Balka Suman | బాల్క సుమన్ బెయిల్‌ పిటిషన్‌పై వాదనలు రేపటికి వాయిదా

Balka Suman | కాంగ్రెస్‌ ప్రభుత్వం అక్రమ కేసులకు రిమాండ్‌లో ఉన్న బీఆర్‌ఎస్‌ మాజీ ఎమ్మెల్యే బాల్క సుమన్‌ బెయిల్ పిటిషన్‌ పై వాదనలను కోర్టు రేపటికి వాయిదా వేసింది.

మంచిర్యాల : కాంగ్రెస్‌ ప్రభుత్వం అక్రమ కేసులకు రిమాండ్‌లో ఉన్న బీఆర్‌ఎస్‌ మాజీ ఎమ్మెల్యే బాల్క సుమన్‌ ( Balka Suman ) బెయిల్ పిటిషన్‌ ( Bail Petition) పై వాదనలను కోర్టు రేపటికి వాయిదా వేసింది. మంచిర్యాల జిల్లా జైలులో ఉన్న బాల్కసుమన్‌కు బెయిల్‌ మంజూరు చేయాలని కోరుతూ కోర్టులో పిటిషన్‌ దాఖలు చేశారు.

ఈ పిటిషన్‌పై సోమవారం విచారణకు రాగా కోర్టు పరిశీలించింది.కౌంటర్ పిటిషన్ పై గడువు కావాలని పోలీసులు కోరగా బెయిలు పిటిషన్ పై వాదనలను రేపటికి వాయిదా వేసింది. జిల్లాలోని క్యాతన్‌పల్లి మున్సిపాలిటీ ఎన్నికల్లో బీఆర్‌ఎస్‌ అభ్యర్థులు అత్యధిక సంఖ్యలో విజయం సాధించగా   చైర్‌పర్సన్‌, వైస్‌ చైర్మన్‌ ఎన్నికకు కాంగ్రెస్‌ అడ్డంకులు సృష్టించింది.

పోలీసులను, ప్రభుత్వాన్ని నిలదీసిన బాల్కసుమన్‌పై అక్రమ కేసులు నమోదు చేసి అరెస్టు చేసి రిమాండ్‌కు తరలించింది . గత వారం రోజులకు పైగా సుమన్‌ మంచిర్యాల జిల్లా జైలులో ఉన్నారు. ప్రభుత్వ వైఖరిని నిరసిస్తూ జిల్లా వ్యాప్తంగా బీఆర్‌ఎస్‌ శ్రేణులు బంద్‌ నిర్వహించాయి .