e-Paper

Advertisement

E-Paper

Apps

Book Your Copy

Visit Telangana Today

Thursday, June 17, 2021
Home టాప్ స్టోరీస్ శభాష్‌.. శంషాబాద్‌

శభాష్‌.. శంషాబాద్‌

శభాష్‌.. శంషాబాద్‌
  • వ్యాక్సిన్‌ హబ్‌గా మన ఎయిర్‌కార్గో
  • ఔషధాల దిగుమతి, ఎగుమతుల్లో కీలకం
  • కష్టకాలంలో చురుకైన పాత్ర

శంషాబాద్‌, మే 11: సామాజిక సేవలో, విపత్కర పరిస్థితుల్లో దేశానికే దిక్సూచిగా జీఎంఆర్‌ హైదరాబాద్‌ (శంషాబాద్‌) అంతర్జాతీయ విమానాశ్రయం తనకు తానే సాటిగా నిలిచింది. దేశవ్యాప్తంగా కొవిడ్‌ వ్యాక్సిన్ల కోసం భారత ప్రభుత్వం ఏర్పాటు చేసిన 41 హబ్‌లలో హైదరాబాద్‌ ఒకటి. కొవిడ్‌ వ్యాక్సిన్లు, ఔషధాల ఉత్పత్తికి హైదరాబాద్‌ నగరం హబ్‌గా, వాటి ఎగుమతులు, దిగుమతుల హ్యాండ్లింగ్‌ హబ్‌గా శంషాబాద్‌ ఎయిర్‌కార్గో ప్రధాన పాత్ర పోషిస్తున్నది. టెంపరేచర్‌ సెన్సిటివ్‌ కార్గో నిర్వహణకు, అవుట్‌బౌండ్‌, ఇన్‌బౌండ్‌ వ్యాక్సిన్‌ సరుకుల రవాణాకు సమర్థవంతమైన వసతి కలిగి ఉంది. హైదరాబాద్‌లో రాబోయే 18-24 నెలల్లో 300-600 కోట్ల వివిధ రకాల టీకాలు ఉత్పత్తి చేసే అవకాశాలు ఉన్నాయని అంచనా. వాటి సరఫరాకు అవసరమైన కోల్డ్‌ చైన్‌ ఏర్పాటుతో ఎయిర్‌కార్గో సంసిద్ధంగా ఉన్నది. కొవిడ్‌ ప్రారంభం నుంచి వ్యాక్సిన్లు, వైద్యపరికరాలు, పీపీఈ కిట్లు, మాస్క్‌లు, శానిటైజర్లు వంటివి మన ఎయర్‌కార్గో ద్వారా సజావుగా రవాణా జరిగింది. ఈ నెల 1న రష్యా నుంచి స్పుత్నిక్‌-వీ దిగుమతి విజయవంతమైంది.

మెరుగైన కనెక్టివిటీ

ప్రపంచ వ్యాప్తంగా ప్రధాన కార్గో హబ్‌లతోపాటు 58 దేశీయ గమ్య స్థానాలకు, 150 అంతర్జాతీయ ప్రదేశాలకు ప్రత్యక్ష సేవలను శంషాబాద్‌ ఎయిర్‌పోర్టు కలిగి ఉన్నది. రవాణాలో రాష్ట్ర ఆర్టీసీతోనూ ఎయిర్‌కార్గో భాగస్వామ్యం కలిగి ఉన్నది.

కొవిడ్‌-19 వ్యాక్సిన్‌ కన్‌ఫైన్‌మెంట్ల తరలింపు ఇలా..
హైదరాబాద్‌- గన్నవరం
హైదరాబాద్‌- గౌహతి
హైదరాబాద్‌- పాట్నా
.హైదరాబాద్‌- ఢిల్లీ
హైదరాబాద్‌- బెంగళూరు
హైదరాబాద్‌- పుణె
హైదరాబాద్‌- భువనేశ్వర్‌
హైదరాబాద్‌- జైపూర్‌
హైదరాబాద్‌- చెన్నై
హైదరాబాద్‌- లక్నో

శంషాబాద్‌ ఎయిర్‌కార్గో నుంచి 3 నెలల్లో ఔషధాలు, వ్యాక్సిన్‌ రవాణా (టన్నుల్లో)
జనవరి ఫిబ్రవరి మార్చి
జాతీయస్థాయి 4,800 4,500 5,000
అంతర్జాతీయ స్థాయి 5,800 6,200 6,700
10, 600 10,700 11,700

సకాలంలో, సజావుగా సరఫరా
కొవిడ్‌ ప్రారంభమైనప్పటి నుంచి అవసరమైన రిలీఫ్‌ మెటీరియల్స్‌ను సకాలంలో సజావుగా సరఫరా చేయడానికి జీఎంఆర్‌ ఎయిర్‌పోర్టు కార్గో ఎంతో కృషి చేస్తున్నది. వ్యాక్సిన్‌ తరలింపు, నిర్వహణకు అవసరమైన వసతులు ఎయిర్‌పోర్టులోని ఎయిర్‌కార్గోలో ఉన్నాయి.
– శంషాబాద్‌ ఎయిర్‌పోర్టు సీఈవో ప్రదీప్‌ ఫణికర్‌

Advertisement
-Advertisement-

తాజావార్తలు

Advertisement
శభాష్‌.. శంషాబాద్‌

ట్రెండింగ్‌

Advertisement