక్తిని నా జీవితంలో చూడలేదు. ఇక ముందు కూడా చూస్తాన‌న్న‌ నమ్మకం లేదు.

తెలంగాణ వస్తుందా?! ఆన్న ప్రశ్నకు, తనదైన ఉద్యమ శైలితో వావ్.. వండర్ అని నోళ్లు మూయించిన అద్భుత చతురత కేసీఆర్‌దే అనక తప్పదు. రాజకీయాలు ఎందర్నో చూశాయి. కానీ కల్వకుంట్ల చంద్రశేఖర్ రావు రాజకీయాలకే పాఠాలు నేర్పారు అని చెప్పక తప్పదు. ఈ రోజు సార్ పుట్టిన రోజును ఊరూ, వాడా జరుపుకుంటున్నాము అంటే.. అందరి నరనరాన సీఎం కేసీఆర్ ఓ గమ్మత్తు మహత్తుగా ప్రవహిస్తుంది అని ఇట్టే అర్థం అవుతుంది. తెలంగాణను నడిపిస్తున్న ఘనత కేసీఆర్ అనే మూడు అక్షరాలదే. ఆస‌రా పెన్ష‌న్ల‌తో వృద్ధుల‌కు పెద్ద కొడుకు అయ్యాడు. రైతుకు బంధువయ్యాడు. పేద బిడ్డకు కళ్యాణ లక్ష్మి కానుక‌గా ఇచ్చి దేవుడ‌య్యాడు. బాలిoతలకు కేసీఆర్ కిట్ ఇచ్చి త‌ల్లీబిడ్డ‌ల‌కు అండ‌గా నిలిచాడు. మిష‌న్ భ‌గీర‌థ ద్వారా తెలంగాణ‌లోని ప్ర‌తి గ‌డ‌ప‌కు మంచినీరు అందించి అప‌ర భ‌గీర‌థుడు అయ్యాడు. ఎంతో శోధిస్తే తప్ప అర్థ‌మై, అర్దం కాని ఓ పరిశోధన పత్రం అయ్యారు.

మా అమ్మమ్మ ఎంగల్ రామలింగమ్మ ఎన్నికలు జరిగిన ప్రతి సారి మక్తల్ నియోజక వర్గంలోని ఆత్మకూర్‌లో ఉపవాసం ఉండి ఓటు వేసేది. ఎందమ్మమ్మ ఇది.. అంటే.. కేసీఆర్ నా పెద్ద కొడుకు అసుంటోడు. మాయన్న అనేది. దేశ, రాష్ట్ర రాజకీయాలను చాలా దగ్గరగా వీక్షించే, సమీక్షించే భారత సమాచార సేవకు చెందిన ఓ విశ్రాంత అధికారి పప్పుల సురేంద్ర నాథ్, ఇటీవల నాతో మాట్లాడుతూ.. దేశ రాజకీయాలకు SHREWD POLITICIAN అన్న పదానికి అర్ధం చెప్పిన ఏకైక నాయకుడు కేసీఆర్ అని అన్నారు. ఎవరూ ఊహించని విధంగా ఎత్తుల‌కు పైఎత్తులు వేస్తూ.. అవ‌త‌లి వారికి దిమ్మ తిరిగిపోయేలా రాజ‌కీయం చేయ‌డం కేసీఆర్‌కే సాధ్యం అని చెప్పొచ్చు. భారత రాజకీయాల్లో రాజకీయం చేసే వాళ్లు ఎందరో ఉన్నా.. రాజకీయాలకు ఒక కీగా తన మేధస్సును మార్చారు బీఆర్ఎస్ అధినేత కేసీఆర్. బక్కగా ఉన్నా చిక్కని, చక్కని అనన్య సామాన్య ఆలోచన ధోరణితో క్యా.. సొంచ్ తా.. కైసే సొoచ్ తా.. సమజ్ మే నహీ ఆతా.. అనేలా యావత్ దేశ రాజకీయ నాయకులకే ఓ చదవాల్సిన గ్రంథం అయ్యారు కేసీఆర్.

మాచన రఘునందన్