కాంగ్రెస్లో గొల్లకురుమల రణభేరి
ప్రభుత్వంపై అధికార పార్టీకి చెందిన గొల్లకురుమ నాయకులు తిరుగుబాటు జెండా ఎగరేశారా? తమకు పదవులు దక్కకపోవడంపై ఆగ్రహంతో రగిలిపోతున్నారా? అంటే అవుననే సమాధానాలు వస్తున్నాయి.
- ప్రభుత్వంలో తగిన ప్రాధాన్యం లేదంటూ ఆగ్రహం
- అంజన్కుమార్యాదవ్ నేతృత్వంలో ప్రత్యేక భేటీ
- తమ వల్లే కాంగ్రెస్ అధికారం లోకి వచ్చిందని ఉద్ఘాటన
- పీసీసీ చీఫ్, మంత్రివర్గంలో స్థానం ఇవ్వాలని డిమాండ్
హైదరాబాద్, ఆగస్టు 20 (నమస్తే తెలంగాణ): ప్రభుత్వంపై అధికార పార్టీకి చెందిన గొల్లకురుమ నాయకులు తిరుగుబాటు జెండా ఎగరేశారా? తమకు పదవులు దక్కకపోవడంపై ఆగ్రహంతో రగిలిపోతున్నారా? అంటే అవుననే సమాధానాలు వస్తున్నాయి. కాంగ్రెస్ పార్టీకి చెందిన గొల్లకురుమ వర్గాలకు చెందిన పలువురు కీలక నేతలు మాజీ ఎంపీ, పీసీసీ వర్కింగ్ ప్రెసిడెంట్ అంజన్కుమార్ యాదవ్ నేతృత్వంలో మంగళవారం భేటీ అయ్యారు. ఈ భేటీలో పలువురు నేతలు ప్రభుత్వ తీరుపై తీవ్ర ఆగ్రహం వ్యక్తంచేశారు. ప్రభుత్వంలో గొల్ల కురుమలకు ప్రాధాన్యం దక్కడం లేదని ఆవేదన వ్యక్తం చేశారు. ఈ సందర్భంగా అంజన్కుమార్ యాదవ్ మాట్లాడుతూ.. కాంగ్రెస్ను అధికారంలోకి తీసుకొచ్చిన గొల్ల కురుమలకు ప్రభుత్వంలో తగిన ప్రాధాన్యం ఇవ్వకపోవడం దారుణమని అన్నారు.
రాజకీయంగా బీసీలకు రావాల్సిన వాటా రావడం లేదని, ఈ సమయంలో బీసీలంతా సంఘటితం కావాలని పిలుపునిచ్చారు. ఇప్పటికైనా ప్రభుత్వంలో గొల్ల కురుమలకు అధిక ప్రాధాన్యం ఇవ్వాలని అన్నారు. తమ కులం వారికి టీపీసీసీ అధ్యక్ష పదవితోపాటు మంత్రివర్గ విస్తరణలో అవకాశం ఇవ్వాలని డిమాండ్ చేశారు. వీటితో పాటు 6 కార్పొరేషన్ చైర్మన్ పదవులు, 5 కమిషన్ మెంబర్లు ఇవ్వాలని కోరారు. ఇంకా రెండు ఎమ్మెల్సీ స్థానాలు కేటాయించాలన్నారు. ఈ సమావేశంలో తోటకూర జంగయ్య యాదవ్, చరణ్కౌశిక్ యాదవ్, గౌరీసతీశ్, లోకేశ్ యాదవ్, రాజేశ్, గడ్డం శేఖర్ యాదవ్, గడ్డం శ్రీనివాస్ యాదవ్, సౌధని భూమన్న యాదవ్, కల్పన, మధుకర్ యాదవ్ తదితరులు పాల్గొన్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Type 1 Diabetes | చిన్నారుల్లో ఇలాంటి లక్షణాలు కనిపిస్తే జాగ్రత్త.. అది టైప్-1 డయాబెటిస్ అయ్యే అవకాశాలు ఉంటాయి..
IPS Officer | మహిళా ఐపీఎస్ అధికారికి అశ్లీల వీడియోలు.. తెలంగాణ పోలీస్ శాఖలో కలకలం
INDvsNZ | వెల్లింగ్టన్ టెస్టులో భారత్ భారీ ఆధిక్యం.. 109/2 వద్ద న్యూజిలాండ్ పోరాటం
Hyderabad | హైదరాబాద్ శివార్లలో మళ్లీ భూముల వేలం.. రూ.600 కోట్ల సమీకరణపై సర్కారు గురి!
వికారాబాద్లో లారీ బీభత్సం.. ఒకే కుటుంబానికి చెందిన నలుగురు మృతి
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

