Pashaam Yadagiri | తెలంగాణ మీడియాలో ఆంధ్రా పెత్తనం.. అక్రిడిటేషన్ల‌పై పాశం యాదగిరి నిప్పులు!

Telangana Journalists | తెలంగాణ రాష్ట్రంలో మీడియా అక్రిడిటేషన్ల‌ కేటాయింపు, వార్తా ఛానళ్ల యాజమాన్యాల తీరుపై సీనియర్ జర్నలిస్ట్ పాశం యాదగిరి సంచలన వ్యాఖ్యలు చేశారు

Pashaam Yadagiri | తెలంగాణ రాష్ట్రంలో మీడియా అక్రిడిటేషన్ల‌ కేటాయింపు, వార్తా ఛానళ్ల యాజమాన్యాల తీరుపై సీనియర్ జర్నలిస్ట్ పాశం యాదగిరి సంచలన వ్యాఖ్యలు చేశారు. స్వరాష్ట్రంలోనూ స్థానిక జర్నలిస్టులకు ఇంకా తీరని అన్యాయం జరుగుతోందని ఆయన ఆవేదన వ్యక్తం చేశారు. ప్రత్యేక తెలంగాణ రాష్ట్రం సిద్ధించినప్పటికీ, మీడియా రంగంలో ఇప్పటికీ ఆంధ్ర ప్రాంతానికి చెందిన వారి ఆధిపత్యమే నడుస్తోందని యాదగిరి స్పష్టం చేశారు. తెలంగాణలో పనిచేస్తున్న స్థానిక జర్నలిస్టులను పక్కనపెట్టి, ప్రస్తుతం మొత్తం ఆంధ్రా ప్రాంతానికి చెందిన జర్నలిస్టులకే ఇక్కడ అక్రిడిటేషన్ల‌ కార్డులు ఎక్కువగా ఇస్తున్నారని ఆయన తీవ్రస్థాయిలో ఆరోపించారు. స్థానికులకు దక్కాల్సిన గుర్తింపు అన్యాక్రాంతమవుతోందని మండిపడ్డారు.

అంతేకాకుండా, తెలంగాణ ఎలక్ట్రానిక్ మీడియాలో ఉన్న యాజమాన్యాల పరిస్థితిని ఆయన వేలెత్తి చూపారు. రాష్ట్రంలో కేవలం వి6 (V6), టి న్యూస్ (T News) ఛానళ్లు మినహాయిస్తే, మిగిలిన ప్రధాన వార్తా ఛానళ్లన్నీ ఆంధ్రా యాజమాన్యాల చేతుల్లోనే నడుస్తున్నాయని యాదగిరి వెల్లడించారు. స్వరాష్ట్రంలో తెలంగాణ జర్నలిస్టుల హక్కులు, మీడియా నియంత్రణ ఇంకా ఇతరుల చేతుల్లోనే ఉండటంపై ఆయన తీవ్ర ఆందోళన వ్యక్తం చేశారు.

పవన్ కళ్యాణ్ ఒకప్పుడు చేగువేరా బొమ్మలు పెట్టుకుని తిరిగే వాడు.. ఇప్పుడు చంద్రబాబు బొమ్మలు పెట్టుకుని తిరుగుతున్నాడు

ప్రొఫెసర్ నాగేశ్వర్ రావు ముందు పవన్ కళ్యాణ్ ఒక లిల్లీపుట్

ఎన్నో పెళ్లిళ్లు చేసుకున్న నువ్వు కూడా సంస్కారం గురించి మాట్లాడుతున్నావా?

నాగేశ్వర్ రావు గారు చేసిన… https://t.co/b9syOzkk4Z pic.twitter.com/W9wEKIynqU

— Telugu Scribe (@TeluguScribe) May 27, 2026