KGBV | ఒక్క కేజీబీవీని అప్గ్రేడ్ చేయలే! 212 కేజీబీవీలు ఇంకా పదో తరగతి వరకే..
KGBV | ఎందరో నిరుపేద, నిరాశ్రిత బాలికలను అక్కున నేర్చుకున్న కస్తూర్బాగాంధీ బాలికల విద్యాలయాలను(కేజీబీవీల) కాంగ్రెస్ సర్కారు గాలికొదిలేసింది. 15 నెలల పాలనలో ఒక్కటంటే ఒక్క కేజీబీవీని ఇంటర్ వరకు అప్గ్రేడ్చేయలేదు.
- బాల్య వివాహాలకు ఆస్కారమిస్తున్న సర్కారు తీరు
- 283 కేజీబీవీలను అప్గ్రేడ్ చేసిన బీఆర్ఎస్ సర్కార్
KGBV | హైదరాబాద్, మార్చి 22 (నమస్తే తెలంగాణ) : ఎందరో నిరుపేద, నిరాశ్రిత బాలికలను అక్కున నేర్చుకున్న కస్తూర్బాగాంధీ బాలికల విద్యాలయాలను(కేజీబీవీల) కాంగ్రెస్ సర్కారు గాలికొదిలేసింది. 15 నెలల పాలనలో ఒక్కటంటే ఒక్క కేజీబీవీని ఇంటర్ వరకు అప్గ్రేడ్చేయలేదు. దీంతో బాల్యవివాహాలకు దారితీస్తున్నది. లేదంటే పైచదువుల కోసం బాలికలు ఇంటర్ చదువులకు ఇతరదారులు వెతుక్కోవాల్సి వస్తున్నది. రాష్ట్రంలో మొత్తం 495 కేజీబీవీలున్నాయి. పదో తరగతి వరకు గల ఈ కేజీబీవీలను గత బీఆర్ఎస్ సర్కారు ఇంటర్ వరకు అప్గ్రేడ్చేసింది. దశలవారీగా 283 కేజీబీవీల స్థాయిని పెంచి, బాలికలకు నాణ్యమైన విద్యనందించింది. ఇంటర్ వరకు అప్గ్రేడ్ చేసిన కేజీబీవీల్లో రెగ్యులర్ కోర్సులతోపాటు వొకేషనల్ విద్యనందించింది. దీంతో కేజీబీవీలపై క్రేజీ వాతావరణం నెలకొన్నది. అయితే మరో 212 కేజీబీవీలను 10వ తరగతి వరకే నిర్వహిస్తున్నారు. కాంగ్రెస్ ప్రభుత్వం వచ్చిన తర్వాత ఒక్క కేజీబీవీని కూడా అప్గ్రేడ్ చేయలేదు. కేజీబీవీల వాతావరణానికి అలవాటుపడిన బాలికలు పదో తరగతి తర్వాత జూనియర్ కాలేజీల్లో సర్దుబాటుకాలేకపోతున్నారు. డ్రాపౌట్ అవుతున్నారు. ఇక పదో తరగతి పూర్తికాగానే చదువుల భారం భరించలేక కుటుంబసభ్యులు వివాహాలు చేసేందుకు ప్రయత్నిస్తున్నారు. కాంగ్రెస్ సర్కారు తీరు బాల్యవివాహాలకు ఆస్కారమిస్తున్నది.
రూ.105కోట్లివ్వండి
కేజీబీవీలను సమగ్రశిక్ష ప్రాజెక్ట్లో అంతర్భాగంగా నిర్వహిస్తున్నారు. ఏటా నిర్వహించే ఎస్ఎస్ పీఏబీ సమావేశంలో కేజీబీవీల అప్గ్రేడేషన్కు ఆమోదం తెలుపుతారు. కానీ 2024-25 విద్యాసంవత్సరంలో ఒక్క కేజీబీవీని కూడా అప్గ్రేడ్ చేయలేదు. 2025-26 విద్యాసంవత్సరంలో 30 వరకు కేజీబీవీల అప్గ్రేడేషన్ కోసం ప్రతిపాదనలు సమావేశం ముందుంచారు. కానీ ఏదీ తేలలేదు. 212 కేజీబీవీలను ఇంటర్ వరకు అప్గ్రేడ్చేసేందుకు పాఠశాల విద్యాశాఖ సర్కారుకు ప్రతిపాదనలు పంపించింది. కేంద్ర ప్రభుత్వంతో సంబంధంలేకుండా రాష్ట్ర ప్రభుత్వమే అప్గ్రేడ్చేయాలని, ఇందుకు రూ.105 కోట్లు ఖర్చవుతాయని ప్రతిపాదించింది. ఈ నిధులను రాష్ట్ర ప్రభుత్వమే సొంతంగా సమకూర్చాలని కోరింది. ఇందుకు సర్కారు పచ్చ జెండా ఊపుతుందా.. లేక మోకాలడ్డుతుందా అన్న అనుమానాలు నెలకొన్నాయి.

Read Today's Latest Telangana News in Telugu and Telugu News
RELATED ARTICLES
తాజా వార్తలు
Hyderabad | నీటి ట్యాంకు నుంచి వృథాగా పోతున్న తాగునీరు..
Enugula Rakesh Reddy | యూత్ డిక్లరేషన్ పేరుతో యువతను మోసం చేసిన కాంగ్రెస్ : ఏనుగుల రాకేష్రెడ్డి
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

