బీసీ కులగణన చేపట్టాల్సిందే.. బీజేపీకి బీసీ సంఘాల అల్టిమేటం

BJP | బీజేపీ నేతృత్వంలోని కేంద్ర ప్రభుత్వం బీసీ కులగణన చేపట్టకపోతే ఆ పార్టీకి ఓట్లు వేసే ప్రసక్తే లేదని తెలంగాణలోని బీసీ సంఘాలు తేల్చిచెప్పాయి.

హైదరాబాద్‌: బీజేపీ నేతృత్వంలోని కేంద్ర ప్రభుత్వం బీసీ కులగణన చేపట్టకపోతే ఆ పార్టీకి ఓట్లు వేసే ప్రసక్తే లేదని తెలంగాణలోని బీసీ సంఘాలు తేల్చిచెప్పాయి. హైదరాబాద్‌లోని సిటీ సెంట్రల్ కోర్టు హోటల్‌లో ఏర్పాటు చేసిన బీసీ కుల సంఘాల సమావేశంలో పాల్గొన్న నేతలు పార్టీలకు అతీతంగా కుల గణనపై డిమాండ్ చేశారు. బీజేపీకి బీసీల ఓట్లు కావాలి కానీ వారి సంక్షేమం అవసరం లేదా అంటూ ప్రశ్నించారు.

జాతీయ స్థాయిలో 56 శాతం ఉన్న బీసీల బాగోగులు పట్టని మోదీ ప్రభుత్వానికి తగిన గుణపాఠం చెప్తామని హెచ్చరించారు. జాతి నిర్మాణంలో భాగమైన బీసీలను విస్మరిస్తే ప్రభుత్వాలకు, పార్టీలకు పుట్టగతులు ఉండవన్నారు. చట్టసభల్లో రిజర్వేషన్లు కావాలని 75 ఏండ్ల స్వాతంత్య్ర దేశంలో బీసీలు వాటిని కావాలని కొరడమే దౌర్భాగ్యమా అని ప్రశ్నించారు.