శ్రీకాళహస్తిలో ఘోర ప్రమాదం

ఏపీ రాష్ట్రం తిరుపతి జిల్లా శ్రీకాళహస్తిలో ఆదివారం ఘోర రోడ్డు ప్రమాదం జరిగింది. శ్రీకాళహస్తి ఏర్పేడు మార్గం మిట్టకండ్రిగ వద్ద కారు, లారీ ఢీకొన్న ప్రమాదంలో ఆరుగురు మృత్యువాత పడగా, ఇద్దరు తీవ్రంగా గాయపడ్డారు.

• ఆరుగురి దుర్మరణం.. ఇద్దరికి తీవ్ర గాయాలు.. దవాఖానకు తరలింపు

హైదరాబాద్‌, జూలై 9 (నమస్తే తెలంగాణ): ఏపీ రాష్ట్రం తిరుపతి జిల్లా శ్రీకాళహస్తిలో ఆదివారం ఘోర రోడ్డు ప్రమాదం జరిగింది. శ్రీకాళహస్తి ఏర్పేడు మార్గం మిట్టకండ్రిగ వద్ద కారు, లారీ ఢీకొన్న ప్రమాదంలో ఆరుగురు మృత్యువాత పడగా, ఇద్దరు తీవ్రంగా గాయపడ్డారు.

మృతుల్లో నలుగురు మహిళలు ఉండగా, బాధితులు విజయవాడకు చెందిన వారుగా గుర్తించారు. తిరుపతి నుంచి శ్రీకాళహస్తికి కారులో ఏడుగురు వెళ్తుండగా, అతివేగం కారణంగా లారీ అదుపుతప్పి కారును ఢీకొట్టింది. క్షతగాత్రులను శ్రీకాళహస్తి ఏరియా దవాఖానకు తరలించారు. పోలీసులు కేసు దర్యాప్తు చేస్తున్నారు.