భీంరెడ్డి చరిత్ర తెలంగాణకు గర్వకారణం.. ఘనంగా 103వ జయంతి

తెలంగాణ రైతాంగ సాయుధ పోరాట యోధుడు, ఎంసీపీఐ (యూ) పొలిట్‌బ్యూరో సభ్యుడు, మాజీ ఎంపీ భీంరెడ్డి నరసింహారెడ్డి చరిత్ర తెలంగాణ సమాజానికి గర్వకారణమని ఎంసీపీఐ (యూ) నేతలు కొనియాడారు.

హైదరాబాద్‌, మార్చి 15 (నమస్తే తెలంగాణ): తెలంగాణ రైతాంగ సాయుధ పోరాట యోధుడు, ఎంసీపీఐ (యూ) పొలిట్‌బ్యూరో సభ్యుడు, మాజీ ఎంపీ భీంరెడ్డి నరసింహారెడ్డి చరిత్ర తెలంగాణ సమాజానికి గర్వకారణమని ఎంసీపీఐ (యూ) నేతలు కొనియాడారు. ఆదివారం హైదరాబాద్‌లోని ఓంకార్‌భవన్‌లో భీంరెడ్డి నరసింహారెడ్డి 103వ జయంతిని నిర్వహించారు.

ఈ సందర్భంగా భీంరెడ్డి చిత్రపటానికి నేతలు పూలమాలలు వేసి నివాళులర్పించారు. భీంరెడ్డికి ప్రభుత్వం సముచిత గౌరవం కల్పించేలా సూర్యాపేట జిల్లాకు ఆయన పేరు పెట్టాలని వారు కోరారు. భీంరెడ్డి చరిత్రను పాఠ్యాంశంగా చేర్చాలని విజ్ఞప్తిచేశారు. ఈ కార్యక్రమంలో కేంద్రకమిటీ సభ్యుడు వల్లెపు ఉపేందర్‌రెడ్డి, వనం సుధాకర్‌, నార్ల చంద్రశేఖర్‌, గాదగోని రవి, మాడిశెట్టి అరుణ్‌కుమార్‌, భారత ఐక్య విద్యార్థి సమాఖ్య అధ్యక్షుడు తాటికొండ రవి, మాదం తిరుపతి తదితరులు పాల్గొన్నారు.