‘భక్తరామదాసు’ నీటిని ఎత్తిపోయాలి
భక్తరామదాసు ఎత్తిపోతల పథకం నుంచి పాలేరు నీటిని విడుదల చేసి స్థానిక చెరువులు నింపి ఆయకట్టుకు అందించాలని ఖమ్మం జిల్లా తిరుమలాయపాలెం మండలం బీఆర్ఎస్ నాయకులు, రైతులు డిమాండ్ చేశారు. ఆదివారం వారు ఇస్లావత్తండా సమీపంలోని భక్తరామదాసు ప్రాజెక్టు పంప్హౌస్ వద్ద ఆందోళనకు దిగారు.
- చెరువులు నింపి.. సాగుకు నీరివ్వాలి
- బీఆర్ఎస్ నాయకుల డిమాండ్
- భక్తరామదాసు పంప్హౌస్ వద్ద ఆందోళన
- ఖమ్మం జిల్లా ఇస్లావత్ తండా వద్ద హైవేపై రాస్తారోకో
తిరుమలాయపాలెం, ఆగస్టు 23: భక్తరామదాసు ఎత్తిపోతల పథకం నుంచి పాలేరు నీటిని విడుదల చేసి స్థానిక చెరువులు నింపి ఆయకట్టుకు అందించాలని ఖమ్మం జిల్లా తిరుమలాయపాలెం మండలం బీఆర్ఎస్ నాయకులు, రైతులు డిమాండ్ చేశారు. ఆదివారం వారు ఇస్లావత్తండా సమీపంలోని భక్తరామదాసు ప్రాజెక్టు పంప్హౌస్ వద్ద ఆందోళనకు దిగారు. అనంతరం సమీపంలోని ఖమ్మం వరంగల్ ప్రధాన రహదారిపై రాస్తారోకో చేశారు. ఈ సందర్భంగా బీఆర్ఎస్ నాయకులు, రైతులు మాట్లాడుతూ.. కర్షకులు కరువు కోరల్లో విలవిల్లాడుతుంటే స్థానిక ఎమ్మెల్యే అయిన మంత్రి పొంగులేటి శ్రీనివాసరెడ్డి స్పందించడంలేదని మండిపడ్డారు. వెంటనే ప్రభుత్వం స్పందించి ఎండిపోతున్న పంటలను కాపాడాలని కోరారు.
ఇందుకోసం పాలేరు రిజర్వాయర్ నుంచి భక్తరామదాసు ఎత్తిపోతల పథకం ద్వారా సాగునీటిని విడుదల చేసి, ఆయకట్టు కింద ఉన్న పంటలను కాపాడాలని డిమాండ్ చేశారు. తన నియోజకవర్గంలోని కర్షకుల కన్నీళ్లు మంత్రి పొంగులేటికి ఎందుకు కన్పించడంలేదని ప్రశ్నించారు. ఇప్పటికైనా నీళ్లు విడుదల చేయకపోతే ఆందోళనలను తీవ్రతరం చేస్తామని హెచ్చరించారు. రాస్తారోకోతో ట్రాఫిక్ భారీగా స్తంభించడంతో పోలీసులు వచ్చి ఆందోళనకారులతో చర్చించారు. అధికారులతో చర్చించి నీటి విడుదలకు చర్యలు తీసుకుంటామని హామీ ఇవ్వడంతో వారు ఆందోళన విరమించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

