ఇరాన్‌ను భర్తీ చేసేదెవరు?

ఈ ఏడాది జూన్‌-జులైలో అమెరికా, కెనడా, మెక్సికో ఆతిథ్యమివ్వనున్న ఫిఫా వరల్డ్‌ కప్‌లో పాల్గొనబోమని ఇరాన్‌ స్పష్టం చేయడంతో ఆ జట్టు స్థానాన్ని భర్తీ చేసే టీమ్‌పై సర్వత్రా ఆసక్తి నెలకొంది.

దుబాయ్‌: ఈ ఏడాది జూన్‌-జులైలో అమెరికా, కెనడా, మెక్సికో ఆతిథ్యమివ్వనున్న ఫిఫా వరల్డ్‌ కప్‌లో పాల్గొనబోమని ఇరాన్‌ స్పష్టం చేయడంతో ఆ జట్టు స్థానాన్ని భర్తీ చేసే టీమ్‌పై సర్వత్రా ఆసక్తి నెలకొంది. గడిచిన ఏడాది కాలంలో అమెరికా.. ఇరాన్‌పై రెండుసార్లు దాడులు చేయడమే గాక ఆ దేశ అధ్యక్షుడు ఆయతుల్లా అలీ ఖమేనీని, వేలాది మంది అమాయకులను బలితీసుకున్నదనే కారణంతో తాము అమెరికా ఆతిథ్యమిచ్చే ప్రపంచకప్‌ ఆడబోమని ఇరాన్‌ క్రీడా మంత్రి అహ్మద్‌ డోన్యామాలి వ్యాఖ్యానించడంతో ఈ చర్చ మొదలైంది.

ఫిఫా క్వాలిఫికేషన్‌ నిబంధనల ప్రకారం.. ఇరాన్‌ టోర్నీ నుంచి తప్పుకుంటే ఆ దేశం తర్వాత అత్యుత్తమ ర్యాంకు కల్గిన జట్టుకు ప్రపంచకప్‌లో ఆడే అవకాశం దక్కుతుంది. అయితే ఇరాన్‌ తర్వాతి స్థానంలో ఉన్న ఖతార్‌ ఇప్పటికే ఫిఫాకు అర్హత సాధించగా ఆ తదుపరి స్థానం ఇరాక్‌ది. ఫిఫా గనుక ఇరాన్‌ నిష్క్రమణను అంగీకరిస్తే ఇరాక్‌ ఛాన్స్‌ కొట్టేసినట్టే!