కొత్తగా 207 కొవిడ్‌ కేసులు

హైదరాబాద్‌, డిసెంబర్‌ 10 (నమస్తే తెలంగాణ): రాష్ట్రంలో శుక్రవారం కొత్తగా 207 కేసులు నమోదయ్యాయని వైద్యారోగ్యశాఖ బులెటిన్‌లో తెలిపింది. 196 మంది కోలుకొని డిశ్చార్జి అయ్యారు. ప్రస్తుతం ఇండ్లు, దవాఖానల్లో 3,887 మంది చికిత్స పొందుతున్నారు. గురువారం అత్యధికంగా జీహెచ్‌ఎంసీ పరిధిలో 76, రంగారెడ్డి 24, హనుమకొండ 15, నల్లగొండలో 11 కేసులు వెలుగు చూశాయి.

• హైదరాబాద్‌ అంతర్జాతీయ విమానాశ్రయానికి రిస్క్‌ దేశాల నుంచి గురువారం 668 మంది ప్రయాణికులు వచ్చారు. ఆర్టీపీసీఆర్‌ పరీక్షల్లో ఇద్దరికి పాజిటివ్‌ అని తేలింది.
• రాష్ట్రవ్యాప్తంగా శుక్రవారం రికార్డుస్థాయిలో 3.90 లక్షల కొవిడ్‌ టీకాలు వేశారు. మొత్తం టీకాల సంఖ్య 4.06 కోట్లుగా నమోదైంది. రాష్ట్రంలో 53.92 లక్షల డోసులు అందుబాటులో ఉన్నాయి.